Facebook – дээрээс

2011 оны 11 сарын 22

АНУ. Чикаго хот

Миний ном таалагдсан бол, сурталчилгаа өвөрмөц болж чадсан бол. LIKE дарж SHARE хийгээрээ.

Таны дэмжлэг над болон миний аялалд маш чухал байна!

Миний энэ рекламыг чангалж байгаад сонссон хүн байна уу?

Цаас юм болхоороо чимээгүй, ширээн дээр хэвтэж байгаа 2 ном. Төсөөлөөд үздээ. Ном руу хартал тэр дотор байгаа бүх үйл явдлууд сонсогдоno.

Номын хуудсыг эргүүлэх болгонд тухайн хуудсанд тохирсон дуу чимээ дагалдаж байна. Магадгүй ирээдүйн ном болж болох

Хүүхэн харааны хөдөлгөөнийг тооцоолж тухайн хөгжим дээр үйл явдал, хэлж буй хүний хоолойны өнгөхүртэл мэдрэгдэнэ. Зүгээр видео кино үзэж буй мэт биш, ҮСЭГ гэдэг дүрсүүдийг нийлүүлэхэд чихэнд чимээ сонсогдоно.

Санснаас Номыг Chillout хөгжмийн чимээнд унших сайхан байдаг шүү.

ХЭРВЭЭ НОМ ЧИМЭЭТЭЙ БАЙСАН БОЛ гэсэн бичгийн дараа миний номонд орсон тэмдэглэлүүдийн үйл явдлын чимээ дуугарч байна.
Монгол Бадарчин номын 1-р боть болох ГАЙХАМШИГТ ЕРТӨНЦ номонд орсон ЧИМЭЭ гэдэг тэмдэглэлийг уншсан хүмүүс санаж байна уу? Өглөө хүйтэн хөлстэй сэрээсэн ЧИМЭЭ. Тэгээд чимээний төгсгөл хэсэгт эхний бөмбөг унаж байгаа. Зарим бөмбөг Чингэлтэй дүүргийн хэмжээтэй газрыг тэгшилсэн байсан. Тэгээд –ИЗРАЙЛЬ УЛС ХЕЗБОЛЛА БҮЛГИЙН ДАЙРАЛТАНД ӨРТЛӨӨ!!! гэсэн өгүүлбэр хэлж байгаа. Тэр үед үнэхээр сонин үйл явдлууд болж байсан. Орос, англи хэлийг ойлгодог Харилцаа төгссөн Монгол залуу Орос улс болон Араб, Израйль улс болон АНУ-ын хооронд хийж буй дайн шиг олон мэдээллийн урсгалыг мэдэрсэн.
Харин сүүлийн хэсэгт гарч байгаа КИРГИЗ ЯСТАНГУУДЫН (КИРГИЗСТАН) улсын мэдээгээр төр засгийн газрын тухай ярьж байгаа. Төр иргэд хоёр хэл амаа олж бие биенээ зохицуулж чадаагүйн тод жишээ! 170 гаруй хүнээ хувьсгал хийж байгаа гэж алуулсан. Тийм улсад иргэд цагдаа нартаа итгэхгүй (гэмт хэрэг өсөхийн шинж) цэргүүдээсээ айдаг болдог юм.
Ийм үйл явдлуудыг харуулах гэж оролдсон.

Монголын телевизийн рекламуудыг харж байхад дандаа л гадны рекламуудыг дуурайсан байдаг.

Ичих ч үгүй энэ рекламтай яг адил хий гэж ярьж байдаг.

Ургэлжлэл
2007 оны 2 сарын 22 ны өдөр Конго Бразавиллэ. Босогчдын нутаг өнгрөөд

Өглөө буудалдаа сэрлээ. Шөнөжин маш халуун бөхчим байсан бөгөөд сэнсээ унтраалгүй хонсон юм. Гэсэн ч шумуулны тороор ороо хүрээлүүлсэн байсан тул бухчим хэвээрээ байлаа.Хамаг биэ чийг халуун оргиод өглөө хурдан болоосой гэж хүсэж байлаа.

Шүршүүртэй зурагттай өрөөний аль алин ч ажилахгүй байлаа.

-Босоод дахиад л цүнхээ баглаж замдаа гарах хэрэгтэй болж байнадаа.
Хувцас өмнөх өдрийн хөлсний чийгээс хатаж амжаагүй байсан бөгөөд өчигдөр ийм үнэртэй хувцас өмсөж байснаа мартсан мэт бага зэрэг үнэрт манраад хувцсаа өмслөө.
Үүдэн дээр хятад үйлчлүүлэгч охинд баярлаа гэж хэлээд гарлаа. Тухайн суурингаар алхаж байхдаа юуны түрүүнд хоол олж идэх хэрэгтэй байсан тул тэндхийн зах дээр очлоо. Африкт гудамжаар явахад ямагт хэн нэгэн юм зарж, санал болгож байдаг. Амьдралд огт хэрэггүй зүйлүүдийг юмыг яаж мэдэхэв гээд асуудаг байх.

Амьдрал хоолон дээр тогтдог гэдгийг энэ аялын явцдаа л ойлголоо.
Өглөө бүр, өдөр бүр, орой бүр. ХОООООЛ.
Зарим үед өлсөх булчирхайг унтрах хэрэг гарах юм.
Халуун тул цүнхэндээ хоол хадгалбал маргааш нь муудна. өчигдөр идэж амжаагүй өндөгтэй талхаа өглөө бас хаялаа.

Зах дээр гудамжны хоолноос өөр сонголт байгаагүй тул, гал дээр шарж буй сүүлийн тахианы гуя авлаа. Гудамжны хоол нь маниа рэстораны хоолны үнэтэй адил.Талхтай хачирлаад идлээ.

