Facebook – дээрээс

2011 оны 11 сарын 22

АНУ. Чикаго хот

Миний ном таалагдсан бол, сурталчилгаа өвөрмөц болж чадсан бол. LIKE дарж SHARE хийгээрээ.

Таны дэмжлэг над болон миний аялалд маш чухал байна!

Миний энэ рекламыг чангалж байгаад сонссон хүн байна уу?

Цаас юм болхоороо чимээгүй, ширээн дээр хэвтэж байгаа 2 ном. Төсөөлөөд үздээ. Ном руу хартал тэр дотор байгаа бүх үйл явдлууд сонсогдоno.

Номын хуудсыг эргүүлэх болгонд тухайн хуудсанд тохирсон дуу чимээ дагалдаж байна. Магадгүй ирээдүйн ном болж болох

Хүүхэн харааны хөдөлгөөнийг тооцоолж тухайн хөгжим дээр үйл явдал, хэлж буй хүний хоолойны өнгөхүртэл мэдрэгдэнэ. Зүгээр видео кино үзэж буй мэт биш, ҮСЭГ гэдэг дүрсүүдийг нийлүүлэхэд чихэнд чимээ сонсогдоно.

Санснаас Номыг Chillout хөгжмийн чимээнд унших сайхан байдаг шүү.

ХЭРВЭЭ НОМ ЧИМЭЭТЭЙ БАЙСАН БОЛ гэсэн бичгийн дараа миний номонд орсон тэмдэглэлүүдийн үйл явдлын чимээ дуугарч байна.
Монгол Бадарчин номын 1-р боть болох ГАЙХАМШИГТ ЕРТӨНЦ номонд орсон ЧИМЭЭ гэдэг тэмдэглэлийг уншсан хүмүүс санаж байна уу? Өглөө хүйтэн хөлстэй сэрээсэн ЧИМЭЭ. Тэгээд чимээний төгсгөл хэсэгт эхний бөмбөг унаж байгаа. Зарим бөмбөг Чингэлтэй дүүргийн хэмжээтэй газрыг тэгшилсэн байсан. Тэгээд –ИЗРАЙЛЬ УЛС ХЕЗБОЛЛА БҮЛГИЙН ДАЙРАЛТАНД ӨРТЛӨӨ!!! гэсэн өгүүлбэр хэлж байгаа. Тэр үед үнэхээр сонин үйл явдлууд болж байсан. Орос, англи хэлийг ойлгодог Харилцаа төгссөн Монгол залуу Орос улс болон Араб, Израйль улс болон АНУ-ын хооронд хийж буй дайн шиг олон мэдээллийн урсгалыг мэдэрсэн.
Харин сүүлийн хэсэгт гарч байгаа КИРГИЗ ЯСТАНГУУДЫН (КИРГИЗСТАН) улсын мэдээгээр төр засгийн газрын тухай ярьж байгаа. Төр иргэд хоёр хэл амаа олж бие биенээ зохицуулж чадаагүйн тод жишээ! 170 гаруй хүнээ хувьсгал хийж байгаа гэж алуулсан. Тийм улсад иргэд цагдаа нартаа итгэхгүй (гэмт хэрэг өсөхийн шинж) цэргүүдээсээ айдаг болдог юм.
Ийм үйл явдлуудыг харуулах гэж оролдсон.

Монголын телевизийн рекламуудыг харж байхад дандаа л гадны рекламуудыг дуурайсан байдаг.

Ичих ч үгүй энэ рекламтай яг адил хий гэж ярьж байдаг.

2011 оны 08 сарын 25.
№70, АНУ, Чикаго хот.
Өчигдөр орой ахын зөвлөсний дагуу “Mao’s last dancer” киног үзээд биширлээ.
Аль нэг улс төрийн талыг баримтлаагүй, түүхэн талаас маш нарийвчлалтай хийсэн кино байна.
Дундад улс буюу Жунгуо нар дэлхийн соёлыг хэрхэн өөрийн болгож буй, Мао Зедунг, Дэн Сяо Пин-ий үеийн нийгэм гадаад бодлогын чиг хандлага, коммунист Дундад улсад амьдарч буй хань үндэстний амьдрал гээд энэ кино бол тэр чигээрээ түүхэн баримт мэт санагдлаа.
Энэ киног үзэж байхад анх хоцрогдсон Монгол улсаас 2000 онд дэлхийн тэргүүн дэвшилтэд Япон улс руу явж байхдаа соёлын шооконд орж байсан явдал яах аргагүй санаанд орж, гадны соёлыг сайн судлаад эх орондоо авчрах бодол тухайн үед төрсөн минь бодогдлоо.
Энэ кино бол ямар ч байсан кино урлагийн гайхамшиг гэж хэлхээс өөр арга алга. Хэдийгээр баллет гэх барууны бүжгийг гол сэдвээ болгосон ч 1980-аад оны үе буюу одоогоос 30 жилийн өмнөх Америк, Дундад улс хоёрын хоорондын байдлыг харуулсан нь маш сонин байлаа.
Гэтэл 30 жилийн дараа манай өмнөд хөрш Японыг түрүүлээд Америкийн ард ирж, хэдхэн жилийн дараа гүйцнэ гэж ярьж байгаа нь баллет бүжгийг хэрхэн өөрийн соёлдоо шингээж буй байдал, гадаадад буй авьяаслаг залуучуудаа хэрхэн эх орон руугаа татаж буйгаар харж болох юм.
Бадарчлалын үед Дундад улс буюу өмнөд хөршөө үзэн ядах бус, ухаалгаар сайн судалж эрх тэгш харилцааг бий болгох хэрэгтэй байна гэж бичиж байсан боловч үзэн ядалтандаа автсан хүмүүс тэмдэглэлийг минь анзаараагүй юм. Ялангуяа Хятад гэдэг нэг нүүдэлчин гаралтай Кидан-аас үүсэлтэй, харин 1949 оноос манай өмнөд хөрш болсон холбооны улсын нэр нь Дундад улс гэж ханзаар бичээд байгааг анзаарахгүй байдаг. 54 үндэстнийг нэгтгэсэн улс шүү дээ!
Мао-гийн соёлын хувьсгал үр дүнгээ өгсөн эсэх асуудал бол маш олон талтай ч Дэн Сяо Пин яалтачгүй шинэчлэлийг хийж Америк улсын бодлогыг маш зөвөөр өөртөө шингээсний ачаар өнөөдрийн Дундад улсын дүр төрх бий болоод байгаа билээ.
Энэ киног зөвхөн гэртээ үзэх бус найз нөхөд хамт олноороо үзэж, гарч буй үйл явдалд өөрийн дүн шинжилгээ өгөхийг хүсэж байна. Энэхүү бичлэгийг засгийн газрын тэргүүнд бичсэн захианы дараа гаргаж байгаа нь бас утгатай бөгөөд, манай төр засаг гадаад албаны хүмүүс үзэж өөрийн дүн шинжилгээгээ хийхийг хүсэж байна.
Бид адил түүхийг туулж байсан тул Монголчууд энэ киног үзэхэд хялбар байх болно. Гагцхүү бид юун дээр алдаж, харин өмнөд хөрш юун дээр зөв алхам хийж амжилтад хүрснийг энэ кино сайн харуулаад өгөх болов уу.
Болдог сон бол маш сайн орчуулгатайгаар үндэсний телевизээр гаргах юм сан.
Хөгжлийн гарц хайх бус хөгжилд хүрэх зам бүтээх нь чухал байна.

