Facebook – дээрээс

2011 оны 11 сарын 22

АНУ. Чикаго хот

Миний ном таалагдсан бол, сурталчилгаа өвөрмөц болж чадсан бол. LIKE дарж SHARE хийгээрээ.

Таны дэмжлэг над болон миний аялалд маш чухал байна!

Миний энэ рекламыг чангалж байгаад сонссон хүн байна уу?

Цаас юм болхоороо чимээгүй, ширээн дээр хэвтэж байгаа 2 ном. Төсөөлөөд үздээ. Ном руу хартал тэр дотор байгаа бүх үйл явдлууд сонсогдоno.

Номын хуудсыг эргүүлэх болгонд тухайн хуудсанд тохирсон дуу чимээ дагалдаж байна. Магадгүй ирээдүйн ном болж болох

Хүүхэн харааны хөдөлгөөнийг тооцоолж тухайн хөгжим дээр үйл явдал, хэлж буй хүний хоолойны өнгөхүртэл мэдрэгдэнэ. Зүгээр видео кино үзэж буй мэт биш, ҮСЭГ гэдэг дүрсүүдийг нийлүүлэхэд чихэнд чимээ сонсогдоно.

Санснаас Номыг Chillout хөгжмийн чимээнд унших сайхан байдаг шүү.

ХЭРВЭЭ НОМ ЧИМЭЭТЭЙ БАЙСАН БОЛ гэсэн бичгийн дараа миний номонд орсон тэмдэглэлүүдийн үйл явдлын чимээ дуугарч байна.
Монгол Бадарчин номын 1-р боть болох ГАЙХАМШИГТ ЕРТӨНЦ номонд орсон ЧИМЭЭ гэдэг тэмдэглэлийг уншсан хүмүүс санаж байна уу? Өглөө хүйтэн хөлстэй сэрээсэн ЧИМЭЭ. Тэгээд чимээний төгсгөл хэсэгт эхний бөмбөг унаж байгаа. Зарим бөмбөг Чингэлтэй дүүргийн хэмжээтэй газрыг тэгшилсэн байсан. Тэгээд –ИЗРАЙЛЬ УЛС ХЕЗБОЛЛА БҮЛГИЙН ДАЙРАЛТАНД ӨРТЛӨӨ!!! гэсэн өгүүлбэр хэлж байгаа. Тэр үед үнэхээр сонин үйл явдлууд болж байсан. Орос, англи хэлийг ойлгодог Харилцаа төгссөн Монгол залуу Орос улс болон Араб, Израйль улс болон АНУ-ын хооронд хийж буй дайн шиг олон мэдээллийн урсгалыг мэдэрсэн.
Харин сүүлийн хэсэгт гарч байгаа КИРГИЗ ЯСТАНГУУДЫН (КИРГИЗСТАН) улсын мэдээгээр төр засгийн газрын тухай ярьж байгаа. Төр иргэд хоёр хэл амаа олж бие биенээ зохицуулж чадаагүйн тод жишээ! 170 гаруй хүнээ хувьсгал хийж байгаа гэж алуулсан. Тийм улсад иргэд цагдаа нартаа итгэхгүй (гэмт хэрэг өсөхийн шинж) цэргүүдээсээ айдаг болдог юм.
Ийм үйл явдлуудыг харуулах гэж оролдсон.

Монголын телевизийн рекламуудыг харж байхад дандаа л гадны рекламуудыг дуурайсан байдаг.

Ичих ч үгүй энэ рекламтай яг адил хий гэж ярьж байдаг.

2010 ony 2 saryn 23 ny udur. Orosyn holboony uls. Halimagiin bugd nairamdah uls Elista hot

Zuvlult holbooot uls ugui bolood 20 garui jil bolj bain, gehdee tuunii nuluu soyolyn uldegdluud tus holboond bagtaj baisan ulsuudad baisaar baigaa n haragdaj bain. Manaihaar tseergiin bayar, Orsoor (Den Zashitnika Octechestva) EH ORNOO HAMGAALAGCHDYN UDUR-iig temdegleh geed humuusiin setgel huursun baigaa haragdaj bain. Tsagdaagiin ajilchid uursduu ajildaa garch chadah eshiigg medehgui, gehdee ene udur VODKA setgeliig edgeegchiin heregtsee uls dayaar urgun baih bolvuu gesen bodol bie biendee mendchilgee devshuulj bui humuusees haragdaj bain.

Orsyn holboony uls (Rossiiskaya Federatsiya) buyu Rossia-giin bureldhuund bagtdag Bugd Nairamdah Halimag ulsad ireed tav dahi ugluuguu Elista hot dahi Mongolyn Konsulyn tuluulugchiin gazart ugtlaa. Zamd garch baihad iim diplomat tuluulugchiin gazar baihgui baisan buguud 4 jiliin hugtsaand mania gadaad hariltsaa mash erchimteigeer urgujij bui n medegdej bain. Arab buyu Islam shashintai ulsuudtai hariltsaagaa teluulsnees gadna Umnud Afrikiin Bugd Nairamdah ulsad hurtle elchin saidaa tomilson baidag.

Namaig Arab Afrikt baihad neesen ch boloosoo. Tusgaar togtnoloos hoishih anhny badarchingiin temdegluudiig tus diplomat tuluulugchid unshij, Afrik Arabyn uls ornuudyn talaarhi tailanguudyg bas anhaaraldaa avn gej naidaj bain.

Uchigdur taniltssan Halimag dahi konsulyn tuluulugch Gonchigjav namaig ugluu sereej, tsaigaar dailaad holyn zamd gargaj ughuur bolloo. Unaa duudaj Elista hotyn avtuusny buudal deer hurgej ugluu.
Ergen toirny nutguudtai haritsuulhad en ulsad tumur zamyn hariltsaa baga esvel ogt baihgui met sanagdlaa.

Avtuusny buudalruu yavj baihdaa Elista hotyg suuliin udaa harlaa.
Erdenet hot 1994 ontoi tustei. Ulaanbaatar hoot shig boltol neleed hugtsaa heregtei bolvuu.
Sain talaaraa ch, muu talaaraa ch!
Surleg moritongiin hushuunii hajuugaar ungruhduu zurag darlaa.

Jijig Avtuusny buudal deer Gonchigjav namaig buulgaad ajildaa yavlaa.
Harin bi Ayalyn haa 67 dahi ulsruu hureh unaa bodoh heregtei bolloo. Tsag orchmyn daraa Kazahsatn ulstai hil zalgadag Astrahan hotruu hudluh avtuusny billet avaad, hajuud bui humuusiin baigaa baidlyg ajij suulaa.

Badarchin sudlaachiin gol ajluudyn neg n humuusiig ajiglah yum. Ochson uls burd humuusiig sain tanihgui baisan ch baigaa baidal, hoorondoo haritsaj buigaas bas dugnelt hiij boldogiig oilgoson yum.

Zamd garhyn umnu zaaval hool idej bai! Yumyg yaj medhev, saataj bolzoshgui! Gedgiig baga baihaas geriihen nadad suulgasan tul Borsh avch idlee. Halimag mah yagaad ch yum idej baisan mahuudaas Mongol mahtai hamgiin tustein baisan yum.

Avtuusandaa suulaa. 300 gaad km gej baisan buguud hurdny zamtai europ setgelgeenees garch amjaagui baigaagaa 6 tsagiin daraa gazartaa hurne gej joloochiin helsnii daraa oilgoson yum. Avtuus hudluj – daraagiin ulsad namaig yu huleej baigaa bolo? Gesen asuultand gun orloo.

Avtuusny aryn suudald haranhui tohigui baisan tul joloochiin hajuud guij baigaad suulaa. negen buudal deer zogsoh ued Pivo avch setgelgeeniihee hurdyg bagasgaj tsagaa nuhtsuuhuur bolloo.

Elista hotoos garah ued setgel hudluj ehellee.

Umnu afrikiin tsuluur yavj baihdaa suuliin udaa ingej huurch baisan yum.
Halimgiin heer tal gedeg Eh orny mani tal nutagtaa yamar adil yum be!
Hyazgaar n haragdahgui talruu shirtej suuhdaa
– hezee negen tsagt mashinyhaa tulhuuree erguuleed, hotoos guchhan minut yavaad erh chuluut baigald ochidog tiim saihan nutagtaa gantsaaraa er hunii jargal ezgui heer gedgiig edlen gej bodoj bailaa.

Ger buliihen, naiz nuhud hot mani herhen uurchlugdsun boloo? Bi uuruu tednii huvid yamar uurchlugdsun baih bolo? Gesen asuultuud uuruusuu asuuj baih uedee.- Minii tusuululd bui ter nutag mani heden jiliin ayalal berhsheeliin ur dund het hiisver bolj, ih sansan gazar 9 shun hoolgui! gedeg zuir tsetsen ug bielee olbol yanaa?

Bi gertee hariaad doloo hongiin daraa, heden jil baingyn hudulguuntei baisan nuudliin setgelgeegee orhij chadahgui dahiaad zamd garmaar bolbol yanaa?

deeshilj yavaa hunruu zuugdej buurah ued n jiideg setgelgeetei humuusiin dund orood hen n hen be? Gedgiig oilgohoo bolivol yaanaa?

Odoogiin baidlaar bi hen ch bish tiimees humuus nadtai engineer baigaagaar handaj baigaa, harin tend ochivol –Chi yagaad namaig hundlehgui baigaa! Bi chamaig hundlej baigaa yum chin chi Nadad tegej ug! gedeg humuustee dahiaad l taarna.
Budapest hotod Mongolchuudtaigaa uulzaad, tuunees hoish zailshiideg bolsnoo ch oilgoson yum.