Комуньзмын бүхнийг муулаад байдаг залуус зарим нэг зүйлийг хүлээн зөвшөөрөл хэрэгтэй. Комуньзм бидэнд хотын ариун цэвэр гэдэг зүйлийг сайн зааж дүрмийг биэ болгосон юм.

Хогийн сав гэж байхгүй тул хажууханд ясаа хаятал тэндхийн тахианууд тэр ясан дээр булаацалдаж байлаа. Тахиа тахианыхаа махыг идэж байгааг харах ямар эвгүй юм бээ гэж бодогдлоо.

Гудамжны гуанз гэж нэг ширээ нэг шарагч. нэг үйлчлэгч тэгээд НЯГТЛАН. ?

Хоолоо дуусгаад байж байтал нэгэн Европ 50 орчим насны хүүхэн ирээд мөнгө гүйлаа.
-Аан? өдөр бүр нутгийн ядуучууд мөнгө гуйдагт дасал болсон байсан чинь цагаан арьстай хүүхэн мөнгө гуйж байгаад итгэсэнгүй. Тэрээр энэ сууринд төрсөн гэж хүмүүс тайлбарллаа. Манайд ч гэсэн хааяа орос хүн гуйлга гуйж байгаа харсан удаа байгаа санагдлаа. Гэхдээ л өөрийн нутагтаа биш африкт ийм маягаар амьдрах тиймч амар биш байх гэж бодлоо.

Зам дээр гараад Лоубомо руу явах замыг асуутал тэнд байсан Жээптэй залуус хотоос гарж байж шулуун зам руу очно гээд намайг тэр зам дээр хүргэж өгөхөөр боллоо. Замдаа тэр хоёрын нэг нь Орсооор ярьж байсан тул ам нийллээ. Конго хуучны Францын колончлолоос хэлийг нь авч үлдсэн юм.
Африкийн маш олон оронд хуучин Оросд комуньст боловсрол эзэмшсэн хүмүүс их таарч байсан бүгд хуучны үеийн талаар ам сайтай байсан.

Хотоос гаргаад хээр зам дээр буулгаад тэд буцлаа.

Би замаа дагаад алхаж эхэллээ. Хэдийгээр өчигдөр босогчдын нутгийг туулсан ч, эн өдөр бүх юм зүгээр байх болно гэж хэн ч хэлээгүй тул түгшүүртэй хэвээрээ байлаа.

Алхсаар

Хэсэг хугцааны дараа машины чимэ сонсогдож, эргэж хартал манай ачааны машины цуваа ирж байлаа. Миний партизаануудын нутгийг хамт туулж байсан залуус машинаа зогсоогоод үүдээ нээлээ.

Хэдийг төлхийн? Гэж суулаа.
Юу гэж? Би уул нь Лоубомо хүртлэ мөнгө төлсөн биздээ гэж өөрийгөө зөвтгөлөө. Үнэхээр өмнө энэ машинд суухдаа Лоубомо хүртэл гэж тохиролцсон байсан юм. Шөнө тэрхүү жээптэй илүү хурдан хотод ирж буудлын орон дээр санаа амар унтсан нь болж дээ гэж бодлоо. Учир нь ачааны тэргэн дээрээ байсан бол өдийд л энд ирж байх нь байна. Бас сайн амарч аваагүй байх нь.
- За за суу. гэхдээ мөнгө хэрэгтэй байна шүү!
Би амьдралдаа маш олон хүмүүсдээ таарч байсан ч ийм мөнгөнд дуртай хүн харж байгаагүй юм,. Зарим хүн их хэмжээний мөнгөнд юу ч хийж магад, гэтэл энэ хүн юу ч хамаагүй салгаж байвал болно гэж боддог байлаа.

Дассан газрын даавуу зөөлөн гэгчээр. Унаандаа байраа эзэллээ. Нөгөө л гурван хүнтэйгээ замд гарах яагаад ч юм сайхан байлаа. Бид маш шороотой замыг удаанаар туулж байлаа, хааяа нөгөө машинуудын өмнүүр эсвэл хойгуур ороод.

Замын суурингуудад хүмүүс машин зогсоож КАСАВА ургамлыг зуухыг хүсч байлаа. Нэгэн тосгонд зогсож тэрхүү касаваг хойд контэйнэртээ дүүргэж эхэллээ. Далайн боомтоор ирсэн ачааг нийслэлрүү зөөгөөд буцаад хоосон явж буй эдгээр машинууд хэдэн төгрөг хийгээд авах хүсэл их байлаа. Би тэрхүү тосгоноор нь алхаж хүмүүсийн аж амьдралтай танилцаж эхэллээ. Африкийн ихэнх тосгонууд төстэй. Нэгэн амбар, жижиг цонх тэгээд хаалга, дотроо ТАВИЛГА ГЭЖ БАРАГ БАЙХГҮЙ. Эдэнд манайх шиг хүйтэн цаг агаар байсан бол яаж ханаа 40 цм болгох вэ гэж тархиа гашилгаж байхгүй, бас хүйтэрсэн ч түлээ олно гэсэн зовлонгүй.

Буцаад замдаа гарлаа.

Би аялынхаа туршид ачааны машинд дайчилагдах дуртай, учир нь замаас нэлээд өргөгдсөн байдаг бөгөөд, хол хээр харах боломж нээгддэг юм.
Хоёр талаар ширэнгэн ойг өнгөрсөөр Лоубомо суурин дээр ирлээ.

