2016 оны зуны нэгэн өдөр Ээжийн нутаг, Архангай аймгийн Өөлдийн Өлзийт сум руу очихоор, хотоос нэлээд оройтож гарлаа. Монголын сум аймгийн хүмүүстэй уулзалт зохиож, өөрийн хийж буй ажилуудаа танилцуулж, бодлоо хуваалцаж, тэдний санал бодлыг сонсож судалгаа руугаа явж байв.

Улс орноо бүрэн мэдэрмээр байвал, хот, хөдөө, төв, зах, гадаад дотоод гээд маш олон талаас нь Монгол Үндэстэн, Тусгаар Монгол улс, Монгол хүнээ харж, ойлгож сурах хэрэгтэй, тэгэхийн тулд бүгдэнтэй нь ярилцах шаардлагатай.

Дэлгэрэнгүйгээр унших »

Оросуудын онигоо:

Нэгэн орос эр явж байгаад Монгол Баатартай таарч гэнэ ээ.

Монгол хэлээр ‘’вперёд’’ гэдэг үгийг хэрхэн хэлдгийг асуутал,

Монгол Баатар –Урагшаа гэж хэлж өгч.

Орос эр “назад” (буцах ухрах) гэдэг үгийг Монголоор яаж хэлдгийг асуутал,

Бардам Монгол Баатар (Багатур-Богатыр) –Манайд тийм үг байхгүй гэж.

-Хэрвээ гэрлүүгээн харих бол яах вэ? гэж илүү тодорхой асуутал,

Манай эр – Бид морио эргүүлээд тэгээд Урагшаа гэжээ…

2016 оны 12 сарын

5 дугаар аян, 86 дахь улс. Хойд Америк тивийн, Канадын конфедерац улсын баруун өмнөд эрэг. Хоёр сая хагас гаруй хүнтэй Ванкувер гэх далайн эргийн усан боомт хот…

Би хаана байна аа?

Дахиад л нөгөө асуулт.

Нүдээ бага зэрэг нээтэл айлын зочны өрөөнд байна. Хажууханд Даш найз маань нам гүм унтаж байна. Гал тогооны тавилга, видео студийн төхөөрөмж, компьютер эргэн тойронд харагдана.

Аан,

Бид Диди найзындаа ирсэн байна.

Нээрээн бид энд хүрч чадлаа гэж үү?

Өнгөрсөн өдрүүдэд юу болоод өнгөрөв өө…

Ямар эрсдэлтэй, хол зам байв аа…

Дэлгэрэнгүйгээр унших »

2014 оны 12 сарын 10
Монгол Бадарчин 4-р аян, 79 дахь улс, Төв Америкийн Белиз-ын Кай Колкер (Caye Caulker) арал дээр.
Төв Америкийн Белиз улсын Кай Колкер гэх Дэлхийд цуутай Карибийн тэнгэсийн арал дээр 7 хоноод, эргээд замдаа гарах мөч ирэв.
Цүнхээ баглаад, буудлынхаа үүдэнд гарлаа.
Хөх тэнгэр, хязгааргүй тэнгис.
Гадаа нар халаад, бөгчим байна. Аяллын хугацаанд олон удаа өөр өөр цаг агаарын хооронд үсрэлт хийдэг болохоор өвлийн хүйтэнд бэлдсэн байсан Монгол хүний бие зуны айгам халуун нутгийг туулсаар байна.
Энэ халуун бүсийг туулаад, дараа нь өвлийн яхир хүйтэн бүс рүү эргээд орно.
Манай буудалд буусан жуулчид, болон нутгийн залуус далайн эрэгт усанд сэлэхээр явцгаажээ.

Дэлгэрэнгүйгээр унших »

2016 оны 10 сарын 27
86. Канадын Эдмонтон хот.
Канадад ирээд удаагүй байна.
Нутгийн хүмүүс Хэловин буюу “сүнсний баяр” гэж манайхаар буруу орчуулаад байгаа баяртаа бэлдээд, сэтгэл нь хөөрсөн бололтой. Жил бүрийн 10 сарын 31 ний өдөр тэмдэглэж өнгөрөөдөг Христийн шашны баяр. Талийгаачид болон гэгээнтнүүдээ дурсдаг өдөр.