Socializm duusnaas hoish zam zasvartai anhaarch chadaagui Halimagyn heer talaar avtuusny umnuh suudal deer suuj baihdaa olon zuiliin talaar tungaaj bailaa, magadgui nutag ulam bur oir boloj buitai holbootoi baij boloh.

Jolooch 80-90 ony Zuvlultiin ueiin hugjim changa tavij bailaa. Bodvol zaluu nasaa sanan dursaj baisan bolvuu. – Soc ueiig odoo uetei haritsuulbal alin deer baisan be? – Medeej soc ue, tuhain ued amidral batalgaatai, margaashiin tuluu sanaa zovohgui baisan, Zuvlult uls tom baisan tul hussen uedee avtuusand suugaad l yavdag baisan. Harin odoo zambraagaa aldsan bain. Margaashiin tuhai bodhyn argagui.
Bid hoyor nasny zuruu 20 orchim baisan ch neg l ueiinhen yum shig amidralyn turshlagaasaa huvaaltsaj bailaa.

- Bi lav jolooch bolj chadahgui baihaa, end heden hun suusan bain?
- 30 orchim baigaa.
- Yai, 30 hunii ami nas hariuutsaj yavna gedeg aimar baihaa, bi uuriiguul bolgood yavj bain, harin ene olon humuusiin ami nas, ger buliin amidralyg hariuutsaj yavna gej mash tom hariuutslag heregtei baihaa. Ta ingej doloo honogt heden udaa zam deer baidag ve?
- Udur bur neg talruu yavaad, amarchihaad margaash butsaad yavn. Harin daraagiin dolooo honog amran. Manai ehner nadad neg udur – Bid hoyor hamt ungruusun tsagiig bodtol ihenh tsagt hoyulaa holl baisan bain, chi zamaa dagaad. Gehdee magadgui uunii achaar hoyulaa udii Boltol hamt baigaa baih, tegeeguisen bol udur bur bie bienee haraad muudaltsah baisan daa! Gesen.

Ochson gazrynhaa uulyn oroi deer garaad holyg harj nudee, haraagaa tohiruulj baigaaraa1 gej eej mani dandaa zahidag yum. Heer tald undur uuland garaltgui holyg, dund holyg, oiryg gej nudniihee huuhen haraagaa hudulguj, haraa muudhaas sergiilj baisny ur dund udii boltol hol oiryn zuils budgerch haragdahgui baigaaa yum.

zam zuur mashind murguulsen 2 aduu, bas daraahan 1 uher haragdlaa.Halimag ulsad Nuudelchin soyol irgenshil ugui bolson gej helj boloh bolvuu. Delhiin hamgiin suulchiin nuudelchnii, buyuu baigal delhiiteigee zohitsoj amidardag gun uhaantai undesten bid l uldeed bainuudaa!

Bid yavsaar baigaad Halimagyn gazar nutgaas garlaa. Aztrahanskaya oblast gesen garchgiig ungruud udalgui 4 zamy uulzvar deer zogsloo. Zamyn tsagdaa tegeed bas uur turliin huchnii baiguulgyhan shalgalt hiij bui haragdlaa. Ene uulzvar n baruunaas zuun, umnu buyu Kavkazaas hoid zugruu yavaa zam tul iinhuu huchtei shalgalttai baidgiig naiz tailbarllaa.

OMON buyu (Otryad Militsii Osobogo Naznacheniya) gedeg manaihaar Tusgaigiin tsagdaa orj irlee. Avtomat buugaa hoinoo uursen baisan buguud sumny magazin zoolttoi haragdlaa.
Baidal saingui baigaagiin shilj. Tereer avtuusny hun buriin bichig barimtyg shalgasny etsest tsoryn gants gadaadyn passportyg haraaad, azi tsaraitai baisan tul yavuullaa. Hervee kavkaz tsaraitai baisan bol buulgaj shalgah baisan bolvuu.

- Manai ene tsagdaa nar hussen zuilee hiij boldog yum, yagaad chamaig udaan shalgaaguig medehgui yum. Tsergiin bayar baisan tul shalgaagui baih. manai tsagaa naryn tuhai yariltgui.
- Yadag gej?
- Manai shorond baigaa hunii hagas n barag hels hergeer suusan gedeg, tsagdaagiin gazar norm gedeg zuileesee tatgalzah heregtei. Normoo bieluuleegui, gemt hergiin ilreliig guitseegeegui bol tsalin uguhgui, tushaal buuruuldag tul, ted statistiktaa hureh gej irgedtei hussen buhn ee hiideg.
Jisheelbel AVTUUSNY JOLOOCH gedeg zamyn tsagdaagiin shalgalt haayaa hiideg yum. Neg udaa Moskva hotoos gartal buh avtuusuudyg zamyn tsagdaa nar zogsoogood shalgaj baisan, namaig shalgaad 100 rubliin torguuli bichsen. Yagaad gej tednees asuuj boldoggui yum. Haanaas ch shaltag olj bolno. Tuhain udur bi hotyn zamyn hudulguunuus bolj uur zamyg songoson gedeg shaltgaan zaasan. Bi ali zamaar yavah n minii uuriin hereg shuudee. Barag buh avtuusuudad torguuli bichsen. Neg Stavropoliin jolooch hereg hiigeegui baihad torguuli bichsend durguitsan chin, 800 rubliin torguuliin huudas bicheed, hervee shuud tuluhgui bol (Obezyannik gedeg n shoron) saatuulna gej surduulj baisan. Tulhuus uur argagui bolson. Bugd duugui ungursun. Ted hussen torguuliaa bicheed gomdolmoor baival huuli zuin yamand handaaraa! Geed ineegeed ungurdug! Hen ch medeej handaad nemerguig meddeg tul nerelsen uniig n tuldug.

- Ta nar tulsun mungiig kompaniaasaa avdag uu?
- Yalaa gej, bid tegeed hohirood ulddeg. Ter norm bieluuldeg baidlaasaa garaad bodit ajil hiigeesee.
- Tanyg hussen ued saatuulah, torgoh erhtei tsagdaa haraad buhimddaggui yu?
- Buhimdlaa geed yaah bilee, huchnii baiguulga, TUR yum chin yaah ch argagui shuudee!

Iinhuu bid hoyor turul buriin amidralyn talaar yariltsaj baigaad hugtsaanaasaa tsagiin umnu Astrahan hotod orj irlee. Haranhui bolson baisan buguud galt teregnii buudal avtuusny buudal n zeregtsee baidag tul Kazahstanruu herhen hurj boloh zamaa songoh heregtei bolloo.
Haranhuid hotoor tsunhee uureed heseh ayultaigaas gadna, tsagdaagiin shalgalt taarval asuudald oroh taltai baisan tul biletee olood tendee huleej baigaad zamdaa garah n deer gej bodogdloo.

Kazahstany baruun busiin Arirau hotruu yavah galt tereg margaashnaas naan baigaagui tul hoyor tsagiin daraa hudluh avtuusny billet avlaa.

Astrahan hot minii irsen Almata hotoos uur bailaa. Aria hugjilteigees gadna AZI, OROS Kavkaz tsaraitai humuus holildson bailaa. Azerbadjan hunii ajiluuldag delguurees hool und avch ideed avtuusandaa suulaa.

Ene chigeld hun yavdaggui yum bolvuu? Gej bodogdhoor niit avtuusand 5 han zorchigch bailaa. Bid ehlej bui shuurganaar baga hurdtaigaar yavsaar hil deer irlee.

Baitsaagch orj ireed bugdiig garj shalgany tsonhon deer neg negeer ochij bichig barimtaa uzuul gelee. Europoos Ukrain Moldav Orosruu orj irsen n turiin bolon huchnii baiguulguudyn irgedtei haritsaj buigaas anzaarsan yum. Bainga deerees dooshoo, tushaasan heleer yarin.

Gadaa shuurga tataad mash huiten baisan tul neleed hulduj baigaad butsaad avtuusandaa humuusiig shalguulj duushyg huleeheer orloo. Hiliin tsereg – avtuusnaas buugaad gadaa hulee! Gej tushaagaad uuruu butsaad kabindaa orloo.

Hun buriig gadaa huitend huldtul zogsooh tiim husel hund turdug gej bodhoor.
Uunees taashaal avdag yum bolvuu! Gej ch bodloo.

Oros humuus iim baigaagui yumsan. Amidral ediin zasag huniig 20hon jild uurchilsun gej bodhoor. Delhiig toiroh alaynhaa turshid nadad tuslaj baisan, hamgiin sain humuus bol Orsuud baisan yum shuu! Gagtshuu turiin alband orood ajilhaaraa hun chanraa alddag yum bolvuu. Hervee bi hamtran ayalagch songoh bol Oros huniig songoh baisan.

Humuus neg negeer mash hund surtaltai Orsyn hiliin shalgaltyg ungruuj buig huleej uhtlee daarj baih ued nuguu baitsaagch ireed – zamyn esreg talyn baitsaagchid bichgee ug1 gelee. End ingej udaan zogsoohyn orond shuud hooson baitsaagchiig zaachij boloogui yum baihdaa. Tus baitsaagchid passportoo ugtul. Uzeed shuud tsaashaa oorchihloo. Dahiaad 30 minut gadaa zogsooloo. – Butsaj iireh ued- Uuchlaaraa end gadaa huiten bain, yamar negen asuudal bain uu? – Ta hulee! Avtuusandaa orood baij baiihgui yu!

