Facebook – дээрээс

2011 оны 11 сарын 22

АНУ. Чикаго хот

Миний ном таалагдсан бол, сурталчилгаа өвөрмөц болж чадсан бол. LIKE дарж SHARE хийгээрээ.

Таны дэмжлэг над болон миний аялалд маш чухал байна!

Миний энэ рекламыг чангалж байгаад сонссон хүн байна уу?

Цаас юм болхоороо чимээгүй, ширээн дээр хэвтэж байгаа 2 ном. Төсөөлөөд үздээ. Ном руу хартал тэр дотор байгаа бүх үйл явдлууд сонсогдоno.

Номын хуудсыг эргүүлэх болгонд тухайн хуудсанд тохирсон дуу чимээ дагалдаж байна. Магадгүй ирээдүйн ном болж болох

Хүүхэн харааны хөдөлгөөнийг тооцоолж тухайн хөгжим дээр үйл явдал, хэлж буй хүний хоолойны өнгөхүртэл мэдрэгдэнэ. Зүгээр видео кино үзэж буй мэт биш, ҮСЭГ гэдэг дүрсүүдийг нийлүүлэхэд чихэнд чимээ сонсогдоно.

Санснаас Номыг Chillout хөгжмийн чимээнд унших сайхан байдаг шүү.

ХЭРВЭЭ НОМ ЧИМЭЭТЭЙ БАЙСАН БОЛ гэсэн бичгийн дараа миний номонд орсон тэмдэглэлүүдийн үйл явдлын чимээ дуугарч байна.
Монгол Бадарчин номын 1-р боть болох ГАЙХАМШИГТ ЕРТӨНЦ номонд орсон ЧИМЭЭ гэдэг тэмдэглэлийг уншсан хүмүүс санаж байна уу? Өглөө хүйтэн хөлстэй сэрээсэн ЧИМЭЭ. Тэгээд чимээний төгсгөл хэсэгт эхний бөмбөг унаж байгаа. Зарим бөмбөг Чингэлтэй дүүргийн хэмжээтэй газрыг тэгшилсэн байсан. Тэгээд –ИЗРАЙЛЬ УЛС ХЕЗБОЛЛА БҮЛГИЙН ДАЙРАЛТАНД ӨРТЛӨӨ!!! гэсэн өгүүлбэр хэлж байгаа. Тэр үед үнэхээр сонин үйл явдлууд болж байсан. Орос, англи хэлийг ойлгодог Харилцаа төгссөн Монгол залуу Орос улс болон Араб, Израйль улс болон АНУ-ын хооронд хийж буй дайн шиг олон мэдээллийн урсгалыг мэдэрсэн.
Харин сүүлийн хэсэгт гарч байгаа КИРГИЗ ЯСТАНГУУДЫН (КИРГИЗСТАН) улсын мэдээгээр төр засгийн газрын тухай ярьж байгаа. Төр иргэд хоёр хэл амаа олж бие биенээ зохицуулж чадаагүйн тод жишээ! 170 гаруй хүнээ хувьсгал хийж байгаа гэж алуулсан. Тийм улсад иргэд цагдаа нартаа итгэхгүй (гэмт хэрэг өсөхийн шинж) цэргүүдээсээ айдаг болдог юм.
Ийм үйл явдлуудыг харуулах гэж оролдсон.

Монголын телевизийн рекламуудыг харж байхад дандаа л гадны рекламуудыг дуурайсан байдаг.

Ичих ч үгүй энэ рекламтай яг адил хий гэж ярьж байдаг.

2008 06 сарын 27 Сиерра Леон улс, Freetown нийслэл. НАРЛАГ Монголын энхийг сахиулагчдын бааз
Өнөөдөр миний амьдралд мартхааргүй сонин зүйл боллоо. Би сүүлийн 10-д хоног манай Энхийг сахиулагч залуусд зориулж жижигхэн видео клип маягийн юм хийж байгаад дуусгалаа. Яг дуусгах үед үүдэн дээр хүн уулзъя гээд миний шинэ гадаад пасспорт авчирж өглөө. Өмнөх гадаад пасспортны хугацаа нь дууссан байсан тул шинийг гадаад хэргийн яамнаас хүсэлт гаргаж аваад Монголоос илгээхийг хүлээж байсан юм.

Энэ тухайд сүүлд жич бичье, харин сонирхолтой гээд байгаа нь би өнөөдөр анх удаа Монгол улсын зэвсэгт хүчний Монгол улсын далбаатай, хар сүлдтэй хувцасыг өмсөж үзлээ.

Маш сүрлэг санагдлаа.

Би дэлхийг тойрох аялалдаа гараад бараг 2 жил 8 сар гаруй болж байна, үүнээс өмнөхөн Монголын батлан хамгаалах салбарын талаар мэдлэг тааруухан байсан юм. Харин Африк дахь Монголын хамгийн том цэргийн анги дээр ирээд бага багаар цэрэг амьдралтай танилцаж эхэллээ.

Өглөө эрт босож дасгал хийнэ, 24 цаг бүрэн бэлтгэлтэй байна. Тушаал ёсоор гүйцэтгэнэ гээд

Анх Либериагын Монровиад ирээд Монголын 2 залуусдаа цуг байхдаа Монголын цэргийн албан хаагчдын хувцас маш сайжирсныг олж харлаа. Таних тэмдгээс авахуулаад загвар дезайн, өнгө нь хүртэл содон.

Либериа улсын нийслэл Монровиа хотын НҮБ-ийн төв байр дээр бүх албан хаагчдын дүрэмт хувцастай харьцуулахад бусдаас муу гэж хэлхээргүй, гэхдээ өнгөөрөө маш содон харагдаж байлаа. Ногоон ургамал ихтэй Африкийн орнуудын цэргийн албан хаагчид гол төлөв ногоон эрээн хувцастай байсан бөгөөд бор хувцастай хүн ганц ч харагдаагүй юм.

Монголын цэргийн хувцас маш содон харагдаж байсан ч яг Африкийн ширэнгэн ойтой ногоон бүсэд үйл ажиллагаа явуулах нь зохимжгүй байж магад гэж бодогдлоо. Гэхдээ миний ойлгосноор НҮБ-ийн энхийг сахиулах үйл ажиллагаанд улс бүр өөрийн дүрэмт хувцсаа өмсдөг бололтой.Гагцхүү энхийг сахиулагч гэдэг нь хөх малгайгаар сондгоордог юм байна.

Африкийн орнуудаар аялж эхэлхэд Судан-аас авахуулаад цагдаа цэргийн хувцас ерөнхийдөө адил гэхдээ маш сайн загвартай санагдсан. Тэд мэдээж өөрсдийн загвар хийлгүй барууны сайныг нь хуулсан байх гэсэн бодол, улс болгоны цэрэг цагдаагын хувцас бараг адил загвартай байснаас харагдаж байлаа.