Дэлгэрэнгүйгээр унших »

Дэлгэрэнгүйгээр унших »

2013 оны 2 сарын 20

МБ3, 72 Камбодж улсын Кампот хот

Мотоциклын арын суудлаас яаран бууж, зочид буудлынхаа цайны газрын баарны өмнө зогсоод, юу авч уухаа яаран бодлоо.
Лангуун дээрхи олон төрлийн сархадын дундаас аль болох өндөр градустай, сав нь дүүрэн эсвэл задлаагүй тийм ундаа юу байгааг харж байгаад, цагаан өнгийн Бакарди гэх 40 хэмийн сархадтай шилийг сонгож, үйлчлэгч залууг дуудаж, тэрхүү сархадаас зуун грамм захив.
Нэг дор ингэж уух гэж байгаа юм байх даа гэсэн гайхсан харцтай камбож залуугийн нүдэн дээр шууд гударч орхиод, дээш өрөө рүүгээ яаран алхлаа.

Дэлгэрэнгүйгээр унших »

2008 оны 7 сарын 26

МБ1, 44 Мали улсын баруун хязгаарын Кита суурин.

Нэг хоног хүлээсэн галт тэрэг шөнө дунд буудал дээр ирж зогслоо.

Галт тэрэг хүлээсэн нутгийн хүмүүс яаран дотогш тэмүүлэх үед, үүргэвчээ үүрэн дунд нь орж, дайрлаа.

Тасалбарт суудал заагаагүй болохоор ингэж, түрүүлж орохгүй бол суудалгүй шөнөжингөө босоогоор явж магад.

Дэлгэрэнгүйгээр унших »

2013 оны 5 сарын 3.
Тай-ын вант улсын нийслэл Бангкок хотын олон улсын нисэх онгоцны буудал.
Аав, Ээж маань надтай хамт 30 өдрийн, хэцүү боловч адал явдлаар дүүрэн аялалд хамт явж, 2 улс, олон хот суурингийн хүмүүсийн ертөнцтэй танилцаж, амьдралд ховор заягдах, адал явдалт “Амай травел” аяллын сүүлийн мөч ирлээ.
Дэлхийн хүн амын 99% энэ насандаа үзээгүй, Дэлхий ертөнцийг туулаад, судлаад, туршаад ирсэн хүн болохоор Аав, Ээжийнхээ ачийг хариулж, өөрийн ертөнцдөө гайхамшигтай аялуулсан минь энэ байлаа.
Тансаг буудал, тусгай үйлчилгээ авах нь гол биш, чадах чинээгээрээ нутаг бүрийн гоо үзэсгэлэн, соёлын дээжийг үзүүлэхийг хичээлээ.
Дэлхийн аялал, жуулчлалын салбарын шилдэг хөтөч, аянчин, мэргэжилтэнгүүд цуглаад, дуу бүжиг, хөгжим спортын тэмцээнүүдийн адил хэн нь хамгийн шилдэг аялал жуулчны мэргэжилтэн бэ гэдэг өрсөлдөөн хийвэл би шилдэг өрсөлдөгчдийн нэг байна гэдэгт эргэлзээгүй билээ.
(Би Монголдоо төдийгүй Дэлхийд аялал жуулчлалыг сайн мэддэг мэргэжилтэн болсон болохоор, “Амай Травел” гэдэг компани байгуулж, шинэ сонирхолтой аяллын багцуудыг санал болгох бодолтой байна. Фейсвүүк-ийн энэ хуудсанд нэгдээрэй.)

Дэлгэрэнгүйгээр унших »

2007 оны 09 сарын 18
МБ1. 27. ӨАБНУ. Йоханесбург хот
Өмнөд Африкийн Бүгд Найрамдах улсын эдийн засгийн нийслэл “Жобург” хотод ирээд бараг сар хагас болчихлоо, 9 сар гэхэд энд өвөл нь дуусч, хавар зуны эхний өдрүүд эхэлж байна.
Өвөлдөө ус хөлдөж, мөс болох хэм рүү орохгүй ч, нутгийхан өвөл гэнэ.
Дэлхийн бөмбөрцгийн энэ хязгаарт 12 сард зун болж, 6 сард өвлийн дунд сар нь гээд боддоо.

Дэлгэрэнгүйгээр унших »

2008 оны 08 сарын 25

МБ1. 47 дахь улс Мавританий нийслэл Ноакшот хотоос 130 км-ийн зайд.