Хотоос нэлээд зайдуу ачааний машний цуваанууд зогссон бөгөөд би цүнхээ үүрээд хотын төвийг үзэхээр алхлаа. уг ачааны машинууд КАМАЗ маркийн орос хуучин тэргүүд байсан бөгөөд, хажуугаар шинхэн орж ирсэн Хятадын үйлдвэрийн ачааны болон зам засварын машинууд ихээр харагдаж эхэлж байлаа. Африкийн олон оронд анзаарагдсан зүйл бол сүүлийн үед хүнд даацын тэхникийг Хятадын үйлдвэрийн машинууд эзэлж эхэлж байгаа юм байна.
Барууны өндөр үнэтэй тэхникээс хямд, харин чанарын хувьд мэдэх юм алга.

Өдрийн халуун 30-40 хэм ; цунхний жин 25 кг орчим. Алхсаар.

Алхсаар төврүү орж ирлээ. Ганц цунх үүрч яваа гадаадын жуулчинг тэр хавын цагдаа, жэндарм, цэргийнхэн хүртэл зогсоож бичиг баримт шалгалаа. Маш олон улсуудад ийм зовлонг эдлээд сурсан тул, бичиг баримтаа шалгуулаад, юу хийж яваагаа муу Франц хэлээр тайлбарллаа.
Хамгийн сүүлд хотын нэг хэсэгт явж байтал холхон байсан цагдаагийн газраас хүмүүс далалж, нохой дуудаж байгаа мэт хашгирлаа. Би замаасаа хазааж тэдэн дээр очих хүсэлгүй байсан ч, цэрэг цагдаагийн дэглэмтэй газар хүний дуудах юм бол завгүй байсан ч очих үүрэгтэй юм. Монголын хуучин замын цагдаа нар жолоочийг хүлээдэг байсан бол, өнөөдрө өөрсдөө ирж мэндэлдэг болсон н ялтачгүй дэвшил юм. Харин гудамжаар яваа иргэнийг цагдаа шалгаж, кармагийг нь хүртэл нэгжих эрхтэй байгаа нь, бидний Цагдаагийн улс гэсэн байдалд хэвээрээ байгааг илэрхийлж байгаа юм.

Цагдаа дээр очиход тэд нөгөөл асуудлаа асууж, элдэв асуултаар шалгааж эхэллээ.
Гадны хүний бичиг баримтанд, визанд уу олох юм бол, тэгээд л будаа. Гарыг нь цайлгахгүй бол хэд хоног мөнгө төлтөл хорин. Нүдэнд багтах юм бол бороохойгоо шалган. Зарим улсуудад бууны гохоо шалгадаг тухай ч сонсож байсан юм.

Иргэний дайн, ард иргэд нь биэ биэнээ ойлголцхоо болиод, төрийн хүчтэй дэглэмд удаан амьдарсан хүмүүс байнгийн дарамтаас сүүлдээ айж, уг дугархаа больдогийг би харсан юм.

Миний бичиг баримтанд уу олдоогүй ч, ямар нэг юм салгахыг оролдсон хэвээр байлаа.
Би аялынхаа явцдаа ганц ч удаа хахууль өгөхгүй гүрийн гэж өөртөө ам өгсөн тул, энэ удаа ч гүрийлээ. Саатуулдаг юм бол, тэмдэглэлдээ бичих зүйлтэй болох юм чин гэсэн хэнэггүй байгаа хүний хараад ямар ч алба тушаалтан залхдаг юм байнлээ. Хэд хэдэн удаа саатуулагдаж үзсэн хүн, хал суусан байлаа. Хэрэг хийсэн биш.

Ширээний нэг булангаас хуучин цаас гаргаж ирээд миний паспортны мэдээллийг бичиж гарлаа. Намайг гараад явахад энэ цаасаа хогийн саванд хаях нь ойлгомжтой.

-За за, чи явж болно ! гэж надад буян үйлдэж байгаа мэт хэллээ.
Би ч гэсэн нээх соёлтой загнаж – Мэрси ! гэлээ.

Энэ жижиг сууринд байх хүсэл байгаагүй тул замдаа гарч, хурдхан Пойн Нойр хотын наран шарлагийн газар алжаалаа тайлахыг хүсэж байлаа. Би хэдийгээр Монгол хүн, тэр болгон далай тэнгисийн хажууд байхыг дурлаад байдаггүй ч, аялынхаа туршид боломжоороо далай тэнгис рүү хүрэхийг хичээж байсан юм. Африк тивийг тойрохдоо ч эрэг хавын улсуудыг бараадсан юм.

Маш хол ганцаараа алхсаар байлаа. Хүн бүр суурингаас гарч, зөв зам заахыг хичээсээр, аль нь зөв гэдэгт бүр эргэлзсэн тул зам дээр цүнхээ тавиад суулаа. Дотроо дүүрэн хүнтэй нэгэн тахь зогсож Пойнт Нойр хүрэх уулзвар хүргэж өгье гэлээ. Би яг юу яриад байгааг сайн мэдэхгүй байсан тул суужил орхилоо.

Би анх Олон Улсын Харилцаанд орж байхдаа Франц хэлний ангийг сонгож байсан юм. Багадаа Р үсгийг зөв хэлж чадахгүй байснаас Франц хэлээр ярьж сурах надад илүү сонирхолтой байлаа.
Харин Шалгалтаа өгөөд Франц хэлийг сонгосны дараахан, манай гэрийхэн миний зөвөлгөөнгүй Япон хэл болгосон байсан юм. Тухайн үед Монгол Франц хоёрын харилцаа сулаас гадна, энэ хэлийг сурснаар ямарваа нэгэн ажил, бизнэс хийх боломж хомс байсан юм. Харин Япон улс ойр бас явах боломж илүү их гэж үзсэн тул ийнхүү миний саналгүйгээр хэлийг өөрчилсөн юм.