Монровиад байж байгаад хилрүү хөргүүлж, Сиерра Леонд алба хашиж байгаа манай энхийг сахиулагчдаар тосуулах үед манай цэргийн онцгой үедээ өмсдөг хувцасыг олж харлаа.

Яаая!

Монголын хувцас үнэхээр саак! Гэж хэлэхээр .

Манай залуус ч гэсэн маш өнгөлөг, өөртөө итгэлтэй сүртэй харагдаж байлаа.

Монголчууд өмнө олон улсын энхийг сахиулах, бүтээн байгуулах ажилгаануудад оролцож байгаагүй үед цэргийн хувцас, хэрэглэл гэж нөгөө Чацаг ногоон төдийл байсан санагдана, харин одоо олон улсын үйл ажиллагаанд нүүр бардам оролцох боломжтой болж.

Би хэдийгээр Ирак-ыг эзлэн түрэмгийлэх дайнд Монголын зэвсэгт хүчнийхэн оролцсонд дургүй байгаа ч Афган болон дэлхийн энхийн сахиуулах ажилгаанд оролцсон нь Монголын цэргийн шинчлэлд маш их хувь нэмрээ оруулсан байх гэж бодлоо.

манай олон залуус гадаадын цэргийн сургуульд, дэг журамтай танилцаж өөрийнхөө салбарт хэрэгцээтэйг нь сурч авсаны нэг жишээ нь өнөөгийн цэргийн хувцас, тоноглол бас аюулгүй ажиллагааны дүрмүүд юм.

Өнөө өглөө би Энх Амраас гуйж байгаад запас Монголын цэргийн дүрэмт хувцасыг өмсөж нэг өдрийг өнгөрөөхөөр боллоо. Удирдлага ч зөвшөөрлөө. Бусад хүмүүсийн анхаарлыг татахгүйн тулд өөрийнхөө УНМИЛ-ийн сэтгүүлчийн итгэмжлэгдсэн үнэмлэхээ зүүлээ.

Дөнгөж угаалгаас гарсан хувцасыг нь өмсөөд, бүх тоноглол, зэвсгийг үүрч нэг хэсэг явлаа.
Бүгд надруу харж, гайхаж байлаа. Миний сахал бас урт ургуулсан үс жоохон содон бөгөөд зохимжгүй байсан байх.

Цэргүүд дүрэмт хувцас, тоноглолоо өмсөөд ямар мэдрэмж төрдөг болоо гэж мэдэрхийг маш их хүсч байсан юм. Сүүлийн үед борооны улирал эхэлж бага зэрэг сэрүүн болсон ч одоо ирэх гэж буй ээлжний залуус борооны улирлын сүүлээр ирж Африкийн халууныг энэ хувцастай мэдэрч эхлэх юм.

Одоо байгаа ээлж Монголын өвлийн эд хүйтэн улирлаас Африкийн хамгийн халуун үед ирээд ямар байсан болоо? Манай залуус анх төрсөн сэтгэгдлийнээ талаар тэмдэглэл бичдэг болвуу? -20 оос +40 руу 60 хэмийн өөрчлөлтийг мэдэрсэн гэсэн, тэгээд энэ халуун хувцас хантааз, зэвсгээ авахаар ямар байсан болоо! Яааааа.

Ази царайтай Монголоос Африк царайтай Сиерра леонд ирээд нутгийхантай хэл амаа олох гэж нэлээд хөгтэй явдал болдог гэсэн.

Энэ хавиар бага зэрэг алхаж, өөрийн хувцсан дээрх цолоороо доод албаны хүн дээр очиж

– Зааг, дээд цолтой хүнтэй ёслохоо болиж дээ! Гэж цэргийн хүмүүсийн хооронд ярьдаг шиг хэлж үзлээ, зарим нь үнэхээр ёслох гээд байсан шүү! Хэ хэ.

Би Монголын цэргийн анги дээр ирсэн өдрөөс намайг эрчимт эмчилгээнд оруулснаас гадна, цэргийн анхан шатны сургалт эхлүүлсэн юм.
- Сургалт дуусгаад, шалгалт авсны дараа ахлах байлдагч цол өгнөө! гэж тэд хэлэх үед
Би татгалзлаа. Би Монголын Энхийг сахиулагч аялагч юм. Тиймээс биедээ зэвсэггүй бүх асуудлыг хэл амаараа шийдвэрлэхийг хичээх юм. Нөгөөтэйгөөр олон улс орноор аялах бөгөөд элдэв визний асуудал дээр цэргийн цол энээ тэрээ гэж асуугаад, албан хаагч байх юм бол бүүр их төвөг болох юм.Магадгүй гэртээ хариж байгаад юу юм гэхээс.

Дүрэмт хувцсаа өмсөөд энэ хавиар явж байтал Болдбаатар хараад – Өө аз аз! чи цэргийн хүн болсон байншдээ, одоо чамайг захирч болох юм байна! Гэж тоглож инээх үед. – нээрээ ямар аз болж цол авахгүй гэсэн юмбээ гэж бодлоо.

Би хичээлд суухаас өмнө цолны талаар ямарч ойлголтгүй байсан тул – Чи тэгээд ямар цол авмаар байгаа? Гэсэн асуултанд ичихчгүй –Ахмад гэж хариулсан санагдлаа. Хэ хэ. Мөнч сайн авж байндаа гэж тэд бодсон байх. Би бол ахмад хошууч хоёрыг хооронд нь ялгах биш.

Гэхдээ л цэрэг явахаас айдаг байсан залуу энд ирээд, жинхэнэ цэргүүдээс хүндэтгэл хүлээн гэдэг…

Би зүгээр нэг аялагч боловч, үзсэн харсан зүйлүүдээ тэмдэглэж, Монголчууддаа хүргэхээс гадна, илүү дээр болгох, өөрчлөх шаардлагтай зүйлүүдүүдийг бичихийг хичээдэг юм. Ингээд дүрэмт хувцасны талаар бичье.

Каск буюу Дуулга.

Монголд байхад ТВ-зээр Монголын цэргүүд НҮБ-ийн энхийг сахиулах ажиллагаанд оролцож буй дадлагыг 5 толгой дээр хийж байсан санагдана. Цэргүүд нээх ядарсан хувцастай, бас хуучны дэлхийн 2 –р дайний үеийн Зөвлөлтийн малгайтай . Би хувьдаа
– Ээ, манай зэвсэгт хүчин гэж иймэрхүүл байх юмдаа! Хуучин олон давхар будсан каск дээр цэнхэрээр нэмээд будсан нь илт харагдаж байлаа. Жоохон зүлгэчихсэн бол. Гэж санаа алдаж байлаа. Магадгүй маш олон хүмүүс үүнийг хараад тэгсэн байж магад. Харин өнөөдрийн хувцас сайжирч байгаа нь харагдаж байна.