Билетээ аваад попкорн болон кока колагаа бариад заалруу орлоо. Цагаасаа 10-аад минутын өмнө ирсэн байсан бөгөөд заал руу орох үед агааржуулалт заалыг хэтэрхий хүйтэн болгосон байлаа.
Соц үед кино эхлэхийн өмнө хүмүүст танин мэдэхүйн болон хүмүүжлийн төрлийн богино хэмжээний кинонууд гаргадаг байсан бол одоо хэрэгтэй хэрэггүй рекламаар дэлгэцийг халааж байлаа. Гэртээ байсан бол удирдлагаа дараад сувгийг сольж болох байсан ч энэ том дэлгэцний өмнө суусан би яалтачгүй үзлээ.
Мөнгө төлөөд дээрээс нь хэн нэгний худалдааны зориулалттай ямар ч ач тусгүй рекламны тархи угаалгыг харж суух муухай байлаа.  Учир нь мөнгө төлсөн хүнийг хүчээр реклам үзүүлж байна. Үүний оронд ямар кино үзвэрүүд цааш гарах тухай сурталчилгаанууд гаргадаг болоосой.
Монголд хориогүй бол зөвшөөрсөн гэдэг зарчим үйлчилдэг тул
- Дараагийн удаа кинонд ирэхдээ яг эхлэх үед нь зааланд орно!
Гэж бодлоо. Зурагт радио гудамжны сурталчилгаа гээд хангалттай тархи угааж байхад дээрээс нь мөнгөө төлсөн кинон дээр хүчээр хэн нэгний рекламыг үзэх хүсэл үнэхээр байсангүй.
Удалгүй кино эхлэж Болгарт үзсэн Аватар киноноос хойш ингэж соёлын арга хэмжээнд оролцоогүйгээ саналаа. Тэнгис кинотеатрын дүрс чимээ бол үнэхээр сайн гэж хэлж болохоор байлаа.
Монголдоо барууны сайн чанарын хамгийн сүүлийн үеийн киног үзэх боломж байгаад мэдээж баярлаж буйгаа Тэнгисийн хамт олонд хэлмээр байна.
Кино эх хэл буюу Англи хэл дээрээ байлаа. Харин хэлийг нь мэдэхгүй Монголчуудад доор нь subtitle буюу кирил монголоор орчуулгыг нь тавьсан харагдлаа.
Хэрвээ Англи хэл мэддэггүй бол, дундаас дээш түвшинд яриаг ойлгодоггүй бол, сэтгэн бодох чадвар тааруу бол Тэнгист Inception киног үзээд хэрэггүй мөнгөний гарз гэж зөвлөмөөр байна. Энэ кино бол маш гүн ухааны сэдэвтэй тул түүнийг нь орчуулах ажлыг жирийн нэг залуу бус мэргэжлийн хүмүүс хийх ёстой юм. Бас яриа маш хурдан өнгөрч кинонд их хэмжээний гайхамшигт видео эффектүүд орсон байгаа тул бичгийг унших зуур дүрсийг ажиглаж амжихгүй юм. Яриа хурдан өнгөрөх үед орчуулсан кирил монголыг уншиж амжихгүй байснаас гадна утга санаа нь кинотойгоо бараг нийлэхгүй байсан гэж хэлмээр байна.
Дэлхийн хэмжээний киног Монголдоо гаргаж байгаад баяртай ч түүнийгээ хүнд бүрэн хүргэх тал дээр анхаарч өндөр чанарын ажлыг хийж гүйцэтгэхийг манай кино соёлд ажиллаж буй хүмүүсээс хүсмээр байна.
Inception киноны хувьд үнэхээр их таалагдлаа. Тиймээс өөрийн КД клубын бичлэгүүддээ орууллаа.
Бичлэгээ зогсоогоод сар гаруй болсон шалтгаан нь бичих зүйл их байгаа ч дандаа сөрөг зүйлүүд өнөөгийн Монголын амьдралд харагдаад байгаа тул бусдын тархийг бузарлахгүй байхаар шийдсэн юм. Харин энэ кино бол сайн мэдээ.
Матрикс кино анх дэлгэцнээ гарах үед утга санаа нь Америкийн нийгмээс дор хаяж 5 жилээр түрүүлсэн байсан. Зарим хүмүүс киноноос гараад буцаж орж дахин үзэж байсан. Матрикс киноны эффектийг бид бүрэн чанараар нь мэдэрч чадаагүйгээс гадна утгыг нь бараг ойлгоогүй гэж хэлж болно. Түүнтэй адил Inception кино өнөөдрийн Америк сэтгэлгээнээс хэр түрүүлж байгаа болоо гэсэн бодол төрлөө. Тэгээд ийм орчуулгатай Монголд гарч байхад бид хэзээ ойлгох нь бүү мэд.
Бид гэдэг нь нийт хүмүүс гэсэн үг юм. Том улсууд их гүрнүүд өөрийн иргэддээ зөв мэдээллийг өндөр чанараар хүргэх бодлогыг улсын хэмжээнд хэрэгжүүлж байгаа харагдсан. Гадны кино нэвтрүүлгийг өөрийн хэлрүү орчуулах давхар хоолой оруулах тал дээр их анхаарч, өндөр мэргэжлийн ажил хийж байсан. Иргэд нь юмны учрыг мэддэг тул халтуур муу чанарын ажлыг шүүмжилж чаддаг юм.
Манайд өнөөдрийг хүртэл соёлын дүн шинжээч гэж байгууллага хүн байхгүй байгаа нь ийнхүү муу чанарын соёл урлаг нийгмийн мэдрэмжийг бууруулахад нөлөөлж байгаа болов уу.
Энэ киног тв-ээр муу чанарын бичлэгтэй гаргахгүй байх тал дээр Тэнгисийн албаныхан анхаарах байх гэж найдаж байна. Учир нь хоол идэнгээ, хичээлээ хийнгээ үздэг олон ангит киноноос тэс өөр. Өндөр чанарын дэлгэц яригчаар хүртэх ёстой ажил байна.
Киноны утга санааг тайлбарлах гэж хичээх хэрэггүй болов уу. Учир нь хүмүүс өөрсдөө хайж олох ёстой. Харин гол санаа болох зүүдний тайллын талаах дахин дахин бодох хэрэгтэй болгож байна.
Waking Life кинон дээр гардаг санаа бас гайхамшигтай байсан шүү! Үнэхээр зүүдээ хянаж чадах юм бол тэндээ өөрийн хүсэн мөрөөдсөн амьдралыг амьдарч болно шүүдээ.
2 ертөнцөд 2 өөр амьдралаар амьдарч чадах юм бол ямар гайхамшигтай гэж санана? Энэ амьдралдаа оффист ажилладаг байлаа гэхэд зүүдэндээ аялагч байж болно шүүдээ. Тэгээд түүнийгээ бодит юм шиг хөгжүүлбэл? Inception дээр бас энэ санаа маш тодоор гарч байгаа. Гагцхүү донтой юм шиг бодит байдлыг харж чадхаа больвол яахуу?
За яачиж байсан дэлхийн түвшиний өндөр чанартай сайн киног Монголдоо үзмээр байсан Inception бол сайн сонголт шүү! Гагцхүү миний анхааруулсан зүйлүүдийг бодоорой.