Япон хэл сурсан нь миний амьдралд маш их хэрэг болсон, анх соёл иргэншилрүү аялсан улс нь Япон байснаас гадна. Дэлхийн хамгийн цэвэр соёлуудын нэгийг дотроос нь судлаж өөрийн соёлтой харьцуулах боломж гарсан юм. Гэхдээ Харилцаанд Япон хэлнийхээ шалгалтанд унаж 5 жил сурсан Япон хэлийг Японоос өөр хаанч хэрэглээгүйдээ өнөөдөр бага зэрэг харамсаж байна. Ялангуяа Франкофон гэдэг хуучин Францын колонь байсан 10-аад улсуудад өөрийн мэдмээр байгаа зүйлээ тайлбарлаж чадахгүй зутрах тухай урьдчилж мэдэж байсан бол, Франц хэлний ангийг шууд сонгох байсан юм. Франц хэлний нөлөө дэлхийд ийм том байдгийг би мэдээгүй юм.

Таксинд суутал тэрээр ямарч зогсолтгүй ой мод дундуур давхиж гарлаа.

Би хотоос гараад уулзвар хүрэх хүсэлтэй байсан бөгөөд, миний газрын зураг дээр тэрхүү уулзвар нь жинхэнэ байдлаасаа хамаагүй ойр харагдаж байсан юм. Нэлээд давхисний ( 1 цаг гаруй ) дараа тэрхүү уулзвар дээр зогсоод жолооч надаас мөнгө нэхлээ. Эндээс хэдэн зуун км явахад төлдөг мөнгөний хагсыг хэдхэн км төлөөгүй гэсэн тул цагдаагийн газар хүргэж өглөө. Далимаар нь эндхийн цагдаагийн газартай танилцаад авлаа. Гадаад хүн хэзээд буруу тул ялтачгүй хүссэнийг нь төллөө.

Тус Уулзвар дээр нэг зам нь хойд зүг Габон, харин нөгөө зам нь баруун зүг Пойнт Нойр хүргэхээр байлаа. Аль алинд машин байхгүй байсан бөгөөд, дөнгөж босогчдын нутгаар явсан би шууд хойд зүг чиглэх тухай ч бодлоо. Уулзварын голд яах тухай бодож байхдаа хоол авч идхээр шийдлээ. Гудамжинд шороон дунд нүүрсэн дээр тахианы махыг шарж байлаа.

Миний ходоод гэж юу болж байгааг бүү мэд, ячиж байсан хүн гэдэг Машинд өдөрт дор хаяж 3 удаа түлш хийхгүй бол, толгой эргэж алхаж чадахаа больдгийг маш олон удаа сайн ойлгосон юм.

Гудамжны хоол хэрнээ маш үнэтэй. Зарим түүхийн эд экспорт дээрээ түшиглсэн улсуудын хоол хунс маш үнэтэй, ард иргэд нь үндэсний үйлдвэрлэл эрхэлдэггүй тул хамгийн наад захын хэрэгцээ хоолон дээр зутардаг юм. Хоолныхоо гачигдлыг шийдээгүй улс хөгжлийн тухай ярилтгүй.

өндөр үнэтэй гудамжныхаа хоолыг идэж байтал миний хуучин танил, ачааны машинууд хажууд хүрээд ирлээ. Нөгөө жолооч ирээд – Хүүе, чи надад хоол аваад өг, би өлсөж байна.
Би унаанд нь суугаад өндөр үнэ төлж байгаа хэрнээ дахин мөнгөөр хоол авч өгөх бол шаал утгагүй санагдлаа, ялангуяа намайг суурин дээр буулгаж байхдаа цаашаа явахгүй гэсэн хэрнээ энд явж байдаг. Намайг дахин цаашаа авч явбал нэмж мөнгө төлүүлэх бодолтой байсан байх. Би өөр жолоочийг гуйж замаа үргэлжлүүлэх гэтэл тэрээр- Чи надад тэр мөнгөө төлөөд цуг явъя лдаа ! Дассан газрын даавуу зөөлөн гэж Монголчууд хэлдэг ч энэ удаа алдаа байлаа.

Бид хоолоо идчихээд нөгөө гурван найзтайгаа замдаа гарлаа. Урд хойно ачааны машины цуваа явж байсан тул цамцаараа хамраа таглаж, шөнөний замыг ширтэж явлаа.

ЭНЭ МӨЧӨӨС ЗУРАГ АВАХ БОЛОМЖГҮЙ БОЛСОН ТУЛ ТА БУХЭН ТӨСӨӨЛЛӨӨ АЖЛУУЛААД ҮЗЭЭРЭЭ!

Ачааны машины гэрлүүд маш хүчтэй байсан бөгөөд, хоёр талаархи байгал өөрчлмуөдуө байгаа нь анзаарагдлаа. Бид маш өндөр уулын хавцлаар явж байгаа нь машины гэрлүүд замын хажууд замхарч байх үед бодоглоо.

Энэ шөнөний зам миний аялын хамгийн үзэсгэлэнтэй мөчүүд байсан болов уу.
Африкийн болон өмнөд Амэрикийн ширэнгэн ойнуудын үзэсгэлэнгийн тухай би өмнө сонсож байсан. « Планэт Эартх« гэдэг ББСи-гийн баримтад киноноос ч үзэж байсан, харин амьдралдаа анх удаа ийм ширэнгэн ойн бүсрүү орж байлаа. Хэдийгээр шөнө дунд байсан ч манай машины дээд доод гэрлүүд замын хажуугаар үргэлжилж буй ширэнгэн ойг бага зэрэг гэрэлтүүлж байлаа. Би өмнөх цонх руу бүхийж тухайн ой модны дээд оройг харах гэж хичээсэн ч төсөөлж чадаж байлаа.