Энэ малгай нь доторх маркаараа ТУРК-д үйлдвэрлэгдсэн байна, яг төмөр биш, тусгай пявар шиг ,сум хамгаалах чадвар хэр байдгийг нь мэдэхгүй гэхдээ загвар сайн санагдлаа. Турк цэргүүд НАТО-д орно гэж бас зэвсэглээ шинэчилсэн гэж сонсож байсан. Энэ малгайн дотор зөөлөвчтэй бөгөөд хүнд цохилтоос бол хамгаална гэж бодлоо. Оосор сул бэхэлгээтэй гэж цэргүүд хэлж байсан юм.
Манай цэргүүд бүгд ийм дүрэмт хувцастай болоогүй байх, гэхдээ уул нь уг технологийг оруулж ирээд Монголд хийх боломжыг судалбал! Бид энэ төрлийн тоноглолуудыг хийдэг үйлдвэрийг дэмжиж эхлэх хэрэгтэй, зөвхөн цэргийн малгай биш, энэ технологоор маш олон зүйлүүд хийдэг үйлдвэртэй болно шүүдээ! Тэгээд ч Батлан хамгаалах салбарт үндэсний үйлдвэрлэлийн бүтээгдхүүнийг нийлүүлэх тал дээр улсаас дэмжээд эхэлбэл олон төрлийн жижиг үйлдвэрүүд шинээр бий болгоно шүүдээ!
Манай цэргүүд НҮБ-ийн энхийг сахиулах ажилгаанд зорулж цэнхэр өнгийн бүрээс наасан байсан бөгөөд, гадны нөлөөний улмаас тэр нь хууларч байсан юм. Баруунд байдаг малгааны гадуур өмсүүлж болдог бүрээс хийвэл зүгээрсэн гэж Онцгойбаяр дарга хэлж байсан.

Малгай

Энэ ээлжинд ирсэн Энхийг сахиулагчдын малгай чанар муутай, өнгө нь хурдан гандсан гэж анх Либериад байхад сонссон. Маш хурдан элэгдэж эхэлсэн тул Манай Чинзориг Энхцог хоёр НҮБ-ээс нэмж авах гэж хөөцөлдөж , сайн үр дүнд хүрээгүй юм. Миний зургууд дээр манай цэргүүд цагаан малгай өмссөн биш, НҮБ-ийн хөх малгай гандаад тийм болсон юмшүүдээ!
Ийм саравчтай малгай өмсөх урлаг гэж байдаг. Хип Хоп чид өөр шүү. Саравчтай малгайг хэрхэн өөртөө тааруулах тал дээр бага зэргийн зөвлөгөө өгөх хэрэгтэй байж санагдсан. Угааж хатаахдаа хэлбэрийг алдагдуулахгүй гээд.

Цув.

Сиерра Леоне бол баруун Африкийн тропиц бүсэд багтдаг юм. Энд борооны улирал эхэлсэн үед Бороо гэж төмпөнгөөр асгаж байгаа мэт байдаг. Ямар ч дуугуй байж байгаад гэнэт орно. Тиймээс энэ бүсэд цэргийн үүрэг гуйцэтгэж байгаа хүмүүс тусгай зориулалтын цув хэрэгтэй юм.
Энэ цувыг би өмсөж үзэх үед зузаан, сайн чанрых санагдсан. Сүүлд тайлбарыг сонжоод гадуураа бас уутан бүрхүүлтэй байлаа. Цувыг доогуур нь холбож, өмөд шиг алхахад амар болдог юм байнлээ.
Ганц ноо нь Монголын цэргийн дүрэмт хувцастай огт цохицохгүй байлаа. Алаг эрээн дотор улаан өнгө байгаа нь Монголын орчинд цэргийг үл үзэгдэгч биш, анхаарлын төвд авчирах аюултай байх. Бас чанар тааруу гэж зарим цэргууд хэлж байсан, энд цаг агаарын онцлог бас нөлөөлж байгаа байх. Зарим нь дотроосоо хөгзөрч байсан. Энд чийг халуун хоёр манайх, Европоос тэс өөр шүүдээ!
Европын аль нэг улсын цэргийн нормын цув гэж байсан. Манай зэвсэгт хүчин бага багаар шинчлэгдэж байгаа тул дараагийн удаа цувнуудаа үндсэн дүрэмт хувцастайгаа жигдрүүлнэ байх гэж найдаж байна.

Сум нэвтрүүлдэггүй Хантааз

Хантаазны хувьд Монголд үйлдвэрлэгдээгүй бөгөөд загвар хийц сайн байсан ч хийсэн даавууны өнгө бас үндсэн хувцастай зохицохгүй байлаа. Дараа дараагийн ээлжүүдэд гаднах өнгийг нь үндсэн хувцастай ижилсүүлбэл гоё байх.дотрыг нь ямар материалаар хийдэг юм болоо?
Онцгой үед гадуур нь сум нэвтруулдэггүй ялтас хийдэг юм. Халуун үед маш хөлрүүлдэг бөгөөд, ээлжгүй үедээ байнга хатааж байгаа харагддаг .
Залуус халуунд энэ бүхчим хантаазыг зууж явна гэхээр. Хүндийг нь яанаа.
Манай оёдлын үйлдвэрүүдэд захиалга өгч гадуур нь тайлаад угааж болдог тийм бүрхүүл оёулбол, ээлж солигдсон ч, нойтон үнэртэй байсан ч шууд тайлаад угаагаад хатаачихна.

Агсамж

Хувцасны гадуур өмсдөг жэлэт шиг, зэвсгийн магазин болон нэмэлт хэрэглэлүүдээ хийдэг олон кармаатай. Загвар нь надад маш их таалагдсан, цэргийн хувцасыг улам бүр сүртэй болгож байгаа юмшиг, бас хуучны цэргий цүнхнээс хамаагүй дээр, биетэй наалдаж, үүрэг гүйцэтгэж буй үед савалж тээг болохгүй. Гагцхуу дахиад л нөгөө үндсэн дүрэмт хувцасны өнгөтэй зохицохгүй, кармануудын тагийг нь ус нэвтрүүлдэггүй цувны материалаар хийвэл бороотой нөхцөлд сумаа норгохоос хамгаална. Кармааны ёроол нь бас даавуугаар хийгдсэн байдаг тул магазинаа олон дахин хийж гаргахад хурдан цоордог гэж байсан. Цээжинд бэхэлсэн жадны гэрийг илүү сайн тогтоох тал дээр анхаарвал бас хэрэгтэй байх.
Зарим залуус Афган Иракд алба хааж ирээд өөрийн загварын, шинэлэг зүйлүүд хийсэн байсан, түүнээс суралцвал.