2010 оны 2 сарын 4 ны өдөр. Украйн улс Лвов хот.

Би хэн бэ? Гэдэг асуултыг бага байхаасаа өөрөөсөө асуудаг байлаа, одоо ч гэсэн энэ асуултын хариуултыг хайсаар байна. Гэхдээ сүүлийн 4 жил 3 сарын дотор юу өөрчлөгдсөн бэ? Гэж надаас асуумаар байвал Man from EARTH киног үзэхийг зөвлөж байна.

Аялалын хэцүү хэсэг болох Африк тивд 2 жил хагас гаруй зарцуулсны дараа Европдоо буцаж ирэхэд нэгэн зүйл өөрчлөгдсөнийг ойлгосон юм. Барилга байшин эд хогшилд харах харц өөр болсон байлаа.

Жирийн нэг хүн амьдралдаа сайхан ХОУСэ, машин, гар утас, хөгжим, элдэв эд хогшлын төлөө өдөр бүр ажиллаж, хэзээ нэгэн цагт хүссэн зүйлээ авдаг билээ. Тухайн зүйлийг эдлэх үедээ маш их сэтгэлийн таашаал хүртдэг ч, эд хуучрирч амжаагүй байхад тухайн хүний таашаал, сонирхол буурч, улмаар удаан хугацаанд хүсэн хүлээж байсан зуйл нь үнэ цэнээ алддаг билээ.

Аялах хүсэлтэй хүмүүс ч гэсэн ялгаагүй, Франц, Егыпт орж үзэх юмсан гэж мөрөөдсөөр байгаад нэгэн өдөр газартаа хүрээд, хэд хоногийн дараа тухайн мөрөөдөл өдөр тутамын амьдрал болно.

Би юу хэлэх гээд байна вэ? Гэвэл аялынхаа 4 жил гаруй хугацаанд хүмүүсийн мөрөөдөж болох ихэнх мөрөөдлийг нь үзлээ, тууллаа. Авч хэрэглэх хүсэлтэй зүйлийг нь бас хувьдаа аваагүй ч боломж гарсан үед нь ашиглаж хэрэглэж сонирхлоо дарлаа.

Үүний дараа юу үлдсэн бэ?

Амьдралын утга учир юунд байнаа? Гэдгийг дахин асууж эхэлсэн юм. Насан туршдаа ажиллаж, ур ухааныг туулсан амьдралаараа хуримтлуулсан хүн 60 хүрээд амьдралыг өөрөөр харж эхэлдэгтэй адил явдал надтай 30 насанд тохиолдоод байгаа юм. эргэж гэртээ харихдаа үеийхэнтэйгээ хэл амаа ололцохоо болих, тэд намайг ойлгохгүй байж болох талч ажиглагдана.

3-4 удаа амь насаа алдахын даваан дээр байж, өлсөж ядарч, жаргаж цэнгэл гээд жирийн хүний амьдралынхаа туршид туулах зүйлүүдийн ихэнхийг нь тууллаа.

Гагцхүү нэг л зүйл үлдсэн бөгөөд түүнийгээ бүтээх нь хамгийн гол зорилго байдгийг сая нэг ойлголоо.

Учир нь амьдрал өөрөө цаг хугацаанд баригддаг тул энэ хүчин зүйлийг өдөр тутам бодолцож байхгүй бол юу болдгийг ч таарсан хүмүүсийн амьдралаас харлаа. сургамж авлаа.

Юм Үзэж Нүд Тайлна гэж манай уламжалалт соёлд юуг хэлээд байгааг би маш сайн ойлголоо.

Харин та?

Мөнх амьдрах юм шиг өөрийгөө бодож байгаа юм биш биз?

Цаг хугацааны тухай ойлголт хүн бүрт янз бур байна.

Гэхдээ цаг хугацаа дотроо хүн өөрөө бас янз бүрийн тоололтой шүүдээ.

1 цаг, 1 сар, 1 жил гэдэг хүн бүрт өөрөөр үйлчилдэг.

Румын улсын Тимиссоара хотод найз дээрээ 3 сарын дараа ирэхэд түүний гэрт юу ч өөрчлөгдөөгүй, тэрээр Австарт 3 хоногоор явсанаас өөр юу ч болоогүй гэж хэ лэх үед- Ямар сонин юм бэ? Би яг л өчигдөр энд байсан юм шиг санагдах юм, гэтэл тэр өдрөөс хойш 5 улсын хилийг гатлаад, шинэ хот хүмүүс адал явдалтай учраад, 3 сарын өмнөх амьдралын тухай ойлголт тэс өөр болсон байдаг! Гэж түүнд хэлж билээ.
Үнэхээр надтай адил 30 настай залуу хэдийгээр эхэлсэн тоолол адил боловч, туулсан амьдрал нь тэс өөр байна. Дэлхийн хөгжлийн түүх, нууцын эрэлд бадарчилж байхдаа цаг хугацаа гэдэг зүйлийн талаар ойлголтыг мэдсэн бөгөөд, нутаг нэгт залуустайгаа өөрийн блогдоо хуваалцаж байгаатай маш их баяртай байна.

Сайхан амьдарсан гэдгийг хүн төрлөхтний цаг хугацааны тоогоор бус мэдэрсэн мэдрэмжээр хэмжиж болох шинэ тоолол зохиож эхэллээ.

Хэдий чинээ ихийг үзэж сурна төдий чинээ өргөн сэтгэнэ, насаараа надаас ахмад хүнд хүн төрлөхтний амьдрал гэж ямар байдгийг жилийн өмнө төвөггүй хэлж, заах чадалтай байсан бол одоо ямарваа нэгэн улсруу нэвтрээд барилга байшин, хүмүүсийн хувцаснаас тухайн улсын түүх одоо тэгээд ирээдүйг таамаглаж хэлэх боломжтой болсон байна.

Нүүдэлчдийн цаг тооны ухааны нэгэн хэсэг цагаан сарыг бид тэмдэглэж байгаа ч, тооны цаана байгаа нууцыг бид тайлсан байсныг сайхнаас ойлгож эхэлсэн юм.

Монголчуудынхаа бүдүүллгийг гайхдаг хүмүүс өөрсдийгөө бусадтай харицуулж дандаа муу талаас хардаг зуршилаасаа салах хэрэгтэй, харин бидэнд байгаа тэр мэдлэг мэдээллийг тайлж чадах юм бол их хэмжээний хөрөнгө мөнгө цэрэг зэвсэггүй ирээдүйг төвөггүй таамаглаж, сүр хүчээ эргүүлэн сэргээж болохыг мэдлээ.

Түүхээ мэдэж байх юм бол ирээдүйг таамаглаж болох ухааныг Настрадамус яаж мэдэж байсныг би гадарлаж эхэллээ. Байгалиас заяасан зөн совин буюу манай Буу нарт байдаг тэрхүү авъяасаа шинжлэх ухаан тооны ухааны хуулинд захируулахад болоо.

Нууц бол энэ!

4 жил гаруй хайсны эцэст зөвхөн нэрийг нь оллоо. Харин цаашаа хэрхэн ажилдаг механизмыг нь тайлах хэрэгтэй.