Тус ойн модны оройнууд нь тэнгэрийг түшиж байгаа мэт агуу том байлаа. Манай ачааны машинууд хэдийгээр бидний ойлгоолтонд том гэдэг боловч, тухайн ой модны хажууд жижигхэн тоглоом шиг байлаа.

Байгал дэлхий ямар үзэсгэлэнтэй юм бэ ?
Ийм том ой мод байдаг тухай төсөөлж, тв-ээр үзэж байсан ч жинхэнэ амьдрал дээр хамаагүй үзэсгэлэнтэй байдгийг анх удаал ойлголоо. Яг л үлгэрийн хот!

Хэрвээ та бүхэнд боломж байдаг л юм бол Африкийн Эсвэл өмнөд Амэрикийн ширэнгэн ойг харах хэрэгтэй шүү. Бидний ой мод гэдэг ойлголтоос хамаагүй өөр ! Гадны хүмүүсд хязгааргүй хээр талын тухай төсөөлөл нь мөрөөдөл мэт байдагтай адил.

Харамсалтай нь миний үзсэн зүйлээ тодорхойлох хэлний баялаг үгүйлэгдэж байгаа ч, бага ч болов өөрсдийнхөө төсөөллийг ажлуул гээд энэхүү зургийг тавилаа. Хажууд байгаа хүүхдийн тоглоом шиг машинуудыг анзаарч байна уу ?

Бид замаа дагаад яваад байлаа.
Ширэнгэн ойн бороо орж эхэллээ. Монголын уран зохиолын хэлэнд Мөнгөн Бороо гэсэн үгийг анх удаа утгийг нь ойлголоо. Машины өмнөх гэрэлд дусалж буй маш их борооны дуслууд яг л мөнгөн дусал шиг харагдаж байлаа. Болдогсон бол энэ үлгэрийн хот шиг гоё байгалийг бусаддаа энэ чигээр н хүргээд, Монголчууд бид яагаад байгал дэлхийгээ хайрлаж, түүний үзсэгэлэнг магтан дуулдаг байсныг ойлгуулах юмсан.

Бид үндэснийхээ хэл ёс заншилаасаа хөндийрсөн бөгөөд, уран зохиол ардын дуу хөгжимд байгалийн сайхныг төсөөлөн хойч үедээ хүргэж байгаа тэр бүтээлийг ойлгохгүй, гадаад хэлээр ярьж сурах нь илүү чухал гэж бодсоор байдаг. Монголынхоо Уран Зохиол яруу найргийг дэмжиж ойлгох цаг болсон мэт.

Машин уулын хавцлаар өнгөрч, баруун талд хясгааргүй мэт гүн харанхуй хавцал харин зуун талд Тэнгэр газарт буух вий гэсэн шиг авраг том моднууд тэнгэрийг түшиж, машины цонхон дээр ямарч зайгүй мөнгөн дуслууд дусалж байлаа.
Амьдрал яагаад сайхан бэ ? гэсэн асуултын хариултыг би олсон бөгөөд.
Сайхан дурсамжууд амьдралд байдаг учир амьдрал сайхан гэж хэлмээр байна.
Тиймээс сайхан дурсамжтай амьдрахын тулд тэрхүү дурсамжийг биэ болгож ЗӨВ амьдрах ёстой юм.

Үргэлжилэл бий.

2008.03.15. Point Noir. Rep Congo

Нэгэн өдөр найз Christof намайг анд явахийг урилаа. Цүнхээ бэлдээд Christof-ийнд очлоо. Миний дэлхийг тойрох аялийн тухай Францийн радиогийхан мэдсэн байсан тул явхаасаа өмнө ярилцлаг өгхийг гүйлаа.

Дэлхийг газраар туулж, Конгогийн Нийслэлээс Пойнт Нойр хүртэл газраар явсан зэрэг нь их сонин санагдсан бололтой.

Унаандаа суугаад Matumbi дахи Эрикийн гэрлуу явлаа. Замдаа гарахад маш их цахилгаантай бороо орж эхэллээ. Борооний улирал тул үдээс хойш тогтмол бороо орж эхэлсэн үе байлаа. Маш хүчтэй цахилгаанууд эргэн тойронд цахилж эхэлхэд, Машин дотор аюлгүй гэдэгт итгэлтэй байлаа.

Эрикийн гэрт иртэл , тэрээр хав харанхуйд сууж байлаа. Цахилгаан байрлуу цохиод тоггүй болголоо, бас цахилгаан бөмбөлөг гэртээ харсан тухайгаа ярилаа. -Нээрээ цахилгаан бөмбөлгийг жинхэнээс нь харах юмсан!

Бид үдийн хоолгүй байсан тул Жаун Паулийнд очиж хоол хийж идлээ.Тэр үеэр бороо ширүүсч, далайгаас салхилж их давалгайтай байгаа нь харанхуйд сонсогдож байлаа.

Спагеттигээ дуусгаад Эрикийнд ирж маргаашийн ангийн буу болон бусад тоногллоо шалгаж, бэлдэж эхэллээ. Хав харанхуйд хэдэн лаа асаагаад хутга буугаа бэлдэж байх үед яг л террорист бүлэг дайнд бэлдэж байгаа мэт санагдаж байлаа.

Тэр хоёр францаар яриж байсан ч, маш догдолж байгаа нь мэдэгдэж байлаа.

Би Трэсси нэртээ нохойг нь өвөр дээрээ авч суулаа. Толгойг нь илж байх явцдаа өөрийн LUCKY нохойгоо санлаа. Та нар нохойтой байж үзсэн уу? нүд нь замхартал толгойг нь илж үзсэн уу? Би нохойдоо тэгтлээ хайртай байж билээ. энэ нохойг зөөлөн илээд байсан чинь бас замхраад гипнозонд орсон мэт боллоо.