Bi butsaad avtuusandaa zuvshuurul avch orloo. Bugd passportoo shalguulsan baisan buguud ayalynhaa turshid munhiin asuudaltai Mongol passportny ezeng huleeh hereg garlaa. Tus hiliin tseg deer bidnees uuur hungui baisan buguud onts shalgaad baihaargui zuil deer ingej udah hereg yund bainaa gej bodloo.

Heseg baij baigaad namaig tus tsegiin darga n duudaad – Namaig end yu hiij baigaa inee teree asuultuudaar darj garlaa. Badarching orsoor LETOPISETS gedeg orchuulj bolooh tul, uuriinhuu ayalyn tuhai yariaad, Ukrainaas orj irsen tamga asuudalgui baihad end yamaar asuudal garch buig asuulaa. Heseg tsag zarj baigaad tamga darhaar bolloo.

Hervee zorchigch asuudalgui bol tamgyg n daraad tuvuggui hil nevtruuleh yostoi olon ulsyn durem baihad, ali boloh udaah, guilgah huseltei baigaa n haragdaj bailaa.
Dood alban tushaalltandaa minii passportyg uguh ued, ter n bas dahiaad l minii huudsuudad bui buh viznuudiig uzesgeend baigaa yum shig uzej garlaa.

- uuchlaarai, tamgaa daraad yavuulchih tehuu? Nadaas bolj avtuus huleegeed bain!
- Ter yaahav, huleejil baig…

Iinhuu aria gej garah tamga darlaa. Avtuusandaa suugaad Orsyn holboony ulsaas garch 67 dahi uls Kazahstan y hilruu yavlaa.

2010 оны 2 сарын 16 ны өдөр. Оросын Холбооны улс, Ростов хот

Хэзээ нэгэн цагт АМЖИЛТЫН НУУЦ гэдэг ном бичихээр болбол, түүндээ МИНИй НАЙЗ НӨХӨД гэдэг маш чухал бүлэг багтаах болно.

Хүн бол нийгмийн амьтан, тиймээс бусадтай харилцахын тулд, бусдын дунд ганцаардахгүйн тулд, хүчний өмнө бөхийхүйн тулд өөрийнхөө хажууд, мөр зэрэгцэн зогсож буй хүн хэн байна вэ? Гэдэг асуултыг өөрөөсөө байнга асуух хэрэгтэй!

Олон улсын харилцаанд орж, улс төр, гадаад харилцааны анхы мэдэгдхүүнүүдийг суралцаж байхдаа ГАНЦААРАА ЯВСАН амьтан бусдад бариулдаг хуулийг ойлгосон юм. Цагаан баавгай нь түүхийг бодоорой!

Харин хүч хавсарсан, бие биенээ хүндэлж ойлгосон, нэгэн зорилго тавьсан чонын сүрэг хоосон хоцордоггүй гэсэн байгалийн хуулийг мэдэж байх үндэстэн бид билээ.

Зохиолын дуу, Рок, Поп, Хип Хоп гэсэн хэдхэн урлагын төрөл дунд ганцаараа дуу хоолойгоо хүргэх боломжгүй байсан тул өөрийн бүлэг, зохион байгуулалттай ажлыг эхлүүлж, хэдэн төгрөг олохын төлөө бус, улсын хэмжээнд шинэ сэтгэлгээ бий болгохын төлөө ажилласан хөтөлбөр үр дүнгээ өгсөнийг та бүхэн мэдэж байгаа байх.

Клуб 21 гэж яачиж байсан хүмүүсийн дурсамжинд удаан хугацаагаар үлдсэн байх. Явснаас хойш үгүйлж буй хүмүүсийн захидал ч ирсэн хэвээрээ байна.

Тэгвэл өнөөдөр Клуб 21 буюу 21 зууны шинэ сэтгэлгээтэй залуусыг цуглуулах ажилд хамрагдсан миний найз, хамтран зүтгэгчийн тухай бичихээр шийдлээ.

Монгол хүний сэтгэлгээнд ажил гэдэг бол хөлс махаа зулгааж, өдөр шөнөгүй хэрэгтэй хэрэггүй зүйл хийхийг хэлнэ гэж ойлгож байсан ардчилалын дунд үед нэгэн Монгол залуу өөрчлөлтийг бий болгосон юм.

Түүнтэй танилцах хүсэл надад байсан, гагцхүү өрөөнд нь очоод – Сайн байна уу? би Амай байна, чамтай танилцъя! Гэж хэлэх утгагүй байсан тул ямар нэг шугамаар дотносохыг хүсэж байсан юм.

Түүний нэрийг, ямар царайтайг мэдэхгүй, гэхдээ шинэлэг сэтгэлгээ нь надад маш их таалагдсан тул, яачиж байсан таньлцаж, дотны хүрээний бусад гишүүдтэйгээ танилцуулахыг хүсэж байсан юм.

Түүхээс…

Тээр нэгэн жил гудамжны сурталчилгаануудад www.OLLOO.mn гэсэн өвөрмөц сурталчилгаа харагдаж эхэлсэн юм. Хүн ард интернэт гэдэг зүйлрүү нэвтэрч амжаагүй байсан үе.

Гадаадад буй Монголчууд эх оронд болж буй үйл явцын талаар хэрхэн мэдээлэл олж авах тухай толгойгоо гашилгаж байсан үе. Тухайн вэб хуудасны талаар ойлголтгүй байсан ч, сурталчилгаа, загвар нь хүний нүдэнд тусах байдалыг нь хараад мэргэжлийн авьяастай ажил болохыг ойлгосон юм.

Хэдийгээр би тухайн үедээ дэлхийн хэмжээний шинэлэг техник технологийг судлаж, орчин үеийн шинэ төхөөрөмжүүдийг нутагтаа нэвтрүүлж, өөрчлөлт хийхийг хичээж байсан ч, интэрнэт гэдэг зүйлрүү тэгтлээ нэвтэрч амжаагүй байсан юм.

21 зуун гарсан цагаас хойш Монголын мэдээллийн технологийн түүхэнд бичигдэх баатар гэж хэлж болно.

Яагаад? Гэж үү?

Яагаад гэвэл тэрээр анхдаг ч байсан юм.

Интернэт буюу мэдээлэлийн эрэн дэлхий дахинаа ирсэнийг хамгийн анх мэдэрсэн гэж болно.

Шинэ шашны ач холбогдол хүчийг нь ойлгосон энэ залуу түүнийг ашиглаж ажил болгосноор олон зууны түүхтэй Монгол оронд мэдээллийн хувьсгал гаргасан юм.

Тэрээр хаанаас энэ санааг авсаныг мэдэхгүй, гэхдээ интернэт дээр төрөл бүрийн мэдээллийг цуглуулж, хэрэглэхэд амар байдлаар байрлуулсныхаа ачаар богино хугацаанд гадаад болон дотоодод буй олон уншигч хэрэглэгчдийн анхаарлыг татаж.

Улмаар Улсын удирдлага, төрийн удирдлагыг сонгох сонгуульд хүртэл нөлөөлж чадахуйц том 4 дэхь засаглалын жинхэнэ нүүр царайг бий болгосон юм.

Миний өөр нэг найз Гамбаатай нэг өдөр ярилцаж сууж байтал тэрээр намайг Энхбаатартай танилцуулах хүсэлтэй байгаагаа хэллээ. Клуб 21 ийн гол давуу тал нь шинэ сэтгэлгээтэй залуус хоорондоо бие биенээ таньж, улмаар хамтран ажиллах зам олох байсан юм.

Энхбаатар гэж өөрийгөө танилцуулсан залуу нүдэнд дулаахан, санагдахаас гадна тухайн үед нийгэмд дэлгэрч эхэлж байсан – МӨНГӨ БА ТҮҮНИй ХҮЧ! Гэдэг онолд автаагүй нь мэдрэгдэж байсан юм.

Соёлын төв өргөөний дээгүүр давхарт байрладаг 3 өрөөтэй албан тасалгаа нь энгийн бөгөөд. Интернэт холболттой цөөхөн хэдэн компьютерүүд нь дэлхий дахинаа мэдээллийг шуурхай дамжуулж, төрийн тэргүүнээс авахуулаад жирийн иргэн хүртэл байнга шагайдаг нийгмийг удирдах хүчтэй хэрэгсэл болсон байсан юм.

Тухайн үед надад өөрийн гэсэн вэб хуудас хийх шаардлага их байсан, хуучны нэгэн найздаа уридчилгаа мөнгө өгөөд ажилаа захиалсан боловч, голын нөгөө эрэгт гараад өнөөг хүртэл холбоогоо тасалсан юм.

Бид хоёр тухайн үед тэгтлээ сайн дотонсож чадаагүй юм. Тэрээр гэр бүлтэй өөрийн гэсэн амьдралаа зохицуулсан байсан тул байнга ПАРТЫ энээ тэрээ гэж явдаг залуу сонин биш байсан байх.

Гэхдээ шинэ танилаа би бусадтай танилцуулахыг хичээж байлаа.

Нэгэн өдөр холын замд гарах бэлтгэлээ дуусах үед- Би эх оронтойгоо холбоогоо хэрхэн хангах вэ? Гэдэг асуудал бий боллоо, блог вэб эрхэлдэг өөр найзуудаасаа асуусан боловч бүтээгүй бөгөөд Энхбаатар найз дээрээ очоод асуух төдий миний блогийг хийгээд, богинхон хугацаанд ажилладаг болгосон юм.