Учир нь ХҮН гэдэг амьтан 14000 жилийн өмнөхөөс нээх өөрчлөгдөөгүй тул! Монголд зурхайчид, бөө нар, түүхчид, тооны ухааны суутангууд бүгд амьдрал, хорвоо ертөнцийн талаар бодлоо өөрийн үүднээс тайлбарлах гээд хичээгээд байдаг . харин хорвоо ертөнц олон төрлийн химийн бодис, энерги, үйлдлийн томёоноос бүрддэг гэдгийг хүлээн зөвшөөрөхийг хүсдэггүй юм.

Хэрвээ манай бүх сэхээтнүүд уг асуудалд хамтарч хандвал бид зөвхөн улсын хөгжлийн тухай ярих утгагуй болох юм.

Өдөр тутамын жижиг сажиг асуудлаас зангилаанаас гарч, байнгын хөдөлгөөнд шинчлэлд байсан миний хувьд амьдрах цаг хугацааг тодорхой хэмжээгээр хожисон гэж бодож байна. Гэхдээ юм бүр хоёр талтай тул алдсан талаа ч харах хэрэгтэй.

Өнөөдрийн КД клубын гишүүддээ санал болгож буй кино бол яг үүний тухай үгүйлж байгаа юм. Гол дүрийн хүнд юмыг ойлгоход цаг хугацаа хангалттай байсан юм. Түүний яриж буй зүйлүүдийг сайн сонсож ойлгох юм бол Бидний аав ээж өвөг дээдэс заагаад байгаа амьдралын ухаан гэдэг маш хялбар тайлбарлагдаж болох зүйл гэдгийг ойлгох болвуу!

I HAD TIME!

Киноны үйл явдлыг ярихыг хүссэнгуй, гэхдээ өмнө санал болгосон АВАТАР киноноос тэс өөр, ямар ч эффект хүчтэй үйл явдалгүй, нэгэн өрөөнд хэсэг хүмүүс ярилцаж байгаагаар онцлог юм. Англи хэлний мэдлэг маш сайн байхыг шаардахаас гадна, өөр зүйлд анхаарлаа сарниулахгүй үзэх юм бол магадгүй таны өөрийн амьдралын тухай ойлголтын хариултыг өгөж болох юм.

Румынд Раду найзтайгаа танилууд дээр нь очих үед, тэд хоорондоо миний тухайн ярилцаж Ман фром тхэ Эартх киноны гол дүр байна! Гэж хэлэлцэж байсан юм. Сүүлд цаг зав гаргаж маш анхааралтай үзэх үед тэд яагаад ингэж бодсоныг ойлгосон юм.

Өөрийнхөө үндэстнээ байгалын хамт аврах гарц хайж буй миний бадарчлалыг Аватар кинотой харицуулсан захианууд бас хүмүүс явуулж байсан бөгөөд, өнөөдрийн илгээсэн киноны утгыг ойлгож чадах юм бол таны амьдралд бас өөрчлөлт гарах юм.

Jerome Bixby 1960аад оноос бичиж эхэлсэн бөгөөд 1998 онд нас бархынхаа өмөнхөн дуусгасан, маш урт хугацааны сайн ажил байсан юм. 2007 онд дэлгэцнээ гарсан бөгөөд тийм их үзэгчдийг кино театрт цуглуулаагүй ч 200 гаад мянган ногооны бага төсөвтэй кино интернетийн тусламжтай дэлхийн хамгийн сонирхолтой кинонуудын дунд багтаж байгааг бодоход, бидэнд найдлага байгааг ойлгож болох юм.

Заавал өндөр үнэтэй Голивууд гээд байх юмгүй, сайн зохиол зураглал жүжигчид хамтарвал маш өвөрмөц зүйл хийж болохыг энэ кино нотолж байгаа юм.

За илүү мэдээллийг уншигч та олоод бусадтайгаа хуваалцана байх гэж найдаад үлдээлээ.

КД клубын кино жагсаалтанд нэмэх зүйл байвал facebook дээр AMAI AROUND гэж бүртгүүлээд надад илгээгээрэй!

Бид шинэ мэдээ мэдээлэл, мэдлэгийг бусадтайгаа хуваалцаж байж нэгэн зэрэг өөдлөх юм.

Ганцаараа баахан зүйл мэдээд бусадтайгаа хуваалцах гэхээр ойлгохгүй байх ямар байдаг гэж санана?…

]]> http://www.amai.mn/archives/5656/feed 31 http://www.amai.mn/archives/5456 http://www.amai.mn/archives/5456#comments Mon, 28 Dec 2009 19:35:14 +0000 amai http://www.amai.mn/?p=5456

2009 оны 12 сарын 28 ны өдөр.Болгар улс, Софиа хот, Монголын элчин сайдын яам.

Өнөөдрийн бичлэгээ КД клубынхандаа зориуулахаар шийдлээ.

Туркийн хил дээр визны бэрхшээлээс гацаад байж байхдаа шинэ оноо хаан угтах тухай нэлээд тунгаасан юм. Хар тамгыг цайруулаад нэвтрэх виз олгохдоо Жуулчны (Тоурист) гэсэн буруу ангилыг консулын газар надад олгосноос болж хил дээр гацаж, 3 хоносны дараа хүйтний улиралд орой ганцаараа буцаж Софиа хотдоо ирлээ. Божо гэдэг Болгар найзындаа шөнө дунд буугаад 3 хоносны дараа элчин сайдын яамаа бараадлаа.

Элчин сайдын зөвлөх, элчин сайд солигдож шинэ бага ажилаа авсан байлаа.

Сайд Ц. Ганхуяг гуай намайг хараад – Өө Амай юу? Чамайг хил дээр гацаад буйг сонссон, аялал амжилттай юу? Гэлээ.Будапешт Софиа дахь элчин сайдууд маань миний аялалыг анхаардаг гэдгийг сонсоод үнэхээр урамтай санагдлаа.

Сайд гуай манай аавыг таньдаг гэдгээ ч хэллээ.

Яачиж байсан Элчин сайдынхаа яаманд байрлаж, Шинэ жилээ Монголчуудтайгаа угтахаар боллоо.
Надаа өрөө гаргаж өгөж, зурагт оруулж, Сайд маань өөрөө ойр зуур идэх хүнсээр хангалаа.

Амьдрал хааяа сайхан шүү!

Маш их зутарч, ядарсны дараа бага амраад авах.

Элчин сайдын яамны тусламжтай зарим нэг визны асуудлуудаа шийдвэрлүүлээд тэгээд шинэ жилийн дараа нэг өдөр холын замдаа гарах төлөвлөгөө боловсрууллаа.
Тэр боолтол аялын тухай юу ч бодохгүй байх нь сайхан санагдаж байна.

Энэ шинэ жилээ хүн шиг тэмдэглэх бодолтой байна.

Хотын гудамж, дэлгүүр, унааны хуваарийг мэддэг байх сайхан юм. Хүн боллгоноос – Уучлаарай ийшээ яаж явхуу? Гэж царай алдахгүй. Бас өмнө танилцаж байсан найзууд байгаа болохоор шинэ хүмүүстэй танилцаж– Чи хаанааас ирсэн юм? Гэсэн үлэг болсон асуулт сонсохгүй.

Өчигдөр амралтаа тохиолдуулж оюуны хөрөнгө оруулалт хийж сэтгэлийн таашаал авахааар шийдлээ.