Эрик нохойгоо хардсан бололтой сэрээгээд өөрийн хажууд хэвтүүллээ.

-Маргааш энэ нохой чухал ажилтай! гэлээ.

Гадаа бороо орсоор. Бид буу халсаар бараг 03 хүргэчихлээ. Өглөө 05.30 -ид ан хийхээр замд гарах байсан тул баг ч болов унтаад авий гэж бодлоо. Хэвтээд удалгүй Christof хаалга маш хүчтэй балбаж -босоороо! явах цаг боллоо гэлээ.

- унтаж байгаа хүнийг маш зөөлөн сэрээх ёстой, гэнэт цочоож болохгүйшт гэж түүнд анхаарууллаа. өмнө нь ч гэсэн маш хүчтэй хаалга балбаж сэрээснээс бүтэн өдрийн турш нэг л нервний байсан юм.

Бороо багассан байлаа.

Christof надад алаг десант куртга, нэг буугаа бас өглөө. Тэдний буунаас жижиг байсан ч -Юмгүй хүнд юуч байсан яахуу! гэж бодлоо. Бид хамаг юмаа баглаад машинд суулаа.

Шөнөжин бороо орсон тул агаар бүхчим биш, нэлээд сэрүн байлаа.

Нохой бүүр догдлоод байх газраа олж ядаж байлаа. Эрикийн Жийп машиний хойно зогсоод, нохойг Эрик суу гэсэн тушаал өгөөд ойн дундуур давхиж гарлаа. Тэр хугацаанд нохой догдлоод байраа олж ядан байлаа, хэд хэдэн удаа гарын амт Эрикээс амсаад авлаа. Нэлээд явсний эцэст далайн эргийн хажууханд ойн өмнө машинаа зогсоолоо.

Трэссы -бууж болхуу? Гэсэн шиг Эрикруу харж байснаа, үүдийг нээтэл хормийн зуур алга боллоо.

Бид шувууний анд явж байсан тул задгай тэнгэрийн доор отож суулаа. Өглөө эрт шувууд сэрж нисхийг хүлээж эхэллээ. Харин манай нохой тэр хавиаар зогсолтгүй гуйж байлаа. Ангийн нохойн Инстинкт хөдөлсөн бололтой. Бид суусаар үүр цайж гэгээ орлоо. Гэнэт бутан дундаас 5-6 шувуу тэнгэрт хөөрлөө. Манай хоёр буудхад боломжтой үейиг хүлээж байгаад гал нээлээ.

- Би өмнө н хэзээч шувууний бууг сонсож байгаагүй юм байнаа! гэж бодлоо. Яг хажууд гал нээсэн тул чих дүнгэнж эхэллээ. Бууний сум шувуудийн дундуур тал бүр тарж байгаан харагддаж байлаа. Шувуу оногдоогүй тул дахиад нэг буудлаа. Алин ч унсангүй. Хоёр хушүүтай буу тул дахин цэнэглэж байх үед шувууд халин одлоо. Шувууний буу дотроо маш олон ширхэгүүдтэй бөгөөд тэдгээр нь буудах үед задарч тал бүр ниqсч байгаа нь харагдаж байлаа.

Би татаж унтлаа инээж эхэллээ. Нохой буун дуу сонсоод тэр хавиаар шувуу унасан байж гэж бодож гүйж, Хаа сайгүй хайгаад ямарч шувуу ололгүй буцаад ирлээ.

Бид дахиад хэсэг хугацаанд тэр хавид суулаа. Юуч байсангүй. Трэссы миний хажууд суугаад баг зэрэг хүчээ сэлбэлээ, дахиад алга боллоо.

Унаагаа асаагаад замийн дагуу харсан шувуудийг унгахийг хичээсэнч бүтсэнгүй.

Би анд явах тийм дуртай биш ч, Африкт тэгээд шувууний ана гэдэг миний сонирхлийг татаж, үүний талаар бичиж болох юм гэж бодсон .

Хэдийгээр надад буу байсан ч түүгээр шувуу буудах хүсэл огт төрөхгүй байлаа. Гагцхуу анд явж байгаа гэдэг сэтгэл намайг догдлуулж, зөөлөн зүлэг дундуур алхаж байхдаа, нуугдсан шувууг үргээх эсвэл элдэв зэрлэг байгалийн бүтээгдэхүүнтэй таарахгүй байх талаар санаа зовж байлаа.

замаар явж байтал нэгэн сонин зүйл олж харлаа.

Нэгэн Том хаалгатай хашаа! Хаалганий хэмжээ байшингаасаа том! хүн чадах чадхаараа баярхаж байгаа юм болвуу? Эсвэл төмөрлөгийн үйлдвэрт ажилдаг юм болвуу?аль эсвэл хаа нэгэн газраас энэ том үүдийг комунисцэн байх!

Бид явсаар нэгэн өндөр зүлэгтэй газар машинаасаа бууж алхахаар боллоо. Нэлээд хол алхаж эхлэхдээ ус горхийг тоохгүй туулж байлаа. Анд явж байгаа хүмүүс гутлан дахи ус юу ч биш байлаа. Харин аялагч надад -ганцхан гутал байгаа, үүнийгээ норговол сүүлд яах билээ§? гэсэн бодол байлаа.

Гэнэт өвсөн дундаас нэгэн шувуу нислээ. Christof онилоод буудтал шувуу хэсэг нисч байгаад буулаа.

Трэссыгийн нар нь гарлаа. холоос бууний чимээ сонсоод гүйж тэр хавийн өндөр зүлгийг самнаж эхэллээ. Нохой үнэхээр үнэрч амьтан, буудсан анчин шувууг хаан унасанийг тэр зүлгэн дунд тодорхойлж чадахгүй байхад нохой төвөггүй оллоо.