Ажилаа мэддэг хүн манайд байгаад баярлаж байлаа.

Өнөөг хүртэл өөрийн блог, уран бүтээлийн вэб хуудсаа хийж чадахгүй, дэлхий дахинаа, гадаадад буй Монголчууддаа танилцуулж чаддаггүй олон уран бүтээлчид байгаа шүүдээ.

Тэгтэл тэр болгон инеэрнэт ашгилдаггүй, сайн ч мэддэггүй найздаа богино хугацаанд вэб хийж өгсөнд би түүнд баярлаж явдаг юм.

Ийнхүү замд гарлаа…

Миний эхний вэб надад хүнд байсан, жил хагас гаруй ямарч мэдээлэл оруулж чадахгүй байсаар, улмаар хаалгасан юм. Домайн нэрний төлбөр төлөх гэдэг бас ойлгомжгүй элдэв банкны карттай холбоотой байсан тул, африкийн ширэнгэн ойгоос ямарваа нэгэн шинэ арга олж өгөхийг гуйсан юм.

Тэрээр wordpress гэдэг ашгилахад хялбар, үнэгүй тийм блогны загварыг олж өгж, шинэ над шиг аяны хүнд хялбар загварын блог нээгээд, домайн .МН хаягийг бадарчилж буй анхны Монгол залууд үнэгүй өгөхийг гуйгаад бүтээсэн байлаа.

Ийм сайн найз олно гэж ямар хэцүү вэ?

Гэж ганцаараа аялаж байх үедээ бодож билээ.

Аялалын өдөр тутамын тэмдэглэл та бүхэнд үнэгүй хүрч, техникийн саатал элдэв асуудлуудыг өөрийн ажлын хажуугаар зав гарган хийж буй миний найз Энхбаатарт www.amai.mn блогийг уншдаг залуус баярлалаа гэж хэлхээ битгий мартаарай!

Агтны хариу байгаа гэдгийг би бас энэ тэмдэглэлээрээ хэлмээр байна.

Зовсон цагт нөхрийн чанар танигдана гэдэг уг ямар ортой болохыг бэрхшээл тулгарч байх үед ойлголоо. Миний найз хэн бэ? Гэдгийг улам бүр ойлгосоор байна.

Хэдийгээр Энхбаатар найзынхаа тухай тэмдэглэлээ өмнө бичимээр байсан ч, Монголыг дахин нэг доргиох дараагийн хөтөлбөрийг хүлээсээр байгаад тэсэлгүй биччихлээ.

Одоо найз маань Партизаны үйл ажиллагаа явуулж байгаа юм шиг, нуд таг чиг байх шиг…

Яг юу болж байгаа талаар сайн мэдээлэлгүй байгаа ч Энхбаатар гэдэг интернэт дээр мэдээлэл оруулж, нэвтэрч буй хүний тоо сурталчилгаагаар өөрийгөө болон ажиллаж буй хүмүүсийг цалинжуулж чадсан, нийгэмд үзүүлж буй өөрчлөлтөөр улс төрийн нам хүчний анхааралыг татан, МОНГОЛЫН ХӨРӨНГИйН БИРЖ дээр вэб хуудсаа хувьцаагаар борлуулсан тийм залуугийн ажил дээр эргэлзэх би юу билээ?

Энхбаатарын ажлыг сайн мэдэхийн хувьд www.voodoo.mn вэб сайтаар зочилоорой! Баталгаатай сайн ажил болно гэдэгт өөрийн баталгаагаа өгмөөр байна.

Хэдийгээр энэ бичлэг сурталчилгаа шиг харагдаж байгаа ч, хүмүүсийн сэтгээгүйг хамгийн түрүүнд сэтгэж чадаж буй ийм найзаараа бахархаж, хэзээ нэгэн цаг хийсэн ажилаараа ард түмний хүндэтгэлийг хүлээж, улс орны мэдээллийн аюулгүй байдал болон иргэдийн боловсролын бодлогод хувь нэмрээ оруулна гэж би хувиасаа найдаж байгаа шүү!

Энхбаатараа чамтай танилцаж, нөхөрлөсөн тэр өдөр миний хувьд маш чухал бөгөөд сайн өдөр байсан юм шүү!

Баярлалаа.

Ганцаараа шинэ жил, цагаан сар төрсөн өдрүүдийг тэмдэглэж байх үедээ – хэрвээ гэртээ байсан бол найз нөхөдтэйгээ юу хийх байсан болоо? Гэж бодогдох юм.

Нэг үе олон найзтай байсан боловч нэр хүнд, алдар гэдэг зүйлд автсаны дараа туурч хэн нь хэн бэ? Гэдэгт эргэлзэж эхэлсэн билээ.

Харин холын замын дараа жинхэнэ найз нөхөд дотны хүмүүс эцсийн мөч хүртэл хажууд байж, ганцаардсан ядарсан үед тусалсаар байгаа юм.

Өнөөдөр миний сайн найзуудын нэг Энхбаатарын тухай бичихээр шийдлээ.

Монголд түүнийг мэддэг хүн их эсэхийг мэдэхгүй гэхдээ бид түүнийг ОЛЛОО Энхбаатар гэдэг юм.

Монголын шинэ АЛТАН үеийн нэг үлгэр дууриалал гэж хэлж болно.

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

2010 оны 2 сарын 20 ний удур. Орсын холбооны улс Халимаг улс.

Бид алхаж хотын төврүү ордог автуусны буудалруу алхлаа.

Хүн төрлөхтөн бий болсон цагаасаа өөрчлөгдөөгүй бөгөөд, хоорондоо ЭВАЛЮЦ-ийн хүснэгтэнд аль хэсэгт буйгаараа ялгагдах юм.- 90 оноос өмнө нийтийн тээвэртэй байсан , харин одоо ийм хувийн жижиг микро автуусууд үйлчилж байгаа юм! гэж хэлэх үед миний Улаанбаатар бас санаанд орлоо. Гагцхүү автуусууд нь арай тохилог бөгөөд өнгө дотор тохижилтоороо микро буюу манай НИСДЭГ АВС унаанаас дээр байлаа. Иргэд нь бичиг үсэг тайлагдсан тул автуусан дээрхь бичигээр явах газраа мэдэж байлаа. Хашгирдаг автуусны соёл манайд хэзээ анх бий болсон бэ?

Үнэ 8 рубль ( 0.25 УС цент ) тээврийн үнэ хямд байгаа шалтгааныг мэдэх юм бол тухайн улсын бодлогыг бас ойлгоож болох юм. Украйн улсад нийтийн тээвэр маш хямд байсан, энэ нийгмийн халамжиндаа анхаарч буйтай холбоотой боловч техникийн эвдрэлээ нөхөх боломжийг хааж улмаар буруу эдийн засгийн бодлогын гайгаар маш муу тээврийн хэрэгслэл ашиглаж байсан юм. Харин энд хямд тээвэртэй байгаа нь магадгүй хямд түлштэй холбоотой болвуу. Учир нь улсын зүгээс нийтийн тээврийн асуудлыг анхаарахгүй хувийн мэдэлд энэ салбараа өгсөн тул.

Ахмадууд, пенсний хүмүүс хүүхдүүд бүгд төлбөртэй юм байна.

Автуусанд суух үедээ өчигдрийн анхны сэтгэгдлээ бодлоо. 4 жил 3 сар 15 хоног дандаа харийн хүн байж, хаа явсан газраа хүмүүсийн анхаарлыг татаж байсан миний хувьд анх адил царайт хүмүүсийн дунд сууж, хэн нэгний гайхсан таамагласан харц харахгүй байна гэдэг… сайхан юмаа!

Автууснаас буух үед маш том буддын сүм харагдлаа.

Барилга байгууламж сүрлэг, загвар сонирхолтой байсан бөгөөд сүмийн өмнө байрлаж байсан Монгол гэр тэрхүү үзэмжийг үгүй хийж байлаа. Яагаад Монгол гэр гэвэл. Халимагуудын гэр өөр хэлбэртэй, харин үүднийхээ дээрээ хөх өнгөөр оёсон ноорхой СОЁМБО нь өөурийн үүсэл гарлаа илэрхийлж байлаа.

Дэлхийг тойрох бадарчилал хийж байх үедээ Монголын албан ёсны төлөөлөгчийн газар элчин сайдын яамуудаараа зочилж, Тэнд байрлаж буй Монгол гэрүүдээ харж байсан юм. Албан ёсны Монгол гэрүүдийн бүрээс дээр улаан эсвэл цэнхэр өнгийн нэгэн загварын Соёмбо байсан бөгөөд, Элист хотод харж буй гэр яалтачгүй манай гадаад хэргийн яаманд хамааралтай нь уг загвараараа илт байлаа.

Хэдийгээр миний нутагт байгаагүй ч, Монгол соёмбоо манай гэр хороололд байхааргүй ноорхой хэлбэртэй харсандаа гутамшигтай байлаа. Дотор нь ороод Монголжуу царайтай эгчээс – уучлаарай та хаанах вэ? Гэж оросоор асуух үед өөдөөс – Би Халимаг! Гэлээ.

Зарим улс орнуудад Монголтой яг адил хүмүүс дээр очоод -сайн байна уу? гэж хэлэх үед өөдөөс гайхаж байсан хүмүүс лав Халимагууд байсан болвуу. бидэнтэй маш төстэй.