Дүрэмт хувцас

90-ээд оноос хойш манай зэвсэгт хүчний хамгамж маш муудаж, Монгол улсын өөрийгөө хамгаалах хүчин чадал доройтож. Маш олон оффицерууд цомхтголд орж зарим нь өөрийн хүсэлтээр гарж байсан юм.Хуучин социализмын үед 100-гаад мянган цэрэгтэй гэж сонсож байсан бол өнөөдөр хэдэн цэргийн албан хаагчидтай болоо?
Монголын шинэ цэрэгийн хувцасыг харах үнэхээр гоё санагдаж байна.
Гэхдээ ямарваа нэгэн зүйл хүмүүсийн шинэ санаан дээр улам бүр сайжирдаг тул өөрийнхөө саналуудыг бичихээр шийдлээ.

1.Монгол цэргийн хувцас нь хүйтэн цаг агаартай Монголын нөхцөлд маш сайн тохирсон гэж бодож байна, сайн материалтай өнгө үзэмжтэй. Гэхдээ манай цэрэг залуус Африкд алба хашахаар ирж байгаа гэдгийг манай хариуцлагтай хүмүүс ойлгох хэрэгтэй.Би Африкт ирээд бараг 2 жил гаруй болсон тул, энэ тивийн орнуудын амьдрал, соёл цаг агаарын талаарх мэдлэгээрээ би хэнээс ч доор орохгүй гэж бодож байна.
Байнгийн чийгтэй, халуун 30 аас 40 хэм давдаг газар дулаалгатай хувцас!

2.Карманууд бүгд нэг хэмжээтэй. Нэг талдаа өргөжүүлэгчтэй, уул нь хэд хэдэн карма нь хэмжээгээрээ бусдаасаа том байвал хэрэгтэй байх. Ялангуяа өмдний кармаа бол цээжний кармаанаас хамаагүй том байх ёстой. Цэрэг хүн байтугай надад өмдний нэмэлт карманд юмаа хийх хэрэг байнга гардаг юм чинь.

3. Гуяны кармаанууддаа урт уяатай, хэрвээ ямар нэгэн байдлаар хөлөндөө шахадвал, тэрхүү бэлэн уяагаараа шархаа боож болно.

4. Зүүн цээжний кармаандаа үзэг бал тогтоодог гэр байсан, үүнтэй адил зүйлийг гарныхаа карман дээрээ хийвэл, учир нь хантааз өмссөн үед цээжний карманаасаа бал авах боломжгүй болдог юм.

5.Манай цэргийн хувцасны ихэнх карманууд адил байсан бөгөөд, нэг ч болов битүү цахилгаантай карма хийгээсэй гэж бодогдсон, аялж байх үед заримдаа чухал жижиг зүйлүүдээ битүү кармаанд хийгээд цахилгаанаараа хаах шаардлага гардаг юм.Би хэдийгээр цэргийн албан хаагч биш ч гэлээ, удаан аялалынхаа явцдаа маш олон зүйлүүд сурч авсан юм.

6. Зарим хувцасны оёо нь задарсан харагдсан, сайн чанарын утсаар оёж байхыг анхаарах хэрэгтэй. Зарим хувцасны бэхлээсүүд нь сул байсан тул залуус чөлөөт цагаараа түүнийг нь бэхлэх гэж цаг чөлөөт цагаа барж байсан. Цэрэг хүн өдөр тутам маш их ачаалалтай ажиллаж байгаад гэртээ ирээд муу чанартай байсан оёноос нь болж шөнжингөө дахин сууж байгааг тэрхүү оёдол болон гүйцэтгэл хийсэн хүмүүс анхаараасай! Хувцас аюултай үед бас урагдаж асуудал болохгүй байх ёстой

7. Таних тэмдгүүд Англи, Латинаар байсан бөгөөд бусад дагвар улсуудаас ялгарах Монгол үндэсний бичиг тэмдгийг хувцас дээрээ байрлуулбал зүгээрсэн. Ялангуяа төрийн дөрвөлжин бичиг цэгцтэй сүрлэг харагддаг шүүдээ!

8. Халуун газар алба хааж байгаа хүмүүсийн цэргийн хувцасыг анхаарч үзэх маш чухал байх.
Залуусын хувцас халуунд хөлөрч норох тохиолдол их. Тэгээд зузаан материалаар хийгдсэн тул хатаж өгөхгүй.

9. гадуур цамц арай урт байвал. Ялангуяа алхаж байх үед богино байгаа нь мэдэгдэж байсан. Доод товч нь хүйсэн дээр биш, арай доор байвал. Монгол цэргийн хувцасны загварыг барууны стандарт дээр тулгуурлаж бүтээсэн байх нь гарцаагүй, гэхдээ Монгол хүн Барууны хүнээс гарны үе мөч богино шүүдээ, тэгэхээр цэрэг залуус гаднах цамцаа авахдаа ханцуугаар нь тааруултал доогуураа багадаад байгаа байх.Маш олон залуусын хувцас арай багадсан юмшиг санагдсан

10. Цэргийн хүн биедээ холбооны хэрэгсэл авч явбал түүнийгээ амны хажууд тогтоох тийм жижигхэн хавчаарганд зориулсан зүйл оёх хэрэгтэй байх. Би станц бариад хийх газраа олж ядсан .
Цэрэг хүний өдөр тутам хэрэглэж болох зүйлсийн жагсаалтыг гаргаад хувцасныхаа загвар дээр хэрхэн тэдгээрийг нэгтгэж болох тухай бодолцох хэрэгтэй болвуу.

Монгол цэргийн хувцасны хээ угалз нь усан будаг шиг байсан бөгөөд, аялж байх явцдаа орчин үеийн, цэргийн өндөр хөгжилтэй улсуудын өнгө нь дижитал буюу дөрвөлжин дөрвөлжин хээтэй байсан. Сүүлийн үеийн дурангууд бүгд дижитал болсон тул, ийм хувцастай байхад огт харагддаггүй гэж байсан. Технологи гэж …..

Таних тэмдэг. Эмблем

Монгол улсын зэвсэгт хүчин, Монголиа гэсэн наалтуудын загвар өнгө чанар маш сайн байсан ч Монгол төрийн уламжлалт бичгүүдээс оруулсан бол дээр байхсан болвуу? Кириллээр бичсэн үед хуучин Зөвлөлт системийн колон улсуудаас ялгархаа байдаг юм.
Мөрдөс. Миний үзэж байсан дүрэмт хувцаснуудын мөрдөс нь цолоосоо хамаарч өргөн байсан. Манай албан хаагчдых адил санагдсан.
Нэмэлт. Би аялалаа үргэлжлүүлэхдээ Монгол улсын зэвсэгт хүчний эмблемийг цүнхэндээрээ тохсон бөгөөд хүн бүр намайг Орос уу? Гэж асууж байсан. Кирилл үсэгнээс болсон байх

Эрээн подволк

Африкт цамт, өмднөөс илүү Подволк маш их хэрэгтэй байдгийг би өөрийн туршлагаасаа сайн ойлгосон, дор хаяж 4-5 подволктой байхгүй бол хэцүү, өдөрт нэг л удаа өмсөөд хөлсөнд норж үнэр орчихсон. Тэр бүр угаагаад байх хэцүү, хатахгүй.