Christof нохойг загинаад шувуугаа авлаа. Нохой цус мэдрээд улам бүр хөөрсөн нь харагдаж байлаа. Бид нэгэн эгнээнд цааш алхаж байтал Эрикийн талд нэгэн жижиг шувуу хөөрлөө, Тэрээр хоёр будаж байж шувууг унагалаа. Нохойгоо дуудаад -Шувууг ол! гэж хэллээ.

Нохой шувууг хормийн зуур олоод зуулаа. Эрик шувууг тавь гэж тушаасанч болсонгүй, Хэлээд, загинаад, цохиод сүүлдээ амыг нь гараараа хөш ч байж шувуугаа гаргаж авлаа.

Харин би нохойний нүдийг олж харлаа. Өмнөх шөнө өвөр дээрээ илээд, хөөрхөн амьтан вээ, гэж бодож байсан тэр нохойноос шаал өөр амьтаний харц харагдлаа. Түүний нүд н тэлж, шүдээ маш хүчтэй зуугаад, бурхан гүйсан ч өгөхгүй гэсэн харцаар эзэнрүүгээ харж байлаа. Ямарч сайн амьтанд араатан чанар хааяа гардаг тухай сонсч байсан ч анх удаа үүнийг харлаа. Нохой бол амьтан шүү!

Хоёр анчин ан олсон тул намайг буудхийг хүлээж эхэллээ. Бид нэгэн эгнээнд явж байтал шувуу нөгөө хоёрийн талруу нислээ. Би буугаа рефлексээр өргөөд, буулгалаа. Үнэхээр анд явхад юм буудах хүсэл улам бүр төрдөг юм байналээ. Нөгөө хоёр миний будаагүйг ойлгож шувууруу буудлаа. Онсонгүй.

Би- За за залуусаа явцгаай! Christof -Тэгий, Гэхдээ чи хоосон ч хамаагүй буудмааргүй байна уу?

Үнэхээр 2-3 цагийн турш буу бариж явсан тул, буудах хүслээр дүүрэн байлаа. “JARHEAD” кино санагдлаа. Кувэйтийн Маш хүнд нөхцөлд дайнд бэлтгэгдэж байсан цэргүүд, байлдах гэтэл дайн дуусч байгааг өгүүлдэг юм. Нэгэн цэрэг хүнруу буудхийг хоргилсон тушаал сонсоод уйлж байгаа тэр мөч үнэхээр сэтгэлд хүрж билээ. Энэ киног үзхийг зөвөлж байна!

Буугаа нэгэн модруу чиглээд гохийг нь дартал цоожлогдсон байлаа. Энэ бүх хугацаанд ан хийж байгаа гээд цоожтой буутай явснаа ойлголоо.

Christof цоожийгн тайлаад, би буун дуу гаргалаа. Бууг мөрөндөө тулгаад гохийг дарах үед мөр бараг мултрах дөхлөө. чих хангинаад.

Christof- Энэ буу биднийхийг бодвол илүү хүчтэй юм, амитан агнах зориулттай чех гаралтай буу юм! гэлээ.

Би зүгээр уг бууг хэрхэн ажилдгийг сонирхох хүслээ биеэлуулсэн тул, бүгдээрээ машиндаа суугаад гэрийн зүг хөдөллөө.

Машиний хойн явах зуураа өвөөтэйгээ сүүлийн удаа хөдөө явж байхдаа, үдеш болхийн өмнөхөн лааз буудаж байсан санаанд орлоо.

Бараг харанхуй шахуу болж байсан бөгөөд, би өвөөтэйгуу бооцоотой лааз буудхаар боллоо.

Би сууж байгаад винтовоо чиглүүлээд буудлаа, 10 жилдээ байхдаа байнга хийн буудлагаар хичээлдэг байсан тул өөртөө бардам байлаа, харин өвөө насаараа армид алба хашисан тул надад тийм ч амар алдахгүйгээ мэдэж байлаа.

Бид 2 хэд хэдэн удаа буудаад , очоод байгаа шалгатал өвөөгийн буудлаг ганц ч алдаагүй байсанд би үнэхээр гайхлаа. Манай ахмад үейин хүмүүс бидний үейиг бодвол биэ бялдар, хараагаараа хамаагүй дээр байждээ гэсэн бодол надад үлдлээ!

Бид гэрлүүгээ явах зуур бусад хэдэн анчидтай таарлаа,

Энэ өдрийг миний аялийн сонирхолтой мөчүүдийн тоонд оруулхаар шийдлээ, хэдийгээр амьтан, шувуу агнаагүй ч Африкийн ойгоор хэсүүчилж, ан хийж явах ямар сэтгэгдэлтэй байдгийг сайн санаж авлаа.

Миний тэмдгэлийг уншдаг хүмүүс өөрийн санаа бодлоо бичиж байхийг битгий мартаарай! би энэ тэмдэглүүдийг бичих гэж цаг зав, их хэмжээний мөнгө зарж байгаа тул энэ хөдөлмөрийг хүндлэн гэдэгт итгэж байна.

Танд энэ талаар бодож байгаа болон тохиолдсон явдлуудаа бусад монголчууддаа хүргээрээ!

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

Сайн байна уу? миний энэ тэмдэглэл ”Монгол Бадарчин” цувралын эхний бүлэг болох ”Гайхамшигт Ертөнц” номонд орж байгаа тул түүнийг авч уншаад блогийн зургуудтай хослуулж, миний аялалыг илүү сайн мэдрээрэй! Баярлалаа.