Африкт 2 жил хагас хугацаанд байх явцдаа дэлхийг технолог мэдээллийн хурдаас хоцорсноо ойлгож, богин хугацаанд нөхөн авч байгаа бөгөөд, Амьдралын ухаан гэдэг их сургуулийн нэгээхэн хэсэг болох сэтгэлийн таашаал гэдэг хэсэгтээ маш их анхаарч байгаа билээ.

Гадаадад амьдарч ажиллаж буй Монголчуудтай уулзаж байхад, эд хөрөнгө материаллаг сэтгэлгээ давамгайлж, хааяа нэг музей, жүжиг, кино үзэж сэтгэлийн таашаал авах талдаа анхаархаа больсон нь анзаарагдаж байсан юм.

Тухайн нутагтаа дундаас доогур цалинтай ажил хийдгээс болж сэтгэлийн таашаалын өртөг өндөр, нутгийн хилийг соёлыг нь мэдрэх түвшинд сураагүйгээс ойлгох боломжгүй, бас 90 оноос хойш Монголд бий болсон КАПИТАЛИЗМ буюу эд хөрөнгөтэй харагдах нь зөв гэдэг онолоос болж гадаадад амьдарч ажиллаж буй хүмүүс сэтгэлийн мэдрэмж маш доогуур байгаа нь анзаарагдсан юм.

Үздэг зүйл гэвэл чанар муутай VCD дээрх гадны орчуулаггүй кино, эсвэл Монголын урлагын ямарч ангилалд багтаж чадахгүй хямд чанаргүй кинонууд, хов жив хүний ул шагаасан мэдээ мэдээлэл, Хүний нутагт байнга оршин суугаагүй тул сайн чанарын тв тавилга авахгүй нь ойлгомжтой.

Ийм орчинд амьдарч байгаа хүмүүс амьдралаас таашаал авах тухай ямар ойлголттой байгаа болоо?
Нэг л сайхан соёл иргэншлийн төвд амьдраад ирсэн гэсэн хэрнээ барилга байшингийн зургаас наашгүй!

Сэтгэлийн таашаал гэдэг бол бие бялдраа хөгжүүлэхтэй адил. Хэдий чинээ их соёлын мэдрэмж авна төдий чинээ амидралаас таашаал авна. Улс үндэстний хөгжил гэдэг бас үүнтэй шууд холбоотой. нэг л турлийн хөгжим сонсдог үндэстэн, дэлхийн шилдэг бүтээлүүдийиг сонгож сонсдог үндэстнүүдийн амьдралын хэв маяг, шинийг бүтээх сэтгэлгээ шаал өөр шүүдээ.

Иргэдийнхээ сэтгэлийн таашаалд анхаардаггүй үндэстэнгүүд хөгжих тухай ярилтгүй, учир нь СЭТГЭЛГЭЭ сэтгэлийн таашаалаас цогоо авдаг юм!

Аватар гэж шинэ кино гарч эхлэх гэж буйг Румынд Раду найз хэлж байсан юм. Титаник кинонооос хойш 10-аад жилийн дараа бий болосон энэ бүтээж ЖИЛИйН ШИЛДЭГ КИНО-гоор шалгаран гэж олон судлаачид аль хэдийнээ хэлээд эхэлсэн юм.

Тухайн үед сурталчилгааг нь YOUTUBE.com дээр үзээд амаа ангааж байсан бол, өчигдөр киног нь үзээд одоо болтол сэтгэлээ бариж ядан байна. Тиймээс КД клубыхандаа санал болгож өнөөдөр блогдоо бичиж байгаа юм.

Софиа хотын нэгэн Том худалдааны төв дахь кинотеатрт хөл хөдөлгөөн ихтэй байллаа. Киноны үнэ 120 ЛЕВ, 6 евро гэсэн уг. Гэхдээ Болгарын ханш дээр 2 ширхэг 0 нэмхэд Монгол ханштай ойролцоо болдог тул 12000 төгрөгний үнэтэй билетээр амьдралдаа үзсэн хамгийн гайхамшигтай кинонуудын нэгийг үзлээ гэж хэлж болно.

Хэрвээ 50000 төгрөг гэсэн ч байсан үзэхээр тийм зүйлийг би өнөөдөр та бухэнд санал болгож байгаа юм.

3Д гэдэг нь шил зүүж хавтгай дэлгэцэн дээрх дүрсүүд 3 орон зайд ялгаран харагдана гэсэн уг. Манай Япон хэлний багш яриж байсан нэгэн түүхийг хэлж өгий. Монгол хүний харц ТВ, Зураг үзэхээс өмнө ямар байсныг төсөөлнө биз.

Европчууд өнгөрсөн зууны эхэн үед Монголд ирж, нүүдэлчдийн зургийг авч цаасан дээр буулгаад тэдэнд үзүүлж. Нүүдэлчид уг зургийг нь хараад нудний фокусаа тохируулж чадахгуй байснаас болж, уг зураг ид шидтэй зургаа авахуулах буруу, энээ тэрээ гэж буцааж.

Яагаад гэвэл Тухайн нүүдэлчин зогсож буй газар арын фон дээр байгаа уул хоёрын хооронд хэдэн арав, хэдэн зуун км зай байгаа. Тэгэхээр бид ямарваа нэгэн зүйлрүү нүдээ төвлрүүлэхэд ар талд, ялангуяа холын зайнд байгаа зуйлууд жам ёсоор бүүдгэр болдог шүүдээ!

Тэгвэл Нуудэлчид зогсож буй хүнрүү нүдний хүүхэн хараагаа төвлрүүлтэл ар талд нь байгаа аврага уул тухайн хүний хажууд байгаа юм шиг тодорч хаарагдсанаас тэд гайхсан гэж хэлж болно.

Бид тийм өвөрмөц үндэстэн байсан, хүүхэн харааныхаа тохируултаас хамааран хол ойр байгаа зүйлийн хоорон дахь зайг харцаараа тодорхойлж байсан.

Одоо ч гэсэн хөдөө зарим хүмүүс ямарваа нэгэн зүйлийг хараад – тэдэн бээрийн зайнд байна! Гэж хүүхэн харааныхаа хөдөлгөөнөөр зайг тодорхойлдог.

Яагаад Монголынхоо жишээг хэлсэн бэ гэхээр, уг киног хулих интернэтэс битгий хуулаарай!
Болж өгвөл анх удаагаа 3Д юмуу кинотеатрт үзээрэй! Тэгвэл миний хэлээд буйг ойлгох болно.

Орон зай, компьтерын эффект, дуу чимээ гээс гадна киноны утга санаа гэж үнэхээр сайн найруулж хийсэн санагдлаа.

Хөгжилтэй соёл иргэншлүүд буурай соёл ийргэншилрүү дайрч баялгийг нь авдаг явдлыг далдуур илэрхийлснээс гадна. Хүн төрлөхтөн байгаль дэлхийгээ хайрлах, зохицох амьдрах, хамгаалах гэдгээ мартаад байгаа үед, байгаль дэлхий шүтлэгтэй Монгол үндэстэнд үүнийг үзэж юм бодоосой гэсэн юм.

Манайд хулгайн кинонуудыг ТВ-р хууль бусаар гаргадаг явдлыг зогсоогоосой!