Баруун Сахара цөл, Африк тив.

Ислам шашинтай араб угсааны хүмүүсийн захирдаг улс.

Улс төрийн тогтворгүй байдлаас үүдэн, цэргийн төрийн эргэлт гараад хэд хонож байгаа үед.

Өглөө нүдээ нээгээд –Би хаана байна аа? гэдэг нөгөө л асуултаа өөрөөсөө асуулаа. Замд гараад хоёр жил хагас гаруй болж.

Африк тив, 47 дахь улс, Мавритани улсын Сахарын элсэн цөлд гэж өөртөө санууллаа.

Байнгын өөрчлөлт, хувьсгалын нөхцөлд олон өдөр, сар, жил байхлаар, орон зай байршил, өдөр хоногоо алдах нь энүүхэнд юм. Тиймээс өглөө бүр өөртөө, бүх байдлыг сануулж байх хэрэгтэй болдог юм байна.

Дэлгэрэнгүйгээр унших »

2016 оны 5 сарын 9
Хаана: Хүн Төрөлхтний хамгийн эртний төрөл угсаа, соёл иргэншил, 810 жилийн түүхт, Нүүдэлчин овог аймгуудын Ураг, нутгийг нэгтгэсэн, Их Эзэн Чингис Хааны, Тусгаар Монгол Улсын, Шинэ нийслэл Улаанбаатар хот.

Хүн төрөлхтний өнө эртний соёл иргэншилт, Сири улсын ард түмэнд энэ өдрийн мэндийг , Бүгд найрамдах засаглалт Ардчилсан Монгол улсын иргэн, Бат овогтон Жамбалсүрэнгийн хүү Золбаяр (Амай) миний бие алс холын Үзэсгэлэнт Монгол нутгаас , интернэтийн сошл гэх сүлжээг ашиглан Та бүхэнд илгээж байна.
Хүн төрөлхтний энэ цаг үеийн хамгийн аймшигтай, бас харамсалтай иргэний болон түрэмгийллийн дайнд нэрвэгдсэн Сирийн ард түмний өдөр тутмын уй гашуудал, зовлон зүдгүүрийг миний бие төсөөлж ч чадахгүй байна.

Дэлгэрэнгүйгээр унших »

“Монгол Бадарчин” цувралын 2,3 дугаар ботид орсон “НҮБ-ын хамгаалтад” цувралын  4 дүгээрхэсгийг орууллаа. Эхний хоёрыг уншсан хүмүүс, үргэлжлүүлээд уншаарай.

2008 оны 5 сарын 26

МБ1. 39, Зааны ясан эрэг улсын Либерийн хилийн ойролцоо.

Золоо чи солиорсон уу? гэж миний дотоод хоолой асууж эхэллээ.

Би, иргэний дайн дуусаагүй, түр гал зогсоох гэрээ хийсэн харь улсад ганцаараа, сайн танихгүй хүний мотоциклын ард суун, Африкийн ширэнгэн ойн гүн рүү явж байв.

Золоо, чи өмнөх туршлагаа мартаа юу? Конгод байхдаа босогчдын нутгаар ганцаараа явах ямар байлаа? гэж дотоод хоолой надтай ярих гээд байв.

Дэлгэрэнгүйгээр унших »

2008 оны 11 сарын 11.
МБ1. 50.2, Испани улс, Гранада хот.

Түүх дурсгал, ёс заншлаа уламжлан хадгалж, түүнийгээ хүндлэн дээдэлдэг соёл иргэншлүүдийг хараад үнэхээр хүндэлмээр бас атаархмаар.
Хэдэн зуун, мянганы өмнөх барилга байшин, соёл урлагаа өнөө цаг хүртэл хамгаалан хадгалж, дэлхий дахинаа танилцуулж чадаж байгаа Испаничууд надад маш их таалагдлаа.

Дэлгэрэнгүйгээр унших »

2011 оны 01 сарын 07

МБ2. 70. АНУ, Чикаго хот

Өнөө орой хотын төв орж, Чикаго хотын шөнийн амьдралтай танилцъя гэж ах бэр хоёр дуудаж, би дуртай нь аргагүй нүүрээ угаагаад, нөгөө хувцасаа өмсөөд, машины ард үсрэн сууж, дэлхийн хамгийн галзуу үдэшлэг, клубуудтай Чи хотын соёлтой танилцахад бэлэн болов.