2008.03.21, 17:21 цаг.
Бүгд Найрамдах Конго улсын “Конкуати” байгалийн дархан цаазат газар Мэттью гэдэг франц залуутай танилцлаа.
Тэрээр энэ дархан цаазат газарт сайн дурын ажилтан хийдэг бөгөөд, өмнө нь энд ирэхдээ хэлний бэрхшээлээс болоод сайн ярилцаж чадаагүй юм. Би анх түүнтэй уулзахдаа энэ байгальд ямар сайн дасан зохицсон байгаад гайхаж байлаа. Гадаа унтах, хөл нүцгэн ой дундуур чөлөөтэй алхах, ямарваа нэгэн хумхаа болон бусад өвчний эсрэг эм тариа хэрэглэхгүй, тос ч түрхэхгүй, нутгийн залуусын адил амьдарч байлаа.
Нэгэн өдөр англиар ярьдаг хүн байхгүй байсан тул хоёулханаа ярилцахыг хичээлээ.

Би франц хэлгүй тул англи хэлээр төрөл бүрийн сэдвийг залруулж байлаа. Өдөр усан онгоц дээр байхад Мэттью өнгө ялгадаггүй гэж сонсоод гайхсан ч энэ удаа илүү тодорхой лавлахаар шийдлээ. Тэрээр –Би улаан, ногоон, шар өнгөнүүдийг холиод ялгадаггүй юм! –Юу гэсэн үг вэ? Тайлбарлаад өг тэгэх үү? –Яах вэ дээ, ийм өнгөтэй зүйл байвал над адилхан харагддаг юм. –Чи жолооны үнэмлэхтэй юу? –Үгүй –Чи машин барих болбол өнгө ялгахгүй байх нь байна шүү дээ –Зүгээр, гэрлэн дохионы доод тал нь ногоон, шар, тэгээд улаан байдаг шүү дээ! Тэглээ ч би тийм зүйл сонирхдоггүй, над байгальд байх илүү сайхан санагддаг юм. –Хэрвээ гудамжинд харанхуй байгаад, замын дохио асвал чи мэдэхгүй нь байна шд. Чи намайг монгол гэж сонсоод маш их гайхаж байсныг санаж байна уу? Над яг тийм мэдрэмж төрж байна. Улаан өнгө хүнийг өдөөх, уурлуулах, хөдөлгөөнийг илэрхийлдэг юм. Харин ногоон өнгө тайвшрах, унтах, амрах өнгийг илэрхийлдэг юм. Энэ хоёр өнгө эрс тэрс талд хүнд мэдрэмжүүдийг төрүүлдэг бол чиний хувьд адил мэдрэмж төрөх юм байна шд! Энэ сараалжийн баганууд шар цэнхэр улаан өнгөтэй байлаа. Хоёр улаан баганын дараагийн багана ногоон өнгөтэй байсан тул –Тэр ямар өнгө харагдаж байна? Улаан, голын багана нь шар өнгөтэй байсан бөгөөд түүнээс –Энэ баганын өнгө юу вэ? гэтэл
-Шар –Чи шар өнгийг улаан, ногооноос ялгадаггүй биз дээ! –Тийм гэхдээ би энд удаан амьдарч байгаа тул хүн болгонтой энэ талаар ярилцсаар байгаад бүх баганын өнгөнүүдийг ямар нэртэйг нь мэднэ шүү дээ! –Чи эхний баганыг буруу хэлсэн шд! –Үгүй, чамд ямар өнгө харагдаж байна гэж чи асуусан биз дээ? –Чамд нар ямар өнгөтэй харагддаг вэ? –Шар, цус улаан, зүлэг ногоон! гэж асуултуудыг зогсоохыг хүссэн маягтай хариуллаа. Үргэлжлүүлээд –Хүн бүр цус улаан гэж багаас заасан тул улаан өнгөтэй байх ёстой гэж мэдээлэл тархинд байгаа юм. Ой мод ногоон, нар шар. Үнэхээр энэ яриандаа халуураад –Миний малгай ямар өнгөтэй байна? –Над улаан харагдаж байна.

Би өөрийнхөө аяллын ногоон саравчин малгайгаа хараад, түүнд улаан болж харагдаж байгаа гэдэгт нэг л итгэхгүй байлаа. Магадгүй түүнд эдгээр өнгөнүүд нэг өнгө шиг харагддаг юм болов уу? Ийнхүү яриагаа зогсоогоод бүх зүйл санаж байгаа дээр тэмдэглэж бичихээр шийдлээ.
Энэ талаар илүү тодорхой мэдлэгтэй хүмүүс мэдээллээ хуваалцаарай!
Маргааш өдөр нь би нэгэн өвөрмөц шувуу харсан тухай хэлтэл Мэттью –Тийм, би бас харсан, хар цагаан! Бусад хүмүүс –Биш ээ! Тэр чинь цэнхэр цагаан байхгүй юу даа! гэж түүнийг заслаа. Би нэгэн өөр зүйл бодлоо. Хэрвээ би бас тийм бол яана, гэхдээ өнгөнүүдийг хооронд нь хольдог! Түүнийгээ мэддэггүй! Жишээлбэл ногоон өнгө над улаанаар харагдаж, улаан өнгө над цэнхэр харагддаг байх жишээтэй, тэгээд R225 өнгийн кодтой улаан өнгийн Ferrari машинтай над дээр ирэхэд над ямар ч сэтгэгдэл төрөхгүй цэнхэр өнгө л харагдах нь байна шд. Тэгээд хүн бүр багаас цэнхрийг улаан гээд нэрлээд сурсан тул би бусдын адил улаан гэж дуугараад цэнхэр өнгө харж байх нь ээ! Та нар улаан өнгө харахгүй амьдарна гээд бод доо? …………………..?