Дотроо цай, үндэсний хоол, үндэсний хувцасны түрээс эрхэлдэг уг гэрийн хүнээс -Энэ гэр ямар учиртай юм бэ? Гэж асуух үед – бид үүнийг түрээслэж үйл ажиллагаа явуулдаг юм. – Танай гэрийн бүрээс ямар аймар харагдаж байнаа? – харин тиймээ хэд хоногийн өмнө энд шуурга болоод гэрийг эргүүлж орхисон юм, хэдэн Монголчууд ирж тэгшилсэн, бүрээс харин урагдсан.

- таны бүрээсний өмнөх хэсэг дээр Монгол улсын соёмбо байна, ГЭР, тэгээд маш муухай харагдаж байна, Монголд гэрийн бүрээс муутай хүнрүү зочин зочилдоггүй юм. Ёсоо даагсан бол би орохгүй байсан, гэтэл соёмбо маань хүний нутагт ийм харагдахаар нь асуухаар ирсэн юм. Харин тиймээ, би удирдлагтаа хэлнээ.

Тухайн эгч миний хэлсэн зүйлийг дамжуулах эсэхийг мэдэхгүй, гэхдээ үндэснийхээ уламжлалт соёлоо түгээх, үүсэл гарал нэг Халимаг улсад төрийн соёмбот гэрээ бэлгэнд өгсөн хүмүүс тэгээд хаяад явдаг ёсон байхгүй байгаасай, дор хаяж юмыг яаж мэдэх вэ! Гээд ээлжний бүрээс өгсөн байгаасай.

– Өнөөдөр энэ гэр нээлттэй байна, уул нь дандаа хаалттай байдагшдээ гэж Юля хэллээ.

Үүдэн дээр харсан ядарсан Монгол гэрээ орхиод откритк зарж буй хүн дээр очлоо. Аялал жуулчлал хөгжиж буй, хөгжсөн, хөгжөөгүй улсуудыг дүгнэх маш амар байдаг. Хэрвээ откриткийн төрөл их, чанар сайн байвал тухайн улс жуулчин ихтэй гэсэн үг, хэрвээ откриткууд царай муутай хуучин загварын байвал тухайн улсад жуулчлал өмнө нь байж байгаад одоо үгүй болсон гэж дүгнэж болно, харин Элиста хотын хамгийн үзэсгэлэнт газар байрлаж буй лангуун дээрхь откриткуудыг хараад жуулчлал энд байгаагүй, эсвэл маш бага гэж дүгнэж болохоор байлаа.

Манай гандангийн хийд баригдсан шалтгааныг санаж байгаа хүн байна уу?

Шашинд үл итгэх үзлийг сурталчилж байсан коммунизм дуусах үед итгэл бишрэл ардчилал гэж итгэснээс үү? эсвэл Буддын гүн ухаан бол Монгол соёлын бэлэг тэмдэг гэж андуурсанаас уу? эдийн засаг олон зуун хувийн инфляцтай байсан 90ээд оны эхэн үед маш их өртгөөр баригдсан билээ.

Иргэдэд итгэл өгөхийг хүссэн сайн санаа байсан байж болох, эсвэл өөрийгөө ирээдүйд сурталчилах ажил байсан ч байж болно. Харин хиймороо сэргээх ном ламаар уншуулахад тэдэн төгрөг! гэж хүний зүрх сэтгэл, итгэл бишрэл дээр бизнесийн үйл ажилгаа хийх татварын бүс компани байгуулагдан гэж хэнч бодоогүй юм.

Гэгээрлийн замд амьдралын бүх бэрхшээлүүдийг туулж байхдаа өөрийн өмнө шүтэж биширч байсан Буддын шашинаа эргэн хартал, шашин биш БУДДЫн ГҮН ухаан байсан байж. Анх Алтан хаан дээр хүртэл Далай багш ирж байхдаа уг гүн ухааны ачаар гэгээрч болох замыг ч зааж байж, харин хэзээнээс бурханд мөнгө төлөөд нүгэлээ наминчилж болно! Гэдэг эндүүрэл бий болсон бэ? Будда багш гэдэг ариун мэдлэгийн эх сурвалжийг Тэнгэр Бурхан шүтлэгтэй ард түмэн БУРХАН БАГШ гэдэг ойлголтруу оруулваа?

Орчуулагын олон алдаанаас болж, нийгэм эдийн засгийн олон бэрхшээлийг бид туулсаар байгаа билээ. Зах Зээл (фрээ маркэт) Рускиэ братя для Монголов (Орос Ах нар) Жун Гоу (Дундад Улс- Хятад гэж буруу орчуулсан) СССР ( оросууд) энэ мэтчилэн алдаанууд биднийг зөв сэтгэх, юмыг зөв ойлгоход саад болоод байна.

Энэ сумруу орох үед бас л нэрэнд алдаа байгаа харагдлаа. Орос хэл дээр уг утга нь зөв байсан бол Халимаг Монгол хэл дээр алдаа нь илт байгаа юм.

Үүдэн дээр Конфуци өвөөтэй төстэй өвгөний хөшөө байсан бөгөөд бэлэг дурсгал зардаг хүн түүнийг харъя гаригаас ирсэн хүн гэж надад тайлбарллаа.

Би бол маш энгийн итгэл бишрэлтэй хүн, эволюц болон шалтгаан үр дагварт итгэдэг. Хавтгай газраас болж хүчтэй салхитай, өвлийн цагаан цасан бүрүүлээс болж нүдээ бүрэн нээх боломжгүй тийм нутгуудад амьдардаг хүмүүсийн нүд нь онигор байдаг тул тус өвгөн ялтачгүй АЗИ гаралтай гэж бодлоо. Нүүдэлчин удмыхан Тэнгэр бурхан буюу байгаль дэлхийг шүтдэг тул гуталын үзүүр дээш өргөөстэй байдаг. Түрэгүүдийн үргэлжлэл болох Түркүүд ийм гуталтай, Болгарт бас харагдсан. Тийм өргөсөн хөшуутай гуталыг нь хараад бидний (нүүдэлчдийн) нэг байж болохоор санагдлаа. Харин гартаа барьсан байсан ЛУУны толгойтой таяг, үсээ дээрээ тогтоосон байдал нь биднийх биш санагдлаа.

Цагаан өвгөний домгийг гэртээ хариад дахин унших хэрэгтэй юм болвуу? яг анх хаанаас үүсэлтэй, энэ ИМАГЭ буюу дүр төрхийг аль нутгуудаар бий болгосон нь сонин байлаа. Таягаар дүүрэн солонгын өнгийн хадгууд боосон байсан нь тухайн хөшөө шүтээн болохыг нотолж байгаа юм.

Бид хоёр тус хийдийг тойрохоор шийдлээ.

Тал бүрт саравчинд гэгээнтэн багш нарын хөшөө байсан бөгөөд дараалсан олон хүрдүүд бас харагдлаа. Энэ хийдийн барилга байрлаж буй хажуугийн орчиндоо тохирхооргүй үзэсгэлэнтэй байлаа. Гэхдээ урлагт үнэ цэнэ байхгүй тул иргэддээ итгэл бишрэл олгож буйгаараа энэ сүмийн ариун унэ цэнэ нь оршиж байгаа юм. Далай багш адислахаар ирсэн гэж хүмүүс бахархалтайгаар яриж байлаа. Оросын холбооны улс хэдийгээр олон шашинтай гэж байгаа ч Ортодоx (Православ) шашины нөлөөнд байдаг юм. Славчуудын ихэнх нь итгэдэг.

Тэд Католик шашны тэргүүн Гэгээн ПАПыг нутагтаа буулгах байтугай дайран өнгрөх виз олгодоггүй шүүдээ, гэтэл Дундад улстай асуудалд орж болох Далай багшийг цагийн дотор дайран өнгөрч уг хийдийг адислах виз олгосон нь тус улсын ерөнхийлөгч Кирсан Илюмжиновын авъяастай холбоотой болвуу.

Дотогш орлоо.

Үүдэндээ Ислам сүмүүдийн адил гутлаа тайлдаг заншил анзаарагдлаа.

Цагдаа харуултай, ВИДЕО камер ажиглаж байна гэсэн анхааруулгатай.

Дотогш орох үед тухайн хийдийн интериэр маш их таалагдлаа. Манай Гандан хийд шиг харанхуй хүйтэн бус, зурган чимэглэл гэрэлтүүлэгт их анхаарсан, төвд дуу Будда багшийн ариун хөшөөтэй, өөрөөр хэлбэл миний үзэж байсан хамгийн үзэсгэлэнтэй Буддын сүмийн жагсаалтыг одоогийн байдлаар тэргүүлэхээр санагдлаа.

Ханан дээрхь олон зургуудыг ажиглаж, тухайн зураач хүмүүсд юу гэж хэлэх гээд буйг судаллаа, хэд хэдэн Далай багшийн хөрөг байсан бөгөөд, үүдний зуун талын ханан дээр Далай багшийн зургийг амьд мэт зурсан байлаа. Зурмал олон зургуудын дунд маш содон.

Тус будда багшийн дүрийин хажууд хэсэг сууж бясалгал хийгээд доор байрладаг музейд орж үзэхээр шийдлээ. Доод давхарт өлгүүр, оо, тэгээд үзэсгэлэн байлаа.

Тус үзэсгэлэнд зураг дарж болохгүй гэсэн байсан бөгөөд миний анхааралыг буддын шашны ёслолын олон зүйл, түүх фото зураг, хувцас огт татахгүй. Байдаг л олон үзмэрүүд. Ялангуяа Монголоос гаралтай бол ийм зүйлүүдийг хараад дассан байх ёстой.