Ялангуяа Монголчуудад бол бүүр хэцүү.
Монголчууд маш их тостой, махтай хоол иддэг, Халуун Африкт ирээд ч адилхан хооллоно. Африк бол маш халуун газар, бас бүхчим чийгтэй тэр үед тостой хүнд хоол идсэн хүний дотроос халуун дүйгээд шатаж гарна.

Халуун оргих үед хамаг бие хөлөрч иддэг хоолноосоо хамаарч үнэр ялгарна.
Би Монголын бааз дээр ирэх үед манай залуус маш хурц үнэртэйг мэдсэн.

Долоо хоногт дор хаяж 3-4 удаа солиж болохоор подволкны запастай байвал сайн байна гэсэн тэдний саналыг сонсож байсан, ээлжийн 2 подволк нь өдөр бүр угаасаар байгаад зах нь сунасан харагдсан.

Африкт нэмэлт ПОДВОЛК маш хэрэгтэй шүү!

Хар Гутал

Борооны улиралд маш зохимжтой, бас цэвэрлэж байхад амар. Монголын цэргийн хар гутал бөх бат, чанар сайтай санагдсан. Харин халуун өдрүүдэд дээрээсээ доороосоо халаад үнэхээр хэцүү байдаг тул бүгд шар гутландаа шилждэг гэж манай залуус хэлсэн.
Гадаадын цэргийн үйл ажиллагаанд оролцож байсан цэргүүд өөр төрлийн хар гутал өмссөн байгаа харагдсан .
Энэ хар гуталыг Монголд үйлдвэрлдэг болвуу? Тийм байгаасай! Үгүй бол үйлдвэрлэж эхлээсэй! Жил бүр олон мянган цэргүүдэд хангадаг гутлыг гаднаас авчирдаг гэвэл –Яагаад? Гэж асуух асуулт бий болно шүүдээ!
Угаасаа өчигдөрч авж байсан, өнөөдөрч, маргааш ч авах зүйлийг өөрсдөө хийдэг байгаад дампууруулаад гаднаас авж байгаа бол буруу! Магадгүй ЛОБИ байж ч магад.
Made in Mongolia гэсэн бэлэн худалдан авагчтай ийм салбаруудаа дэмжиж эхэлбэл.

Шар гутал

Манай цэргүүдийн хувцаслалтын хамгийн их шүүмжилмээр санагдсан зүйл нь энэ шар гутал байлаа. Миний таарсан ихэнх цэргүүдийн шар гуталны ул нь ангаасан, эсвэл урагдсан байсан. Африкийн энэ тропиц бороотой бүсэд норхоос авахуулаад шавар шавхаанд хэртэх гээд тохиромж муутай байсан.
Би энэ гутлыг өмсөж үзсэн нэг өдөрт, алхахад маш хөнгөн, зөөлөн байсан ч энэ гутал нь цэргийн зориулалтгүй тул материаласаа авхуулаад маш сайн чанарых байгаасаа гэж бодогдсон!
Манай цэрэг цэргийн албан хаагчид ч гэсэн энэ гуталны чанар мууг хүлээн зөвшөөрч байсан.
Дараагийн ээлжинд ийм төрлийн муу чанартай, байгаль орчиндоо тохироогүй гутлаасаа татгалзана байх гэж найдаж байна.

Монголийн залуус халуун Африкт 6 сар гэр орон , нутаг найз нөхдөөсөө хол 24 цагийн бүрэн бэлэн байдалд ажил үүргээ гуйцэтгээд авсан цалингаас нь шимтгэл авж ийм төрлийн хувцас хэрэглэлийг нь бэлдэж өгдөг.
Хүн өөрөө цалингаараа хэзээ ч ийм чанар муутай гутал авахгүй шүүдээ! Ялангуяа цэргийн үүрэг гүйцэтгэж байгаа бол чанарт илүү анхаарана.
Гэтэл тэрхүү мөнгийг нь авсан хүн хуурамч чанаргүй ийм гутал авчираад цэргүүдэд нийлүүлсэн (шахаад) байгаа явдал бол хууль бусаас гадна, зүгээр л хүнийг доромжилсон явдал мөн.
Цэргийн албан хаагчид гомдлох эрх байхгүй тул, тэгээд л дуугүй өнгөрдөг байх.
Буруу алхвал ул нь салж магад гэж бодож өдөр тутам алхах ямар байдаг гэж бодно? Цэрэг хүн ийм зэргийн зүйл дээр санаа огт зовох ёсгүй!

Маск

Маскны тухай мэдлэг хомс тул хэлэх зүйл алга, гэхдээ цүнхний дизайн дээр анхаарах хэрэгтэй! Үндсэн нэг стилийн хувцастай болцгооё!
Колашниковыг би дүгнэх түвшинд хүрээгүй гэж бодож байна, гэхдээ оосрыг нь солиод, элэгдсэн модон хэсгүүдийг нь лакаар бүрвэл шинэ юм шиг үзэмжтэй харагдах байх

Аяны цүнх

Аяны цүнх гэдэг бол бүхэл бүтэн гүн ухаан. Энэ тал дээр өөрийн мэдэрсэн туршлагаараа нэгэн тэмдэглэл бичнээ! Гэхдээ одоо хэрэглэж буй цүнхний чанар, дезайн, хэрэглэж болох тал дээр МУУ гэсэн дүн тавилаа.
Энэ миний жижигхэн сурвалжлага байлаа. Хүмүүс миний тэмдэглэлд зураг оруул гэж шуумжилж байна.Гэтэл нэг тэмдэглэл бичих, зураг оруулахад ямар их цаг зав, мөнгө ордог гэж бодож байна! Ялангуяа зураг оруулж янзлах гэдэг бол их ажил.
Хүн хөдөлмөр хийхэд хариу хэрэгтэй байдаг шүүдээ! Энэ их хөдөлмөрийг үнэгүй үзээд ганц санаа бодлоо бичиж чадахгүй байгаа хумуусд юу гэж хэлэхээ мэдэхгүй юм. Бид юм болгон дээр өөрийн саналаа хэлж сурвал яасан юмбэ?
Саналаа бичиж байгаан гээд зүгээр хүний хийсэн их хөдөлмөрийг үгүйсгэх бус, өөрийн санал бодлоо нэмж өргөжүүлэх нь чухал шүүдээ!

