2010 оын 5 сарын 30-ы ням гараг.
( 804 жилийн түүхтэй Нүүдэлчидийн Ургийн холбооны, 89 жилийн түүхтэй үндсэн хуультай Бүгд Найрамдах ) Монгол улсын шинэ нийслэл Улаанбаатар хотод.
Хэдийгээр өнөөдөр ням гараг ч 4 жил хагас даваа гаригаа ням гариг шиг өнгөрөөж тул онцын ялгаа анзаарагдсангүй. Ням гаригийн өглөө бусад өдрөөс ялгаатай байдаг нь өмнөх өдрийн паари буюу алжаалаа тайлж буй хүмүүстэй хамт доргисноос нэлээд ядарч сэрдэг юм.
Дэлхийн улс орнууд баасан болон бямба гаригуудад алжаалаа тайлж, өдөр тутам нэг хэмнэлд байсан стрессээ гаргахын тулд зугаа цэнгэлийн газруудаар өнгөрөөдөг билээ. Өдөр бүр 23 цагаас өмнө унтаж маргаашийнхаа ажлын үр дүнд анхаарлаа тавьдаг хүмүүс энэ өдөр цагийн хэмнэлээсээ гарч ажлыг боол бишээ ойлгохыг хүсдэг юм.
Харин манайд өөр байх шиг байна . . .
Нэг жолооч согтуугаар машин барьснаас үүдэн тээврийг бүхэлд нь хориглосон явдал болоод байна.
Өглөө босоод ялалтын гэрээс сансар орох гэж алхаж байх үед замын хөдөлгөөн цөөрч арай нам гүм болсон мэт санагдаж байна.
Соёлын хувьсгал гэж нийгмийн оюун санаанд хийх өөрчлөлтийн эхний хэсэг болох Монгол Бадарчин вэб сайтынхаа талаар найз ажлын түнш Энхбаатартай уулзаж, хийж гэж буй зүйлс нийгэмд үйлчлэх үр дүнгийн талаар ярилцлаа.
90 оноос өмнө комунизм социализм гэх хүний зохиосон онолыг бүтээх гэж 70 гаруй жил ажиллаад бүтсэнгүй, хүнийх байсан юм болохоор, цаанаа нурхад дагаад нурсан гэж болно.
Харин 90 оноос хойш шинэ бүтээх гэж оролдсон боловч МӨНГӨ гэдэг шашинд автаад консюмизм буюу эдийн шунал гэж өвчин тусч нийгмийн оюунлаг байдал үгүй болсон билээ.
Уг өвчинийг эдгээх арга нь аялал бөгөөд зөвхөн жуулчлал бус бадарчилал гэдгийг хувьдаа нээсэн тул, ийнхүү тэргүүн зэрэгт хийх ажлаа Монгол Бадарчин вэб хуудас болгосон юм.
http://www.amai.mn блог уншиж байсан залуусын сэтгэгдлийг харж байхад өөрөө юу ч хийгээгүй хэрнээ хүний хийж буй ажлын өөг хардаг хүмүүсийг эс тооцвол ерөнхийдөө Монголын залуус дэлхий ертөнцийг нээх хүсэл дүүрэн байгаагаас гадна өөрийгөө таниж мэдэхийн чухлыг ойлгосон байна.
Би хэн бэ? гэдэг асуултын хариултыг олсоны дараа дэлхий ертөнцөд Бид хэн бэ? гэсэн асуултын хариултанд явж ирэхдээ, олсон мэдсэн бүхнээ зүгээр ярих бус бусдад бас хайж олох боломжийг олгох нь зүйтэй гэж ойлгосон юм.
http://www.mongolbadarchin.mn вэб сайт бол http://www.amai.mn- тай төстэй байх юм. Гагцхүү нэг залуу бадарчилж явахдаа олж мэдсэнээ бичих бус, Монголд болон дэлхийд тархан амьдарч буй Монголчууд олж мэдсэн зүйлсээ бусадтайгаа төрлөх сайхан Монгол хэлээрээ хуваалцаж, түүхэнд өөрийн нээлт судалгаагаа үлдээж болох юм.
Монголын 21 аймгийн байгаль болон соёлын гайхамшиг, Монгол улсын гэхгүй Монгол туургатны үндэстэн ястан аймгуудын соёл урлагийн тухай, дэлхийн 200 гаруй улс үндэстэнүүдийн талаарх мэдээлэл.