Ард түмэндээ дэлхийн кинонуудыг үнэгүй үзүүлж байна, гэж тэд өөрсдийгөө өмгөөлж байгаа ч, чанаргүй, тайлбаргүй, муу орчуулгатай тэгээд өндөр чанарын том дэлгэцний киноны гол ид шид болох дүрсийг хүмүүсд хүргэхгүй байгаагаараа иргэдээ хохироож байна гэж би бодож байна.

Уг киног үзээд хамгийн таалагдсан хэсгээс бусадтайгаа хуваалцна уу?

Миний компьютер эвдрэх шатандаа орж байгаа тул сүүлийн үед бичлэг тэмдэглээ тур зогсоох хэрэг гарч байна. Бас интернэт болж өгөхгүй юм.

Миний аялалыг дэмжиж байгаа гэр бүлийхэндээ баярлалаа!

Бага ч гэсэн цалингаасаа сар бүр 100 доллар хэмнэж дэлхийг тойрох ажлыг дэмжиж буй Аавдаа, ажлыхаа мөнгөнөөс хэмнэн байж намайг санхүүжүүлдэг Ах Дүү Бэр бас найз нартаа баярлалаа!

Та нар болон миний бадарчлалыг дэмждэг бүх хүмүүсдээ Шинэ Оны Мэндийг хүргье!

2009 оны 12 сарын 10 ны өдөр Серб улсын Нови Сад хот

Дэлхийн соёлын өв сангаас шилдгийг өөрийн уншигчиддаа хүргэх ажилаа үргэлжлүүлсээр байна.

Маш олон бичлэг материал уншиж шилж сонгож байж өөрийн блогдоо тавидаг тул, миний хөдөлмөрийг хүндлээд санал болгосон зүйлийг урлагын үүднээ анхааралтай үзэж судалбал, дэлхийн хөгжил соёлоос хоцорсон тэр хоцрогдлоо нөхөж амжина шүү.

Өнөөдөр КД клубдаа санал болгож буй дараагийн бүтээл бол Францчуудын бичсэн МИКРОКОСМОС буюу БИЧИЛ САНСАР гэж бүтээл юм.

Европд төдийгүй дэлхийд уран бүтээлчдийнхээ нээлттэй сэтгэлгээ, өвөрмөц бүтээлүүдээрээ тэргүүлдэг Францчуудын түвшинд бид очиход хол юм шиг боловч, өөрийнхөө урсгалыг дээд цэгт нь хүртэл тулгаж хөгжүүлэх юм бол ямарч үндэстний өмнө Би Монгол гэж нүүр бардам зогсож болох юм.

Гэхдээ өөрийнхөө соёлоо хөгжүүлж чадаагүй үндэстэн бусдын соёлд тэргүүлэнэ гэдэг бол хэцүүгээс гадна, манай рок поп орчин үеийн урлаг шиг дууриамал болох юм.

Үндэснийхээ суурыг хөгжүүлэнгээ дэлхийн урлагийг давхар хөгжүүлэх маш зөв бодлого үгүйлэгдэж байгаа бөгөөд миний КД клуб хийсэн бүтээлүүдтэй адил гайхамшигуудыг Монголчууд хийж эхлэх болоо?

Байгаль дэлхий шүтлэгтэй Монгол түмэн бид өнөөдрийн санал болгож буй киног маш анхааралтай үзэж бусаддаа танилцуулах хэрэгтэй гэж бодож байна, учир нь байгалаа хайрлаж хамт орших дүрмээр хүмүүжүүлэгдсэн бид байгалруугаа ингэтлээ ойртож байсан удаа байгаа билүү? Тэгвэл орчин үеийн технологи бидэнд байгалыг томруулдаг дурангаар харах боломжийг нээж өгч байгаа юм.

Манай дүрслэх урлаг болон кино урлагийн оюутнууд багш нар КД клубын кинонуудыг үзээсээ..

дэлхийн өндөр түвшний урлаг хаашаа явж буйг ойлгох биз.

Бид сансарт амьд биет байгаа эсэх талаар төсөөлж, тэд ямар дүрстэй байх болоо гэж таамаглаж байгаа хэрнээ, бидний бичил биетүүд байгалийн ямар гайхамшигтай дүрс хэлбэртэйгээс гадна, амьдралын хэв маяг амьдрах чадвар нь ямар өөр юмбээ гэдгийг энэ киноны дараа та бүхэн ойлгох болно.

Элдэв шоргоолз жижиг биетэнд дургүй хүмүүс тэдгээрийг томоор үзээд ямар сэтгэгдэл төрснөө бичээрэй.

Уг киног болбол оригиналаар нь авбал чанарыг нь бүрэн мэдрэх болно.

Бас аль болох том дэлгэцэн дээр үзвэл!

Яааааай!!!

2009 оны 11 сарын 14.

Унгар улсын Сзегэд хот 21 зууны Бадарчны гол зорилго бол дэлхий ертөнцөөс хоцорсон тэр түүх үйл явдлыг судлахаас гадна, бусад улс үндэстэн, тэр тусмаа хөгжилтэй орнуудын иргэдийн сэтгэлгээний онцлог нууцийг олж мэдхэд билээ.

Стресс дэпресс ямар улсуудад байдаг вэ? Гэсэн асуултанд би өөрийн туршлаг туулсан улс орнуудын жишээн дээрээс –Өндөр хөгжилтэй орнуудад байдаг! Гэж хариулмаар санагдаж байна.

Яагаад? – Яагаад гэвэл Стресс дэпресс гэдэг өвчин нь материаллаг биед бус оюунлаг тархинд байдаг юм байна. Биеийн хөдөлмөр бага хийж тархиаа ажилуулдаг хүмүүс энэ өвчнөөр өвдөх магадлал их юм байна. Огт орчуулагдалгүй Монгол хэлэнд орж ирээд, нүүдэлчид тоглоом шахуу хэлдэг, сууринчууд эмнэлэгт хэвтэж, зарим нь амиаа хоролдог тэрхүү Стресс гэж өвчний үүсэл шалтгааныг хайсаар саяхан нэгэн хариулт олсон билээ.

Хэдийгээр Македон улсад байхад нутгийн ШУЛАМ надад тайлбарлахдаа – Стресс гэж өвчин ХҮН гэж амьтан байгалийн бус нөхцөлд удаан байхаар бий болдог юм! Гэж тайлбарлаж байсан ч өөр олон шалтгаанууд байгааг олсон юм.

Нүүдэлчид хотын гэр хорооллыг бөглөж эхэлсэн цагаас хойш архидалт депрессд орж эхэлсэн шүүдээ. Хийх юмгүй өдөр бүрийг өнгрөөнө гэдэг аймшигтай, цаг хугцааг нөхцөөхийн тулд Согу уудаг билээ. Доргих гэж Согудах, Унтрах гэж соогуудах хоёр ялгаатай шүүдээ.

Манай дэлгүүрийн худалдагч нар өдөр бүр сайн муу олон хүмүүстэй харилцдаг хэрнээ стресс гэж өвчин тусдаггуй шалтгаан нь тэд хуурамчаар, даргын тушаалаар үйлчлүүлгч бүртэй инээмсгэлдэггүй, энгийн байгаагаараа байдаг. Тэр нь үйлчлүүлэгчид сайн эсэхийг хэлээгүй шүү. Зүгээр л өдөр бүр олон зуун хүнтэй харицаж хуурамчаар баяртай буй мэт байна гэдэг жирийн хүнд бол нэлээд хэцүү ажил. Барууны соёлыг шууд хуулдаг хүмүүс энэ сэтгэл санаагаа хуурч буй хүмүүсийн цаана юу буйг ойлгоосой гэсэндээ би ингэж бичиж байгаа юм.