2008 оны 05 сарын 27 Либериа Логуатоу хилийн пост

Ингээд аяллийн энэ өдөр хүртэлх хамгийн хэцүү, аюултай давааг Cote D’Ivore улсийн босогчдийн нутгаар өнгрөөхдөө туулсан тул, Либериагийн Монголын Энхийг сахиулагчидтайгаа уулзах үедээ аюулгүй орчинд бага зэрэг тайвшраад авий гэж бодлоо.

Cote D’Ivore улсийн хилээс алхаагаар гүүр гаталж Либериагийн поструу дөхлөө.

Аяллаа эхлүүлээд хэдэн сарын дараа 16 дахи улс Египтэд найз Ангарагаас Монголын Энхийг сахиулагчид Либериа болон Сиерра Леонд байдгийг сонссон тул газрийн зургаа харж байгаад аяллийн 3 дахи хэсгийг Либериагийн Монголчуудтайгаа уулзах үедээ дуусгана гэж төлөвллөө. Тухайн үед Суданий визаний бэрхшээлээс болж Египт улсад 7 сар гаруй гацна гэж төсөөлсөнчгүй. 2 жил гаруй Либериа гэдэг улсад Африк тивдээ анх Монголчуудтайга уулзана гэж төсөөлж байсан тул Хил дээр нь ирхэд үнэхээр сэтгэл хөөрч байлаа.

Бүх талаараа хамгаалтийн хуйлаатай өргөст тороор хүрээлэгдсэн, өөдөөс цагаан өнгийн БМП хуягтний хушуу чиглэсэн байлаа.

Сум нэвтэрдэггүй хаалтийн цаанаас Энхийг сахиуулагчийн цэнхэр каск өмссөн, десант хувцастай хар шилтэй БАНГЛАДЕШИЙН БАТТАЛИОН-ий залуу хөдөлгөөнгүй пулемётоо чиглүүлэн харж байлаа.

Зүүн талд сөнсөн гүүр, Торний цаан “TRESPASSERS MAY BE FIRED UPON” гэсэн айдас төрүүлхээр бичигтэй самбар харсан хэн ч болов Либериад байдал ямар байснийг төсөөлөх болвуу.

Хоёр талаараа цэргийн хамгаалтийн хоорондуур өнгөрч Либериагийн хилийн шалган нэвтрүүлэх дээр ирлээ.

Нэгэн өрөөнд ортол бар-ний ширээтэй төстэй ширээний нэг өнцөгт Либериагийн иргэд, харин нөгөө өнцөгт Гадаадийн иргэд гэсэн олон улсийн буудалтай төстэй бичиг байсан бөгөөд уртаашаа нэг алхамийн ширээг тэгж хуваахийн учир юу байсан юм боло гэж бодогдлоо, тэглээ ч нэг л хүн ширээний ард байсан бөгөөд пасспортийг шалгаж виза үзлээ.

Дараагийн хүн нь орж ирээд өөрийнхөө өрөөнд дагуулж орлоо. Бүх юм зүгээр байгааг шалгаад энтри тамга дарлаа. Гарахад бас нэгэн байцаагч кустомд оруулж цүнхээ нээхийг шаардлаа. Хэдийгээр миний пасспорт нь Монгол улсийн Албаны гэж тодотголтой бөгөөд нэгжлэг хийх эрхгүй байдагч, хаа явсан газраа нөхцөл байдлаас нь болж бүрэн шалгуулсаар байгаа юм.

Тэр өрөөнөөс гараад BANBATT15 гэдэг Либериад үйл ажилгаа явуулдаг Бангладешийн энхийг сахиулагчийн хашаанд орж дээд албан тушаалтантай уулзах хүсэлтэй байгаагаа хэллээ, бас 4439 гэдэг UNMIL (United Nations Mission In Liberia) дугаарлуу залгаж Монголын Энхийг сахиуулагч 2 залуутай холбож өгхийг гуйлаа.

Тухайн үед холбоо тасарсан байсан тул түр хүлээх хэрэгтэй гэлээ. 5 сарын 29 буюу маргааш нь НҮБ-ийн 60 жилийн ойн баяртай байсан тул BANBATT -ийн удирдлаг нутгийн залуустай volleyball тэмцээн зохиох гэж байлаа. Түүнийг нь үзэж байх явцдаа НҮБ-ийн Энхийг сахиулагч гэдэг нь зөвхөн цэрэг дайны ажилгаа биш, хамгийн гол нь хүмүүс, дайнд нэрвэгдсэн нутгийн иргэдэд амар тайван байдлийг мэдрүүлэх илүү чухал үүрэгтэй гэдгийг ойлголоо.

BANBATT -ийн залуус нутгийханд volleyball-оор ялагдлаа. Энэ н үнэхээр муу байсных байж магад эсвэл угаасаа нутгийхантай сайн харилцаагаа хадгалхийн толд ялагдсан болохийг үгүйсгэх аргагүй. Азиа-ууд бид зарим үедээ ялагдаж ялдаг хүмүүс шүүдээ!

Буцаад хашаанд орж дугаарлуугаа залгатал нэгэн Монгол залуу авсан бөгөөд

-Сайн байна уу? Сайн явж байна уу? Би Либериагийх биш Сиерра Леоний албан хаагч байна аа, энд ажилаар ирсэн байгаа, баасан гаригт буцаад Freetown руу явна, чамайг эндээс аваад явбал сайн байна. Одоо энд Нисдэг тэрэг хөдөлдөөд үзий!

- Би тэгтлээ яараагүй байнаа, хоёр хоногт Либериаг сайн үзэж чадахгүйштээ! Гэхдээ хил дээрээс НҮБ-ин унааг дайчлах боломж байвал судлаад үзээрээ!

- За за, наанаа хүлээж бай! Би буцаад ярий.

Ийнхүү Монгол хүний хоолоо сонсоод маш их тайвширлаа. Сүүлийн 2 хоног үнэхээр аюултай байсан тул НҮБ-ийн хашаанд, хамгаалтанд байгаа үедээ жоохон сууж амраад авхийг хүслээ.

Тус ангийн Хошууч над дээр ирээд Juice, печен авчирч өглөө.

-Чи одоо эртхэн эндээс унаа олж Ghanta руу явахгүй бол оройтлоо. Манай энэ байрлал онцгой бүс тул чамайг байлгах боломжгүй байна. Өмнөх БАНБАТТ-ууд чамайг хүлээж авсан байж болно харин би өөр хүн! Гэж маш хурц ярилаа.

- Би энд байрлах тухай яриагүйштээ! Манай Монгол залуу буцаад ярих ёстой хүлээж байна.

- Би чамайг энд байгаад дургүй байна. Манай бүсээс одоо гар! Тэр хүнтэйгээ эндхийн утас олж ярь!