Харин ханан дээр ХАЛИМАГ ундэстний угын бичгийн МОД байлаа.

Бид ургын бичгээ дээрээс доошоо бичдэг үү? доороос дээшээ юу?

Энэ асуултыг тэмдэглэл уншиж буй хүн бүрээс асуумаар байна.

Учир нь бид өөрсдийгөө Натион буюу нэгдэл гэж дууддаггүй шүүдээ! Бид өөрсдийгөө ҮНДЭСТЭН гэдэг өөрөөр хэлбэл нэг үндэснээс цааш үргэлжилдэг.

Гэтэл уг зурган дээр доороосоо дээшээ ястан үндэстэнгүүдийн байрлалыг Мод хэлбэрээр үзүүлсэн байдаг.

Тэр зургийг харж байгаад маш сонин санаа төрлөө. Бидний өвөг дээдэс овгийн ургын бичгийг дээрээс доошоо МОНГОЛ бичигээр модны үндэс шиг бичиж байсан бол, үндэстний үүслийг мод хэлбэрээр дээшээ бичиж байсан байна.

Тус мүзейд харсан модны угт Хүннү чүүд байрлаж, дараа дараагийн Тург, Сянби Киданыг байрлуулаад, тэгээд мод газраад ургах хавьцаа МОНГОЛ гэж тавиад дээшээ гарч буй бүх овог аймгуудыг мөчир хэлбэрээр байрлуулсан байсан бөгөөд ОЙРД 4 аймгаас гаралтай Халимаг үндэстний нэгээхэн хэсэгт Дөрвөд гэж бас байлаа.

Би аавын ургийн бичээсээр дөрвөд ястны гэр бүлийн холбоог дагах тул яриа уг хэллэг адил байгаа шалтгаан нь тайлагдлаа. Бас 400 гаад жилийн өмнө нүүсэн ястан тул АЮУЛТАЙ 7 үед хамрагдахгүйг бас ойлголоо.

Хажуугийн тайлбарлагч эгч, бас залуу хоёртой энэ талаар яриа өдөж байхдаа гэртээ ургийн бичгийн байдал, ястангуудын хоорондын цус холилдох дурмийг хэрхэн дагаж байгаа, дагахгүй байгаа талаар ярилцаж байх үед тэр эгч – Өө тийм учиртай байсан юм байна. Намайг бага байхад манай гэр бүлд маш том асуудал гарч байсан ах дүүгийн ач нар хоорондоо хайр дурлалаас болж гэрлэнэ гээд, манай хоёр гэр бүлүүд хориглож бөөн маргаан болж байсан, эцсийн Дүндээ тэд зугтаж гэр бүл болсон. Бид бас 7 дахь үе хүртлээ буцаж холилдож болохгүй гэж ярьдаг байсан, гэхдээ 100 хан мянгаг хүн яаж дагах билээ. Тэр гэр бүл болсон хоёрын эхний хүүхэд тахир дутуу төрж байсан.

- хэрвээ эмээ өвөө нь ах дүү байсан бол 4 дахь үеийн холбоо, 7 үеийн дотор нүгэл гардаг тул байгаль өөрөө зайлсхийж чадахгүй байхад, хүн бид юу гэж зайлсхийх билээ! гэж бид маш сонирхолтой сэдвээр ярилцаж гарлаа.

Үүдэнд дөнгөж гэрлэсэн хосууд зогсож байхаар зураг авч болохуу гэж асуугаад зураг дарлаа.

Бадарчин түүхийг бодитоор тавьж байгаа боловч, өөрчилж болох арга замыг бас хайсаар байгаа юм. Хэдийгээр цагаан хуримын хувцас үзэсгэлэнтэй харагддагч тухайн үндэстэн өөрийн уламжлалт гоё хувцастай бол түүнийгээ өмсөх нь илүү сайхан гэж бодогдох болсон.

Шинэхэн хосуудад аз жаргал сайн сайхан бүхнийг хүсэн ерөөе!

Африкт олон газар хурим хийж байгааг харсан. Костюм гэж зүйлийг өдөр бүр өмсөж байгаагүй хүн хуримандаа зориулан авсан хувцасан дотроо өөртөө итгэлгүй, хүний юмыг гуйж өмссөн мэт харагдаж байсан. Шавар шавхаагүй цэвэр засмал замтай хотод амьдардаг улсын иргэд цав цагаан хувцас гоё, харин шавар шавхаатай бол?

Би гэртээ хариад хурим хийх болбол заавал өөрийн үүсэл гарлаа илэрхийлэх үндэснийхээ хувцасаараа гоёно, эхнэрээ шаардахгүй, тэрээр өөрийн үндэс угсаагаа илэрхийлсэн хувцастай байвал бас сайхан гэж бодож байна. Гэртээ хариад – дэлхийн хуримлах ёс! Гэсэн тэмдэглэл бас бичинэ гэж бодож байна. Хүний юм гэдэг бол өөрийн юм биш! Гэдгийг энэ холын замын дараа ойлголоо.

Ийнхүү тус музейн хүмүүстэй ярилцаж байгаад, гараад хотын төврүү явлаа…

Үргэлжлэл бий …

2010 оны 2 сарын 20 ны өдөр. Оросын холбооны улсын Бүгд найрамдах Халимаг улс. Элиста хот

Мэдлэг гэж юу вэ?

Улс үндэстэн соёл иргэншил бүр үүний талаар өөрийн гэсэн үзэл баримтлалтай байх юм.

Хуучны Социалист буюу Зөвлөлтийн нийгмийн боловсролын бодлогыг баримталдаг улсууд нэг доор тоо томшгүй мэдлэгийг хүмүүсд суулгахын тулд нөсөр бодлого хүчээр явуулдаг нь харагдлаа.

Зөвхөн Монголд хэрэгтэй хэрэггүй баахан мэдээлэл хүмүүсийн тархинд суулгаад түүнийг хэрхэн ашиглаж болох тухай бодож амжаагүй байхад дараагийн мэдээлэл өгдөггүй юм байна. Хэрэгтэй хэрэггүй, бодлоггүй баахан мэдээлэл дунд болон дээд боловсролын системээр олсон шинэ иргэд, шинээр юм сурах, бие дааж мэдлэг олох тухайгаас айдаг болдог юм байна.

Хэрэгцээтэй мэдээллээ интернэт гэдэг дэлхийн хэмжээний мэдээллийн сангаас биеэ дааж олж авч болох Глобалчлалын давуу талыг харж чадахгүй, аль болох хялбар аргаар амьдрахыг хүсэж байгаа шинэ нийгмийн буруу биш болвуу. Өөрөө хайж уншиж байснаас хэн нэгний үгэнд итгэдэг, дагдаг байдал ч үүнтэй холбоотой.

Сургуульд мэдээллээр шахах бус, мэдээлэл олж авах аргыг зааж, олсон мэдээллүүдийг харицуулж тунгаагаад биеэ дааж дүгнэлт хийх аргыг заах нь СУРГАЛТЫН АЛБАНЫ ҮҮРЭГ юм байна.

Коммунизм анх байгуулж байхдаа сэхээтнүүдээ цааш нь харуулсан, шинэ тархи угаагдсан нийгмийг байгуулж, дэлхийн хэмжээний мэдлэгийг богино хугацаанд бий болгохын тулд хүчилсэний үр дүнг Монголд харж болох билээ. 90 оны дараах хувийн ашигинд анхаарч, иргэдийн мэдээллийн аюулгүй байдлын бодлогыг алдсан Төр засагаас болж АЙМШИГТАЙ нийгэм бүрэлдсэн билээ.

Би арван жил болон Их сургуульдаа сурлагаараа муу байсан нь намайг ямар нэгэн талаар аварсан гэж хэлж болно. Хэрэгтэй хэрэггүй мэдээллээр тархиа дүүргэлгүй, хэрэгтэй гэсэн бүхнийг судлаж, хичээлээс гадуур бусдын мэдэхгүй мэдээллийг бас олж авч байсан нь Соц боловсролтой улсуудад аялахаас гадна сэтгэлгээний боловсролтой улсуудад бас чөлөөтэй амиа авч явж чадсантай бас холбоотой болвуу.

Харин дэлхийн БАГШ АНУ-гийн Тв, интернэт, урлагаар зааж буй мэдээллийг сурах гэж хичээгээд байх шаардлаггүй билээ. Тэртээ тэргүй өдөр бүр бөмбөгдөж байгаа тул.

Ядуу, оюуны хомсдолд орсон, гадны улсыг дагасан улсууд эдгээр мэдээллийг тахин шүтэх түвшинд судлаж , түүгээрээ өөрсдийгөө СОЁЛТОЙ гэж бодож байна.Бусдын тулгаад байгаа мэдээллийг мэдэхгүй байгаа, мэдэхийг хүсэхгүй байгаа өөрсдийн хүмүүсээ дорд үзэж нэгэнт гадны соёлын дээр гарч чадахгүй болохоор өөрсдийнхөө хүмүүсийг доош хийж байна.

Ferrari, Gucci, New York, Osama Ben гэх мэт мэдээллүүдийг мэдсэнээр өдөр тутамынхаа хоолыг олж идэж, найз нөхөд гэр бүлтэйгээ амгалан сайхан жаргаж байгаа хүмүүс 3 дахь ертөнцөд огт харагдсангүй. Үүний оронд дэлхийн хүн төрлөхтнийг боолын гэрээнд оруулж байгаа глобалчлалын хэрэглэгч болж буйгаа ойлгох хэрэгтэй болвуу.