Хэдийгээр энэ ажил маш том юм шиг харагдаж байгаа ч хүн бүр өөрийн мэддэг жоохон ч болов мэдээллээ уг вэб дээр байрлуулаад байвал жирийн гадаад хэлгүй эсвэл юмыг Монгол нүдээр харах гэсэн Монгол залууд Монголын болон дэлхий ертөнцийн талаар маш өргөн мэдээллийн эх үүсвэр бий болох юм.
Хүн бүр Япон хэлгүй, бас Англи хэлгүй. Мэргэжил нь инженер байж болно. Тэрээр нэгэн Франц залуутай танилцаж гэж бодоё.
Интернэт болон Монголын мэдээллийн санд бусад улс үндэстэнүүдийн талаар мэдээлэл цөөн, бараг байдаггүй тул ойлголт дутмаг байх болно. Хэрвээ дэлхийн улс бүрийн түүх соёлын талаарх мэдээллийг манай оюутан залуусын тусламжтай цуглуулж чадах юм бол нийтийн хүчээр бүтээсэн уг мэдээллийн сангаас шинэхэн Франц найзынхаа талаар илүү мэдээллийг олж болно.
Уг вэб сайтны сайн тал нь залуус өөр өөрийн блог нээж байгаа гэхдээ хүн бүрийн хаяг руу нэвтрэх боломж хэцүү. Монгол Бадарчин нээгдсэнээр хувь хүний бичлэг судалгаа нийтэд хүрэхгүй байгаа байдлаас ангижирч хамгийн сонирхолтой мэдээ мэдээлэл бичлэгүүд олон ниитийн хүртээл болох боломжийг нээх юм.
Улаанбаатарын залуу Дорноговь руу явмаар байлаа гэж бодоход тэрээр вэб сайтанд орж тухайн аймагт үзэж болох үзэсгэлэнт байгаль соёлын талаар бусад залуусын бичсан тэмдэглэлээс уншиж болно.
Монгол төдийгүй дэлхийд амьдран төрж буй улс үндэстнүүдийн дуу хөгжим соёлыг видеогоор бичээд блог дээр танилцуулж болно. Хүн бүрт бусадтайгаа хуваалцмаар зүйл байдаг. Ялангуяа аялж бах үедээ олсон зүйлээ бусдад мэдэгдэхээс гадна өөртөө хадгалж болох юм.
Уг вэб сайт дээр хамгийн олон уншигч цуглуулж, хамгийн сонирхолтой тэмдэглэл бичсэн хүн ирэх жил европ болон ази руу явах Их Аянгийн багийн бүрэлдэхүүнд багтаж, дэлхий ертөнцийг өөрийн нүдээр таниж болох юм.
Энэ ажил бол нийгмийн оюун ухааныг дээшлүүлэхэд зориулсан сайн дурын ажил байх бөгөөд олсон мэдээллээ бусадтай хуваалцах өөрийн мэдлэгийн төвшингөө шалгах хүсэлтэй хүн бүрт нээлттэй байх юм.
Нутагтаа ирсэн ч шууд кирил Монгол руу орж чадахгүй байгаа ч уг вэб нээгдэх үеэс кирил Монголыг албан ёсоор бүгд ашиглах ёстой болгох юм. Кирил Монгол бичиг нь төгс биш ч гэлээ нэг үндэстэн бие биенээ бүрэн ойлгож, мэдээлэл олж авдаг бичгэн материалууд олон нийтэд илүү хурдан ойлгогдох юм.
Энэ вэб сайтны ажлыг дэмжихийг хүсэж байна.
Вэб сайтанд буй бүх улсуудын талаарх мэдээ мэдээллийг гадаад хэл мэддэггүй ч боловсрохыг хүссэн хүн бүрт хүртээлтэй байлгахын тулд гадаад хэлнээс хөрвүүлэх нүсэр том ажил хийх хэрэгтэй болж байгаа юм.
ОУХ дээд сургууль болон хэлний, жуулчлалын сургуулиуд бас туслах болов уу.
Хэрвээ та өөрийн аяллын болон дээр тавьсан бүлгүүдэд хамааралтай сэдвээр тэмдэглэл бичсэн, олон нийтэд хүргэл хүсэлтэй байгаа бол бэлдэж байгаарай! Вэб нээгдэх үед та түүнийгээ бусадтай хуваалцах боломжтой болно.
Блогоо кирил болгож чадахгүй байгаа ч бичлэгийг уншаад кирил болгож туслах хүн байвал баярлах болно.
Юу ч байсан хийх гэж буй эхний ажлын төлөвлөгөө гарч ирлээ.
Бага багаар уулыг давна . . . .