Хүн бусдыг хуурч болно гэхдээ өөрийгөө хуурах арга үгүй шүүдээ.

Урлагийхан стресс депресснд орох магдал маш өндөр байдаг. Маш ядарсан эсвэл сэтгэлийн дарамттай байсан ч тайзан дээр гарч юуч болоогүй юм шиг инээнэ гэдэг тийм амар ажил биш шүү! Өөрийгөө хуурсаар байгаад нэг л өдөр жинхнээсээ инээж чадхаа болидог, Учир нь – Миний энэ инээд жинхэнэ үү? Би тоглолт хийж байна уу? Гээд.

Хүн өөрийн мэдрэмж, сэтгэлээ удирдаж эхэлсэн цагт бас стресс бий болдог болвуу.
Баяртай байсан ч юу ч болоогүй юм шиг царайлах. Хайр сэтгэлээ илэрхийлхээс айх гээд, энэ бүхэн эцэстээ зарим нэг улсын иргэд шиг ямар ч сэтгэлийн хөөрөгдөлгүй ЗОМБИ болгож орхидог юм байна. Тэр үед нөгөө олон бодлууд орж ирж стрессдүүлнэ.

Хоолны ч мөнгөгүй хэрнээ найз нөхөд гэр бүлтэйгээ инээж яваа хүүгийн хажууд, хэдэн жилээрээ идэх хоол унах унаатай хэрнээ сэтгэл санаа муудаад стресс депресд ороод байна?

Аялалын туршид ойлгосон хамгийн сонирхолтой зүйл бол.
Хүн төрсөн цагаасаа эхлээд мэдлэг олж авах, хадгалах турших гээд маш их хөдөлмөрлөдөг. Өөрөөр тайлбарлвал бид компьютер гэсэн үг, өсөж том болж, мэдлэг боловсрол олж авхын хэрээр бидний компьютерийн CPU (хурд) ихэсдэг. Уг дэвшил нэгэн чигт байдаг бөгөөд, хурдан болсон компьютерийг удаашруулах гэсэн зам байгалд байдаггүй юм байна. Хиймлээр бүтээсэн аргууд гэвэл Бясалгал, Согу (Согтууруулах ундаа) МАБО (Мансууруулах Бодис) тэгээд элдэв төрлийн эмнүүд. Дээрх аргуудаас Бясалгал нь хамгийн байгалын юм шиг боловч Тархиаа унтраамаар болтлоо хөгжүүлэх хэрэг юу байнаа? гэсэн асуултыг бас давхар төрүүлж байгаа билээ. Бясалгал Монголд үүсээгүй шалтгаан нь Бид тэгтлээ тархиаа гашилгадаггүй байснаас, бас Зөвхөн нүүдлийн соёл иргэншил хэрэглдэг сүүнээс гарган авсан Шимийн архи, Айраг болвуу. Бид хэрэгтэй хэрэггүй баахан мэдээллээр Хард Дискээ дүүргэнэ. Эцэстээ хурд багтаамж хоёр шүргэлцэж, нэг бол мангуу болно нэг бол маш стресстэй болно. Яагаад гэвэл 24 цаг зогсолтгүй ажилдаг тархиаа хамгаалж, амраагаагүйгээс, Хажуугийн хүний балаараа ширээ тогших хүртэл нерэвтүүлдэг түвшинд хүрсэн бол сэтгэлзүйчид үзүүлэх бус байгалд гарах ёстой юм шүү. Элдэв эм, Согу, Мабогоор аргалж болно гэж бодож байгаа бол эндүүрэл, учир нь дараагийн удаа эдгээр зүйлгүй бол аргалж болохгүй юм байна! гэсэн мэдээллийг тархиндаа хийх тул. Донтолт үүнээс л үүдэлтэй. Би аялаж байхдаа мэдээллийг маш нарийн зохион байгуулттайгаар шилж, хадгалж эхэлсэн. Ямарваа нэгэн зүйлийг санамаар байвал, шууд цээжилэх бус өөрийн мэдэрхүйдээ бас давхар сануулж эхэлсэн. Хэрэгтэй хэрэггүй баахан мэдээлэл дундаас надад ямарваа нэгэн мэдрэмж давхар төрүүлж буй мэдээлэл насны эцэст хуртэл байх болвуу. Энэ аргыг хэл сурхад бас ашиглвал зугээр болвуу.

Огт хэрэглдэггүй үгнүүдийг цээжилэх гэж зовж байсан санагдана. Зарим хүмүүс тархиныхаа хурдыг хэт хөгжүүлээд дараа нь монотон давтамжинд орсноос солиордог байх. Цаг байдлыг сайн ойлгож дүгнэж байх хэрэгтэй гэдгийг анхааруулахын тул энэхүү киног Зөвхөн тусгай кино үзэх сонирхолтой хүмүүстээ зориуулан тавиж байгаа юм. Үзвэл ойлгохыг хичээ, танд зориуулсан кино биш байвал шууд унтраа. Сэтгэлийн хүч бас ӨӨРИйН сонголттой байх хэрэгтэй шүү. Би кинонд дуртай, учир нь ямарваа нэгэн зүйлийг богино хугцаанд 3 мэдрэхүйд хүрхээр хийсэн байдаг тул. Гэхдээ төсөөлөн бодох чадварыг алж байгаагаар аюултай. Харин ном бол Нүд болон төсөөллийг хөгжүүлдэг тул бага болон дунд насныы хүүхдүүд ном илүү унших нь ирээдүйд зохион бүтээгч санаачлагч тэмцэгч болж нэвтрэх хэцүү амидралд хэрэгтэй юм. Маш олон кино үзэж байна. Боломж гарвал шинэ кино соёл урлагийг хайж байна.

Аялалын эхний 2 жил хагас гаруй суурин соёл иргэшлээс хоцорсноо нөхөж байна. Фэйсбоок дээр надтай найз болсон залуус захихад – Би нэг сайн бичлэг олхын толд маш олон муу бичлэг, хэрэгтэй хэрэггүй мэдээллийн дунд цагаа гарзддаг, тиймээс миний КД клуб болон фэйсбоок дээр тависан бичлэгүүдийг сайн анхааралтай үзэж сонирхоорой.

Бас мэдрээрэй. Чи ямар дуунд дуртай вэ? гэж асуух үед Сүүлийн үед ХИТ болж буй дуунд дуртай гэж хариуулдаг хүн манай хүн амын 90-с дээш хувийг эзэлж магадгүй шүү. Ялангуяа олон нийтийн мэдээллийн хэрэгсэл нь улс төрийн болон бизнесийн гарт байгаа үед. Өөрөө өөртөө анхаарал тавиж, яг юунд дуртайгаа мэдрэх хэрэгтэй шүү. Хаа холын нэгэн студид залуу бүтээлээ хийгээд, түүнийг нь 100 дахин өдөрт давтсан ч хээр дураараа мориоо унаад яваа залууд таалагдах албагүй шүүдээ.