ОЙрд аймгуудын байгуулсан Халимаг өөртөө засах орны Элиста хотод ирээд эхний өдрөө гадагш гарлаа.

Социализмын дүүргүүд буюу дөрвөлжин адил байшингуудыг муулж болохгүй гэдгийг би аялалынхаа туршид ойлгосон юм. Хэдийгээр уран баримал, түүхэн онцлог гэх зүйл байдаггүй хямд эдгээр барилгуудыг барууны олон зуун жилийн түүхтэй хотуудтай харицуулж болохгүй ч

ванни өрөөны хагас зайг эзэлдэг ГАЗ-аар халаагч усны сав байхгүй, өвлийн хүйтэнд гарахдаа унтраадаг цахилгаан болон хийн халаагуургүй өрөө болгондоо тогтмол хямд халаалттай, халуун хүйтэн усны нэгдсэн системтэй байрнууд юм.

Дулаан тохилог орон сууцаар дундад иргэдийнхээ ихэнхийг тухайн цагтаа хангаж чадсан сайн ажил байсан гэж хэлж болох юм.

Харанхуйд ирээд өнөөдөр гарах үед харагдсан 8 дугаар микрорайон гэдэг дүүрэг нь яагаад ч юм манай Эрдэнэт хоттой адил санагдлаа. Найз Юля Бадмаева надад хотоо танилцуулахаар шийдлээ.

Замын хажууд Буддын жижиг сүм байлаа, хүмүүс ч бас ирж мөргөж буй харагдлаа.

Халимаг бол Европ бүсэд багтдаг цорын ганц Буддын шашинтай улс юм.

Бид төвөөс зайдуу, байсан бөгөөд соц загвартай хэдэн байшин, цаг агаарын эрс дулаарлаас хайлсан шалбааг, тэгээд км ч хүрэхгүй замд маш хүчтэй газ гишгэж буй сагсуу жолооч нар миний эхний дурсамжинд орж ирлээ. Замын хажууд явж буй би шалбаканд норох тухай жолооч бодсон гэдэгт эргэлзэж байна.

Хажууханд спортын жижиг цогцолбор.

Гэрээс нь холгүй оршдог Шатрын Төв хотхонд зочиллоо.

Энэ хотхоны талаар барууны тв-ээр гарч байсан сурвалжлалгыг санаж байна. Иргэд нь маш ядуу байгаа Халимаг улсын ерөнхийлөгч дэлхийн шатрын аврага шалгаруулах тэмцээний төлөө их хэмжээний мөнгөөр ийм хот байгуулж, улмаар эзэнгүй орхисон гээд л.

Халимаг улс бол Оросын холбооны улсад байгаа хамгийн ядуу дүүргүүдийн нэг гэж хэлж болно.

Өчигдөрхөн ирсэн Ростов хоттой харицуулашгүй.

Тус хотхонруу орох үед хуримын ордонд хосууд бүртгүүлэхээр орж байлаа.

Бямба гаригт хурим хийдэг гэж Юля хэллээ. Бүсгүйчүүд барууны цагаан палааж, залуус нь АРМАНИ-руу дөхүүлсэн хар костюм. Тэгээд хамаатан садангууд. Үндэсний хувцасаа өмссөн хүн байсангүй. Монголд сүүлийн үед үндэсний хувцасруугаа орж буйг сонсоод баяртай байна.

Элиста хотын хэдэн үзвэрүүдийн нэг энэ хотхон Америкийн хувийн орон сууцны хотхонтой төстэй санагдлаа. Хүн төрлөхтний түүхийг бичигч Монгол бадарчингийн 2010 оны 2 сарын энэ өдрийн зургийг 100 жилийн дараа харсан Монгол хүн – Аан тухайн үед Халимаг бас Монголтой адил Америкийг тахин шүтэж дууриаж байсан юм байна! Гэж дүгнэх юм.

Түүхийг авч үлдэх, хадгалах гэж маш нарийн ажил байдагийг Аав маань, миний түүх маань надад зааж өгсөн юм. Уурийн туухээ бурэн судлаж чадаагуй ундэстний хуу дэлхийн туухийг бичиж байхдаа уурийн туухээ бас давхар судлахаас уур аргагуй байгаа юм.

Шатрын төв байрны өмнө очих үед сэтгэлд маань ойр Алтан соёмбот Улаан цэнхэр туг маань хажуугийн байрны ханан дээр намирч байгаа харагдлаа.

Манай консулын газар энд байдаг тухай манай гадаад хэргийн яамны бичиг дээр өмнө харж байсан боловч, энд ирж зочилох тухай марсанаа сая нэг ойлголоо. Үүдийг нь шалгатал даваа гараг хүртэл амарч байгаа нь цагийн хуваарь дээр байлаа.

Манай консулын газартай залгаа хажуугийн байранд ханз үсэг байсан бөгөөд, Хани үндэстний удирдаж буй Дундад улс сүүлийн үед КОНФУЦийн сургаалиа дэлхий дахинаа сурталчилах ажлыг маш эрчимтэй хийж байгаа бөгөөд, Украйны Харков хотын их сургуульд зочилох үед бас Конфуцийн сургаалийг хэн сайн мэдэх вэ? Гэсэн өдөрлөгийг заал дүүрэн оюутнуудын дунд тэмцээн хэлбэрээр явуулж байсан юм.

Шашинд улс үндэстнээ автуулах юм бол одоогийн Дундад улс шашин хоорон дахь зөрчлөөс болж задрах аюул байгаа тул ийнхүү Конфуцийн гүн ухааныг сурталчилах ажлыг голчилж байгаа юм. Дэлхийн соёл шашны төвүүд улсуудыг харж судлаж байхад ШАШИН гэдэг бол нийгмийг зохицуулах дүрэм гэдгийг ойлгосон юм. Гагцхүү Бурхан гэж үл үзэгдэх хүчтэй тэрхүү энергийг ашиглан хүмүүсийн сэтгэлийг авч удирдаж байгаа юм. Тиймээс шашны дайны үр дүнд хэний дүрэм илүү хүчтэй вэ? Гэдгийг харуулахыг хичээж байгаа юм.

Өнөөгийн дайнд ХРИСТИйН номлол, Еврэй номлол хоёр тэргүүлж байна гэж болно.

Дэлхийн шатрын холбооны ерөнхийлөгчийн хийж буй бодлогыг судлах ажилаа үргэжлүүлж тус төвийн дотогш орлоо. Зааланд 3 шатрыг шалан дээр өрөөд тавьсан байлаа.

50 орчим км өндөртэй шатрын ноёныг бариад зураг авахуулж байхдаа хойно байрлуулсан хотхоны загварыг харлаа.

Ирээдүйн загвар нэлээд нүсэр байгууламж байсан бөгөөд, хэрвээ энэ хотхон шиг нэг л удаа ашиглаад орхих төлөвлөгөө боловсруулах юм бол хайран мөнгө гэж бодогдлоо.

Амралтын өдөр байсан тул дээд давхрууд хаалттай байлаа. Шатар гэдэг бол маш том гүн ухаан. Миний аав надад бага байхаас шатрыг зааж өгөхдөө ямарваа нэгэн үйлдлийн үр дагварыг дор хаяж 3, 4 нүүдлийн дараа урьдчилж харахыг заасан юм. Хэдийгээр 30 хүрсэн хэрнээ ганц ч удаа хожиж чадаагүй байгааг бодоход Аав шигээ урьдчилан харах тэр ухаан болоогүй юм болвуу. Гэхдээ эх орондоо очоод хийх анхны том ажил бол Аавтайгаа шатар тоглох юм. Хэрвээ ухаанаа зараад ялах юм бол – бие дааж болно! Гэсэн санаа байх юм.

Шатрыг улсынхаа хэмжээнд хөгжүүлэх бодлогыг боловсруулж буй ерөнхийлөгчтэй улс яагаад хөгжихгүй байгаа нууцыг бараг гадарласан гэж болно. Энэ таллаар эх орондоо хариад тайландаа тусгах болно гэж амлая. Гэхдээ шатрын ухааныг дунд сургуулийн хичээлийн программд оруулбал шинэ үеийн сэтгэлгээ өөрчлөгдөх нь гарцаагүй юм. Харин ПОКЕР гэж тоглоомын нууцыг ойлгосон өмнөх Баяр экс ерөнхий сайдын санааг дэмжиж, их сургууль, тэр тусмаа эдийн засгийн болон удирдагч бэлддэг сургуульд заах нь зүйтэй юм. Заавал мөрийтэй тоглоом талаас бодох хэрэггүй.

Ханан дээрхь Халимаг зургуудыг харлаа. Хэд хэдэн сайхан бүтээлүүд байсан бөгөөд ГАНс амандаа зуусан нүүдэлчин эмгэний зургийг хараад Юля – Манай өвөг дээдэс маш их ТАБАК (сигарет) татдаг байсан гэх үед – үгүй байх, Табак европт хэдхэн зууны өмнө орж ирсэн, нүүдэлчид ТАМХЬ гэж зүйл татаж байсан гэлээ.

Нэг ханан дээр Оросын Холбооны Улсын ерөнхийлөгч Путин Элиста хотод айлчилсан зураг байлаа. – Манай улстай тохиолдсон ганц том үйл явдал! Гэж Юля хэлэх үед Коммунист торноос чөлөөлөгдөөд өөртөө байгаа баялагаа ойлгосон Монголд нэг доор Орос, Дундад улс, Ану гээд дэлхийн хэмжээний айлчлалууд дараалж байсан санаанд орлоо.