- За за, намайг хүлээж авсанд баярлаа! Гээд цүнхээ үүрээд хашаанас нь гарлаа.

Залуухан хошууч миний аяллийн талаар ойлгохийг хүсээгүй бололтой. Би энэхуу хашаан дотор сууж жоохон тайвшрах л хүсэлтэй байснийг мэдрээгүй гэж бодлоо. Ийм онцгой байдалтай бүсүүдэд байнга UN-ий унаа, хамгаалалттай явдаг тул, ганцаараа нутгийн унаагаар аюулийг даван гарах ямар байдгийг хэзээ нэгэн цагт мэдэрч ойлгох болвуу гэж бодлоо.

Ийнхүү маш олон удаа өмнө сонсож байсан дэлхийн хамгийн халуун бүсүүдийн нэг байсан Либериагин тосгонд ганцаараа боллоо.
-Дахиаад л ганцаараа бүх бэрхшээлийг давхаас.

Нутгийн залуугийн утаснаас Монголийн энхийг сахиуулагч руу смс бичиж буцаж холбоо бариараа гэж гуйлаа. Хариу байдаггүй.

ИХ САНАСАН ГАЗАР 9 ШӨНӨ ХООСОН гэдэгшиг.

Ямарч холбоогүй болж тус тосгонд унтах газар хайх хэрэг боллоо. Үлдсэн CFA гаа нутгийн доллар болгох ү?дээ ченжээс буудлах байр асуулаа. Холгүй байдаг буудал руу заалаа. Цүнхээ үүрч явахдаа нутгийхний анхаарлийг татаж байгааг мэдэрлээ.

Энд аюлтай болвуу үгүй болвуу?

Жижиг байр харагдлаа, нэгэн хүүхэн ажиллуулж байсан бөгөөд өдрийн 5$-ийн өрөө өглөө.

Жижигхэн гэрэлгүй хав харанхуй өрөө.

Нэг ортой цонхгүй бөгөөд хөшигөөр цонхоо хаасан.

Хаалганд цоож байхгүй хадаасийг мушгиад тогтоож болно гэж бас тайлбарллаа.

Цүнхээ тавилаа. Энэ улсийн талаар их сонсож байсан тул аюлгүйн дүрмээ дагаж хамгийн чухал зүйлүүдээ биедээ авлаа. Гадаа гарч түр сууж байх үед харанхуй болж, тус буудлийн 2 хүн бас хажууд суулаа. Тэд төвөөс нутгийн ажилтай танилцаж шалгаж яваа гэлээ. Яачиж байсан албаний хүмүүс буудалд (Буудал гэждээ) байгаа юм байна.

Уг буудлийг ажилуулдаг хүүхэн

- Уучлаарай! Миний буудал жоохон тааруухан байгаад. Би саяхан буцаж эндээ ирсэн юм. Cote D’Ivore д дайн эхлээд дүрвэгсэд болон босогчид ийшээ орж ирэх үед бүх хүмүүс эндээс 100 гаад км зайнд байдаг дөрвөгсдийн лагерлуу явсан юм. Харин буцаад иртэл хамаг юмийг тонсон, хаалганд хүртэл цоож үлдээгэгүй байсан юм.

- Зүгээр зүгээр. Энд одоо байдал ямар байна? Дүрвэгсдийн лагерийн тухай яриад өгдөө?

- Cote D’Ivore дайн эхлэх үед маш олон дүрвэгсэн хилийн энэ талруу орж ирсэн юм, энд хилийн тор гэж байхгүй зүгээр ой шүүдээ! Тэгээд тэднийг ийшээ орж ирэх үед нутгийн бүх хүмүүс улсийн гүнруу явсан. Тэр дүрвэгсдийн лагерт Либериагийн иргэдийг түр байрлахийг л зөвшөөрдөг юм. Нутагтаа байгаа учраас.

- Дайн эхэлхэд ямар байсан?

- Тэр талаас ийшээ гал нээж байсан. Зарим нэгэн байшинд ор байгаа.

Ийнхүү тэр хуухний яриаг сонсож байхдаа дайнтай газар эсвэл дайнтай улстай хил залгаа улсийн хүмүүс бас ямар их зовдгийг ойлголоо. Тэрээр устай түмпүн авчираад усанд орхуу гэж асуулаа. – Хэрэггүй. Би Монголчууд дээрээ очохоороо нэг сайхан хүн төрхөндөө орий гэж бодлоо.

Тэр хавийн хүмүүстэй танилцаж бар гэж нэг өрөөнд орж суулаа. Улс болгоний хил даваад нутгийн пивонээс нэг уудаг ёсоо дагаж пиво захилаа. Бүлээхэн бараг халуундуу пиво байсан ч өөрөө өөртөө бие болгосод дүрмээ зөрчөөд яахав гээд пивонээс авж уулаа.

Ёстой муухай!

Ийнхүү хүмүүст Монголийнхоо сурталчингаа жаал яриж өгөөд өрөөндөө орж унтахаар шийдлээ. Хаалгандаа хадаастай цоожтой байсан тул өмнөх ихэнх тохиолдолтой адил сонор сэрэмжтэй унлаа.

Үүрээр коридорт хоёр хүн өнгрөхдөө хоорондоо Монголиа гэж уг хэлэхэд би – Монголиа Нот Слийпинг! Гэж санууллаа. Үнэхээр нүдээ аниж амарч байгаа юм шиг бловч маш сонор сэрэмжтэй унтахийг Африкт маш сайн сурж авсан юм. Гэртээ байхдаа цонх хагарсан ч сонсхооргүй нам унтдаг байсан хүн шөнө дунд хүний алхааг сонор сэрэмжтэй унтдаг болсноо маш сайн мэдэж авлаа.

Эндээс Гхантаруу машин үүрээр явдаг байсан тул эртхэн босч замд гархаар шийдлээ. Буудлийн эзэн хүүхэнд баярлаа гэж хэлж нэг зураг дараад

буцаад БАНБАТТ-ийн хажууд байгаа зогсоол дээр унаа асуулаа. Хэдхэн машин байсан бөгөөд нэг нь Ганта явна гэлээ.

Хэзээ гэсэн асуултанд –Дүүрхээрээ! Гэж хариууллаа.

БАНБАТТ15 дээр намайг ойшоохгүй байгааг мэдэж байсан тул нөгөө талд байсан Гана болон Кенягийн НҮБ-ийн ПОЛИЦЭ дээр очиж холбоо бариж өгхийг гүйлаа. Холбоо юуч байсангүй.