Өндөр хөгжилтэй орнууд Интернэт гэж зүйлийг бүтээсэн бөгөөд үүний ач тусыг нь бид ашиглаж, суурин соёлын хөгжилөөс хоцорсон тэрхүү зайгаа нөхөж болхоор байна шүү. Хамгийн гол нь бид чухал мэдээллээ төрлөх сайхан хэл дээрээ бие биендээ хуваалцаж эхэлмээр байна. Манай урьд хөршийн хөгжлийн түлхүүр шүүдээ!

Үнэгүй олдсон бүхнийг үзэж хэргэлдэг сэтгэлгээнээсээ салж – ЗӨВХӨН ШИЛДГИйГ! Гэсэн зарчимруу хааяа орж баймаар байна шүү. Шаал дэмий киног 1 цаг 30 минут үзсэний дараа ямар тэнэг сэтгэгдэл төрдөг билээдээ! Тэгвэл бие биенийхээ цагийг хий зарахгүйн тулд ШИЛДГИйН ШИЛДгийг хоорондоо хуваалцаж, бие биенээ хөгжүүлхийн тулд энэ КД клуб, фэйсбоок хоёр дээр хамтдаа ажилцгаая.

PI гэдэг кино бол жирийн залуусд хэтэрхий хүнд кино, англи хэл нь ч гэсэн хэцүү, гэхдээ юмыг дунд түвшинд зориулж хийх бус шилдгүүдэд зориулаад, дунд түвшин ойлгохын тулд дээшээ тэмүүлэх тэр нөхцөл Эх оронд маань бий болбол бид өрсөлдөөний үр дүнд шууд хөгжиж эхлэнэ.

Кино урлагын хувьд маш сайн кино болсноос гадна, маш олон амидралын асуултуудыг шашины хамт оруулж, Бидний өдөр тутам хэрэглэж буй Тооны цаан юу байнаа? Гэсэн асуултыг төрүүлж байгаа билээ.

Киноны эцэст захих зүйл гэвэл ТАРХИАА ХАМГААЛЖ ХАЙРЛАХ ХЭРЭГТЭЙ ШҮҮ!

Хармааргүй, мэдмээргүй зүйлээ дандаа харж мэдэх гээд хэрэггүй шүү, учир нь тэр мэдээлэл мэдрэмж чинь тархинд насан эцэс хүртэл үлдэх тул. DELETE гэдэг товчийг одоохондоо зохиож амжаагүй байна.

Мэдлэгийн сайхан нь бусдын мэдэхгүйг мэдэж буйдаа баярлах бус, Мэдэхгүй зүйлээ мэдэж буй мэдээлэл дээрээ тулгуурлан тайлж болдогт оршиж байгаа юм. Өөрөөр хэлбэл илүү их мэдлэг мэдэхгүй зүйлийг тайлах түлхүүр болдог гэсэн үг.

Гэхдээ болгоомжтой!

2009 оны 10 сарын 10ны өдөр.

Булгар улсын Карнобат.

Өнөөдөр маш сонирхолтой киног КД клубыхандаа зориуулхаар шийдлээ. The Fountain киног би 2 жил хагасын өмнө Өмнөд Африкийн Цапе town хотод найзуудтайгаа үзэж байсан бөгөөд, амидралын ухааныг сайн суралцаж амжаагуй байсан миний хувид кино зураглалын гайхамшиг хэлбэрээр сэтгэлд хоногшсон юм.

Харин Македон улсад байхдаа уг киног дахин үзээд КД клубыхандаа заавал санал болгох кино гэж шийдсэн юм.

Олон дахин узэж болох киноны тоонд оруулж болно. Бас гэртээ өөрийн кино цуглуулгандаа энэ киноны оригинал двд-г авна гэж бодож байна. Уржигдар кинотеатрт Брус Виллис-ийн шинэ киног үзээд гутарсан гэж хэлж болно.

Хайран 1 цаг гучин минут. Өөрийнхөө КД клубийг нээсэн шалтгаан гэвэл хүмүүс ямарваа нэгэн дэмий зүйлд цагаа гарздахгуй сайн чанарын зүйлийг үзээсээ гэсэндээ юм. 2006 онд дэлгэцнээ гарсан Даррен Аронофскигийн бүтээл Foutain-ыг нэг доор тайлбарладаг кино биш юм. 3 цаг үеийг дурсэлсэн уг кинонд уран зохиол, гайхамшигт видео дүрслэл, уран төсөөлөлийг мэргэжлийн маш өндөр түвшинд гүйцэтгэсэн бөгөөд, уг киног узсэн хүн бүр өөрийн гэсэн гүн ухаан ойлголттой болж байснаараа гайхамшигтай юм.

За, за. Уг киног заавал үзэх ёстой шүү! Хайртай хүнийхээ төлөө юу хийхэд бэлэн бэ? гэсэн асуулт кино үзсэний дараа надад төрж байлаа.

Харин танд?

2009 оны 9 сарын 15 ны өдөр.

Македон улс Струмиса КД клубын гишүүддээ дахин нэг шинэ туршлагаа хуваалцахаар шийдлээ.

WALTZ WITH BASHIR гэдэг киног би анх Мороккод байхдаа найзаасаа олж сонсоод интернетээр хэсгээс нь үзлээ.

Гудамжны 1 долларын үнэтэй хулхи двд зардаг хүмүүсд дэлхийн кино урлагын шилдэг гэсэн хайрцаг байсангүй.

Гол төлөв олон нийтийн дуртай хөгжмөөр ПОП шиг кинонууд байлаа. Мороккогоос Европруу хөдлөхдөө энэ киног заавал үзнэ гэж бодлоо. Харамсалтай нь Кинотеатрт үзэх боломж олдоогүй бөгөөд Серби улсад байхдаа интернетээс хуулж авч компьютерын дэлгэцэн дээр үзсэн юм. Харамсалтай байна.
Аялалын явцад том дэлгэцэн дээр үзэх боломж гарах юм бол заавал үзнээ.
Энэ киног Израйл уран бүтээлчид хийсэн бөгөөд, дүр зураг, хөгжим гээд маш сонирхолтой хэлбэрээр хийсэн байсан ч, киноны төгсгөлд Улс төрийн шинж чанартай санааг өгсөн байлаа.

Кино үзээд яг юу хэлэх гээд байгаа юм болоо? гэсэн асуулт өөрөөсөө асуугаарай. Гэртээ хариад өөрийн кино цуглуулгандаа заавал хийх ёстой кино гэж үзлээ.

Монголд КД клубыг зохион байгуулж чадах хүн байдаг ч болоосой. Тэгээд хоорондоо тогтмол уулзаж, дэлхийн шилдэг кинонуудыг хамтдаа үзээд үйл явдлын талаар ярилцах сайхан байхдаа.

2009 оны 7 сарын 19 ны өдөр Сэрби улсыын Мол суурин
Өнөөдөр Сербийн Унгар найз Бористой киноны тухай ярилцаж байхдаа NETWORK гэж киноны тухай сонслоо. Би энэ киноны тухай сонсож байгаагүй ч ZEITGEIST гэж та бүхэнд зөвлөж байсан баримтад кинонд энэ киноны хэсгээс нь харуулсан байдаг билээ.
Би тэр хэсгийг хараад я%D