Тус төвөөс гараад хажууханд байсан хүнсний дэлгүүр орж пиво авахаар шийдлээ. Байшингийн булангийн дээврээс ус гойжиж байсан бөгөөд – энэ хотхон доошоо сууж байгаа тул, уг хотхоны байруудаас хувьдаа авах хун байхгүй байгаа юм! Гэж өмнөхөн хэлсэн үг санаанд орлоо.

Хүйтэн пиво гэдэг ойлголт Элиста хотод байдаггүй! Гэсэн дүгнэлт нийт худалдаж авсан, орсон дэлгүүрүүдийн нийлбэрээс хийсэн юм. Баранд хүртэл бүлээн пиво хөргөгчнөөс гаргаж өгөж байсан. Бас өөрийн пиво үйлдвэрлэдэггүй тул нэлээд үнэтэй. Нэгэн боулингийн газар орох үед пиво 4 доллар байлаа. Европын холбоонд элссэн Болгар Ромын бас Украйн Оросоос үнэтэй!

үргэлжлэл бий…

2010 оны 2 сарын 19 өдөр. Оросын холбооны улс Ростов На Дону хот

Миний аавын залуу насны дурсамжтай харков хотод 3 хонож, зүүн Украйн дахь нийгэм улс төрийн байдалтай танилцсаны дараа замаа сонгох хэрэг гарлаа.
Яачиж байсан баруун нүүдэлчдийн нэг болох Халимаг нутгаар дайрч, Элэст хотод цус нэг үндэстэнгийн амьдралыг сонирхохоор шийдлээ.
Харин тэндээс цаашаа яаж явхуу?
Казахстан орхуу эсвэл урд зүг Гүрж болон кавказаар дайраад Иран орхуу?

Кавказын хэдэн улсуудад визгүй гэсэн мэдээлэл манай гадаад хэргийн яамны вэб хуудсанд байсан ч, түүнд итгэхийн аргагүй тул хаширлах боллоо. Бас Иран улсын виз гэдэг бол тийм ч амар биш байх ёстой. Дэлхийг тойрч буй ганц Бадарчингаа анхаарах төр засаг гэж байхгүй тул дахиад цаг хугацаа хөрөнгө мөнгө зарах хэрэг гарна. Яавал дээр вэ?

Газрын зураг дээр харж байгаад яачиж байсан Роостов На Дону гэж хотруу галт тэргээр хөдлөх нь зүйтэй гэж бодлоо, Билетний кассан дээр 13 цагаас Белорусын транзит галт тэрэгний ПЛАСКАРТ-нд билет аваад суулаа.

Хэсэг явж байтал Тээврийн цагдаа! Гэж өөрсдийгөө танилцуулсан нэлээд дээрэлхүү, бүдүүлэг албан хаагчид ирж бичиг баримт шалгахаар боллоо. Пасспортоо өгөх үед юу хийж байгаа, юу авч яваа? Гээд асуултаар хажуугийн хүний хамт байцаалаа.

Дэлхийг тойрч буйгаа хэлэх үед- Тэгвэл хэдий хэмжээний мөнгө зарцуулсан бэ?
- ЭТО НЕ ВАША ПРОБЛЕМА! Буюу энэ бол таны асуудал биш! Гэж өөртөө итгэлтэйгээр чанга хэллээ.
Хүн хоолын замд явж байгааг сонсоод – дэлхийд үзсэн харсан сайхан муухай зүйлс юу байсан бэ? Гэж асуухын оронд зарцуулсан мөнгө асууж байдаг! Гэж дотроо уур ч хүрч байлаа. Хажуугийн хүмүүс тус төрийн албан хаагчидтай соёлтой, бага зэрэг айсан байдлаар хандаж байсан тул миний хурц хариултанд гайхлаа.

Тэрээр миний хариуултанд бэлэн биш байсан тул буцааж пасспортыг өгөөд хажуугийн хүний цүнхийг нээхийг шаардлаа. – Юу авч яваа? Гэж бүх зүйлийг уудлаж байгаа нь ажилаа хийж байгаа гэж огт харагдахгүй байлаа. Лэптоп компьютерийн хажууд байсан CD –нүүд дотрыг уудлаж, ямар кино байгаа эсэхийг асууж, хэнээс юу авч болохыг сонирхож байгаа нь илт байлаа.

Байцаагчид явсны дараа хажуугийн хөрш – эд нар ингэж уудлаад хүссэн зүйлээ авах эрхтэй байдаг юм. Өмнө надад гадны мөнгө байсан, хураагаал авсан. Гэлээ.

Төрийн албыг хяналтаас гаргах ямар аймар байдагийг Орос болон Украйнд харж болно.
Бизнесийн компанид 8 цагдаа нар орж ирээд – Танай комппани хууль бус үйл ажиллагаа явуулж буй мэдээ авсан, тиймээс танай бүх төхөөрөмжүүдийг хурааж авах зөвшөөрөл байна, асуудлыг шийдмээр байвал 40000 ногоон төл! Гэж ичгүүргүй хэлж байсан тухай сонсоод гайхаж билээ.

Зүгээр дүүргийн байцаагч ЛЕXҮС машинаар ирж хураамж нэхэж байсанд тус компанийхан хүртэл гайхсан гэсэн. Бүх ажил танил талаас гадна мөнгөөр шийдэгддэг системийн эхний шат Монголд байгаа бөгөөд, одооноос хууль тогтоомж төрийн үйл ажиллагааг хяналтандаа оруулахгүй бол мөдхөн байдал ийм түвшинд хүрж болох тухай бодогдлоо.

Хил дээр 19 цаг орчмын үед зогсож, Украйны хилийн байцаагчид орж ирлээ.
Нөгөө л асуултууд, хариуултууд.

Сонирхолтой санагдсан нь Монголын болон Оросын хилийн байцаагчид пасспортуудыг хурааж аваад хэсэг хугацааны дараа эргүүлэн өгдөг бол, Украйн албан хаагчид орчин үеийн Блүеэрры шиг гар утаснуудтай байсан бөгөөд, миний нүүрний зургийг тусгай гэрлээр шалгаж үзээд, дараа нь тус гар утас дээрээ миний дугаар болон бусад мэдээллийг шивж, төвөөс ирж буй мэдээлэлтэй харьцуулж байлаа.

Хүн бүр ийм төхөөрөмжтүй байсан нь Европруу орох бэлтгэлээ хийж буйтай холбоотой болвуу гэж бодогдлоо.

Пасспортон дээр тамга даруулаад галт тэрэг удалгүй хөдөллөө.
13 жилийн өмнө Украйн Оросын хилийг туулж байхад Монголтой адил хэдэн цаг гаруй зогсож байж билээ, харин энэ удаа шуурхай байна.

Галт тэрэг хөдлөөд нэлээд удаан явсаны эцэст Оросын хил дээр ирлээ.
Байцаагчид пасспортуудыг хурааж авлаа. Төврүүгээ авч орох болвуу гэж бодож байтал, вагоны үйлчлэгчийн өрөөнд бүх пасспортны мэдээллийг Лэптоп компьютер дээр шивж, шалгаж байгаа харагдлаа. Бусад хил дээрх байдал ямар буйг харьцуулж үзэх нь зүйтэй болвуу.

Шалгалт өнгөрч Орос улсруу 4 жил 3 сар 10 хоногийн дараа дахин орж ирлээ…

Өдөр тутамын бэрхшээл, байр хоол унд аюулгүй байдалын хажуугаар тэмдэглэлээ яаралтай бичинэ гэдэг бас нэг том ажил болдог тул, тэр болгон сайн хийж чадахгүй байгаа билээ.

Над шиг ингэж их улс хоорондын хил газраар туулсан хүн манайд ховор болвуу. Тиймээс хил болгон дээр хэрэг хийгээгүй хэрнээ эзэмшиж буй пасспорт, иргэншилээсээ болж давхар давхар шалгуулж, чичирч буй гараа тайвшруулах гэж гүнзгий амьсгаагаа барих ямар байдгийг мэддэг хүмүүс л намайг ойлгох болвуу.

Гэртээ хариад нэгэн шинэ төрлийн ХУНДАГА ӨРГӨХ ЕРӨӨЛ дэвшүүлж эхэлэхээр шийдлээ.

-Сайн сайханы төлөө! – Үүний, түүний төлөө! – Өргөе! сүүлийн үеийн залуус – ТӨЛӨӨ! Гэж хундага өргөдөг болсон бол миний санал болгож буй ерөөл бол

- ЭХ ОРОНДОО! Гэж хамтдаа ерөөж баймаар байна.
Эх орондоо бичиг баримтаа шалгуулахгүй, цагаачлал болон элдэв төрийн дарамтын механизмд шахуулахгүй ямар сайхан эрх чөлөөтэй байсан юм бэ! Гэж бодох үедээ энэ ерөөлийг бодож олсон юм.

Гэртээ хариад хамгийн түрүүнд хундага өргөхдөө ингэж хэлэхээр шийдлээ.

Хүний нутагт гадуурхагдаж, нүд үзүүрлэгдэж үзсэн залуус миний саналыг дэмжих болвуу.
Эх орноос минь сайхан газар хаана ч үгүй гэдгийг би дахин дахин хэлмээр байна.
Ногоорсон Нүүдэлчдийнхээ нутагт тэнгэр харж хэвтэх өдрийг хором бүр тэсэн ядан хүлээж байна…

БАДАРЧИН ЯВСААР Л…