Тэд Sanniquelie орох байсан бөгөөд НҮБ-ийн дүрмийн дагуу энгийн иргэдийг тээвэрлхийг хориглоно гэж хэллээ. Өмнөх өдөр Ганагийн цагдаатай нэлээд найзалсан байсан тул тэрээр

-Цаг орчмийн дараа бид хөдлөнө цуг суугаад зам дөхөөрөө! Энэ машин өнөөдөртөө дүүрэхгүй

- Уу баярлаа.

Би тэрхуу буудал дээр цаг гаруй хулээхээр боллоо. Нутгийн хүмүүс ганцаараа ямарч хамгаалтгүй яваа Азиа залууг ихэд сонирхож эхэллээ. Хажууд маш шуугиантай радио нэвтрүүлж байсан бөгөөд хөгжимийг баг зэрэг чангаллаа.

-Чи мөнгө өгчих, шинэ батериа аваад радионд хийчий!

- Яхгаад та нар гадаад хүн хархаараа мөнгө салгах, юм авахуулах тухай яриж байдаг юм?

-Та нар баян юм чинь.

Африкийн ихэнх орний тосгонуудад гадаад хүн бүр маш баян гэсэн ойлголт суусан байдаг юм. Тиймээс камэраа өгчих, мөнгө өгчих, гутлаа өгчих гэсэн асуулт огт тасардаггүй юм.

Нутгийн хоолноос нэгийг авж идлээ. Будаан дээр Мах, Өндөг, Загасийг ястайн цуг хийсэн тийм шал тавиж өглөө. Энэ хоолийг байнга идээр байгаад загасний ясанд хүртэл гаххаа болисноо мэдлээ.

Хэсэг байж байгаад Цагдаагийн машин явах болж, би машинд н суулаа. Жолооч Кенягийн цагдаа цаас гаргаж түүндээрээ хоёр хүн гэж бичлээ. Би албан ёсоор энэ унаанд байхгүй байлаа.

Машиний урд самбар дээр нэгэн цахилгаан төхөөрөмж байсан бөгөөд НҮБ-ийн үнэмлхээ зурсний дараа л машин аслаа.

- Энэ машинийг хулгайгаас хамгаалсан төхөөрөмж. Бас хэн хэдэн цаг жолоодсон гэдгийг үнэмлэх зурах үед төв дээр бүртгэж байдаг юм.

Бид замдаа гарлаа. Монголд ийм ширэнгэн ой байдаггүй тул төв Африкийн улсуудаар явах болгондоо байгалийн сайхан бишэрч байсан юм. Энэ нутгуудад ихэнх суурингууд бараг адил. Хэрвээ энд зураг дараад улс зураг дарсан өдрийг харахгүй бол суулийн 12 орноос алинийг н ч гэж хэл чадахгүй юм.

Африк тивийн ихэнх орнууд үндэс угсаа, соёлоороо хил хизгаараа тогтоогоогүй бөгөөд колончлогч европийн орнуудийн хоорондийн тохиролцоон дээр бий болсон юм. Зарим үед нэг улсад 100 гаруй хил соёл шашинаараа өөр үндэстэн ястангууд байх жишээтэй.

Маш их дотоод зөрчил энэ тивд гардаг шалтгаан нь энэ байж магад, янз бүрийн хүмүүс нэгэн үндэстэнг бий болгох гээд зүтгээд байгаа.

Ийнхуу явсаар Камплаы гэдэг газар маниа олон улсийн цагдаа нар нутгийн цагдаагийн хүмүүстэй уулзах хэрэг гарсан тул тэр хооронд н би тосгоноор хэслээ.

Төв гудамжинд зогсож байтал БАНБАТТ15-ийн эргуулийн машинууд өнгөрлөө.

Хоёр жийпэнд 8 цэрэг. Хоюуланд нь пулемётчин цэрэг зогссон байсан бөгөөд буунийхаа гохонд хуруугаа хийсэн харагдлаа. Эдгээр НҮБ-ийн энхийг сахиуулагчид суурин, тосгонуудаар байлдааний бүрэн бэлэн байдалд эргүүл хийж байгаан нутгийн иргэдэд амар тайван байдлийг авчирдаг юм гэж сүүлд хүмүүс хэлж байсан юм.

Хэрвээ Монголийн али нэг суурин, хотийн гудамжаар НҮБ-ийн гадний зэвсэгт хүчний цэргүүд байлдааний бурэн бэлэн байдалд харуул хамгаалт хийвэл Монголийн иргэдэд ямар санагдах боло гэж бодож байлаа.

Ийнхүү манай хэд ажилаа дуусгаад буцаад замдаа гарлаа. Бид хурдаа хэтрүүлэх болгонд машин дотор байсан нөгөө цахилгаан хэрэгслэл дугарч дохио өгч байв.

Гана улсийн цагдаа Ф1 гэдэг улаан товчин дээр дарж чимээг зогсоож байсан юм. НҮБ-ийн машинууд 65км цагаас илүү хурдтай явхийг хоргилдог. Энэ чимээ дуугарах болгонд төв дээр хурд хэтрүүлж байгаа мэдээлэл очиж байгаа. Тэгээд хэн гэж НҮБ-ийн жолооний үнэмлэхтэй жолооч хурд хэтрүүлж байна гэдгийг цаана хянаж байдаг юм гэлээ.

Замаар явж байхад хажуугаар өнгөрсөн машинуудад зам тавиж өгөх цагдаагийн чимээний товч дээр дарж байлаа.

UN POLICE гэдэг улаан цагаантай машинууд иргэний болон UN -ий машинуудийг зогсоож шалгах эрхтэй байдагийг мэдэж авлаа.

Ийнхүү явсаар Sanniquelie суурин дээр ирлээ.

Манай хоёр албаний бүс хүнийг машиндаа тээвэрлэх хориотой байсан тул намайг харуулийн постоос өмнө буулгалаа.

Монголчуудийн зүг алхсаар.

Сүүлийн хэд хоног өнөөг хүртлэх бүх аяллын хамгийн хэцүү даваа байсан гэж хэлэхээр, маш олон бэрхшээл, адал явдлийг туулсаар 41 дэх улс Либериагийн хил дээр ирлээ. НҮБ-ийн цэргийн ангийн хамгаалтийн цэргүүдийн буу өөдөөс шагаасан байгааг харсан ч, Цагаан дээр Хараар UN гэж бичсэн үгийг уншаад яалтачгүй санаа амарлаа.

Хамгийн түрүүнд Бангладэшийн BANBAT 15 гэдэг НҮБ-ийн цэргийн баг дээрээс Монголын Либери дэх НҮБ-ийн штабт ажилаж буй офицеруудтай холбоо барилаа.

Төрөлх сайхан Монгол хэлээрээ ярих тэр мөчид сүүлийн олон орнуудад мэдэрч байгаагүй тийм тайван байдлийг мэдэрлээ.

Эх орондоо ирсэн мэт амар тайван сэтгэл төрлөө.