АНУ том том хотынхоо төвүүдээ, захын хорооллууд, бусад муж, алс хязгаар нутгуудтай сайн чанарын хурдны замаар холбож чадсан тул “Даунтаун” гэх Чикаго хотын төв рүү хүрэх гэж гучаад км явах нь юу ч биш юм.

Дэлгэрэнгүйгээр унших »

2014 оны 10 сарын 04

МВ4. АНУ ын Итака хот

“Монгол Бадарчин” дөрөв дүгээр аяндаа, Хойд болон Төв Америкийг бололцоогоор судлаж, санхүү хүрэх юм бол Өмнөд Америкаар дайраад буцах төлөвлөгөөтэй гарав. Канад улсаас эхэлж, улмаар урд зүг явна гэж бодсон ч тийм ч амар бүтдэггүй визэнд нь зарцуулах цаг хугацаа, зардал хэтэрхий үнэтэй тусаад байсан тул АНУ-ын Нью Йорк хотоос гараад Итака хотоор дайрч, Чикагод дүүтэйгээ уулзаад, тэгээд өмнө зүг хөдлөхөөр төлөвлөв. Канадыг хамгийн сүүлд нь…

Өглөө гар утас дуудаж байгаа мэт санагдлаа. Байнга утсаа сольдог болохоор шинэ утасныхаа дууг таньсангүй. Арай гэж босон утсаа автал – Золоо! Яасан бэ?  Чамайг хүлээгээд байна шүү дээ! Байгаа газар чинь яваад очьё… гэж Монголоор яаруулж байгаа сонсогдлоо.

Дэлгэрэнгүйгээр унших »

2013 оны 4 сарын 14

МБ3. 73 Лаос улс, Луанг Прабанг хот

Аав, Ээж, миний шавь  Отгоо дүү нар 73 дахь улс Лаосын нийслэлд, над дээр ирэн, холын замын нэгээхэн хэсгийг хамт туулж, нуруун дээр байгаа олон жилийн ачааллыг бага ч болов хөнгөлөхөөр ирсэн байв.

Ганц өөрийгөө бус дөрвөн хүний аяллын хөтөлбөр, төсөв, ахмад насны аав ээжийн замын туршид анхаарах эрүүл мэндийн байдал гээд, гуравдугаар аянд гараад, Зүүн өмнөд Азийн халуун бөгчим орчинд өдөр шөнөгүй хэдэн сар жилээр явсан надад амаргүй байв.

Дэлгэрэнгүйгээр унших »

2014 оны 4 сарын 10

МБ4. 86 Канад улсын Эдмонтон хот

Монгол Бадарчин төслийнхөө дөрөв дүгээр замд гараад долоон сар гаруйн хугацаанд хойд болон төв Америкийн 12 улсын хил хязгаарыг туулж, 86 дахь улс Канадын Эдмонтон хотод төрсөн дүү Баярхүү, Төөмөө  хоёрынхоо гэр бүлд ирэн, холын алжаалаа тайлж, хэсэг зуур амрангаа сүүлийн аяллаас олж мэдсэн зүйлс, тав дугаар номдоо оруулах тэмдэгллүүдээ бодож сууна.

Дүү, бэр хоёр ажилдаа явсан хойгуур Пенни нохойг нь салхинд гаргахаас өөр санаа зовох зүйлгүй хэсэгхэн хугацаанд амрах үнэхээр сайхан юм. Удахгүй эргээд замд гарна гэхээс айсаар. Ялангуя олон жил үргэлжилж байгаа хязгаар нь үгүй аянд ихэд ядарсныг хэлэх үү.

Зардал өндөртэй аялалд, буусан буудалдаа амарч өнжин гэж бараг байх биш. Өдөр шөнгүй явна. Ус, хоол унд, цагийн зөрүүний өөрчлөлт, цаг агаарын хэм, улирлын шилжилтээс гадна, амь насанд аюултай байж болох нутгаар явсны дараах ядаргаа нь намайг нэг хэсэг гэрээсээ ч гарч, шинэ юм үзэх хүсэлгүй болгож.

Дэлгэрэнгүйгээр унших »