2010 оны 5 сарын 24-ий өдөр. ( 804 жилийн түүхтэй Нүүдэлчидийн Ургийн холбооны Бүгд Найрамдах ) Монгол услын шинэ нийслэл Улаанбаатар хотод.
Сайн байна уу? Миний үл таних найз чамдаа энэ өдрийн мэндийг хүргэе.
Хэдийгээр гэртээ ирсэн ч, амьдрал нөхцөл байдал орчинтойгоо дасаж амжаагүй л байна.
Бэрхшээлүүд толгой дараалан бий болж эхэлж байна.
Сонин юм, 4 жил хагас ийм хурдан өнгөрсөн гэж үү?
Хамаатны бага хүүхдүүд том залуус болсон байна. Хот маань өөрчлөгдөж.
Харин би яасан болоо?
Хуучны олон танилуудтай уулзаж ярилцлаа, зарим нэг нь ажил амьдралдаа амжилт гаргаж харин нөгөө нэг нь бахь байдгаараа байна.
4 жил хагасын хугацаанд жирийн хүний нэг байтугай нэлээд хэдэн амьдрал амьдраад ч мэдэрхээргүй тийм их зүйлийг олж мэдлээ. Тэр нь надад хэрэг болох уу эсвэл хуучны адал явдалдаа гацсан өвгөн болгох уу гэдгийг амьдрал харуулах байх.
Хийе бүтээе гэсэн хүсэл эрмэлзэлээр дүүрэн ирлээ. Өөрчлөлтийг хийхийг хүсэж байна, чадах эсэхийг бас л цаг хугацаа харуулах байх. Гэхдээ зүтгээд л үзнэ. Тусламж дэмжлэг маш их хэрэгтэй болно.
Дэмжээрэй! Туслаарай . . .
Зарим хүмүүсийн амьдрал хаашаа явж буйг ойлгохгоод хичээсэн ч чадахгүй байна.
Архи гэдэг бол амьдралын чухал зүйл тул САРХАДЫН дээд гэж Монголчууд бид хүндэтгэн үзэж, бурхандаа хүртэл өргөдөг шүүдээ! Харин түүнийг амьдралын утга учир болгосон хүмүүс миний амьдралд орж ирж буйг хараад яах тухай бодож байна.
Амьдрал гэж гайхамшигтай зүйл. Аялаж үзэх, шинэ зүйл мэдрэх, өөрийгөө таних гээд олон олон сайхан дэвшилүүдийг авчирдаг ч, огт юм үзэлгүй түүнээс илүү эд хогшил цуглуулж, амралтаа тасартлаа тасартлаа ууж байх нь жаргал гэж боддог хүмүүсээс болгоомжлох хэрэгтэйг ойлголоо.
Тэд өөрсдийнхөө амьдралыг нурж буйг хардаггүй бөгөөд хажуу хүмүүсийнхээ бас нураадаг юм байна.
Монголд нэгэн залуу юм үзэж нүд тайлаад, амьдралын тухай бяцхан ч болов мэдлэг хуримтлуулаад ирлээ. Одоо юм хиймээр байна! Гэхээр дэгээ тавьж өөрөөсөө дээгүүр гаргах хүсэлгүй байгаа хүмүүстэй ч таараад амжлаа.
Хэнийг ч муулах гэсэнгүй, нийгмийн амьдрал тийм байгаа болохоор цаад шалтгааныг нь олж өөрчлөх гэж оролдсоноос ойлгуулах гэж оролдох нь зөв юм шиг байна.
Өнөөдөр маш чухал өдөр байна.
http://www.amai.mn гэсэн хаягтай Монгол Бадарчины 69 орноор бадарчилсан зурагт тэмдэглэлээ хааж, холын замд байсан найз блогоосоо хагацах цаг боллоо.
http://www.amai.mn гэдэг домэйн хаагдалгүй Эх Орондоо гэсэн блог тэмдэглэлүүдээр үргэлжлэх бөгөөд эх орондоо хийж бүтээх гэж зүйлүүдээс гадна, амьдралд тохиолдож буй үйл явдлуудаа та бүхэнтэйгээ хуваалцсан хэвээрээ байх юм.
Гагцхүү бадарчилалын тэмдэглэлүүд хаагдаж, миний амьдралын шинэ үе эхлэх юм.
Хуучнаараа амьдрах хэцүү гэдгийг ч ойлголоо. Буцаад адал явдлыг туулаад хүний нутагт эзгүй хээр ганцаараа майхнаа зоомоор байна.
Бүх найз нөхөд түншүүдтэйгээ уулзаж амжаагүй л байна.
Гэхдээ сайн явахад яана гэдэг билээдээ, хүний газар сайн найзаа орхиод туг бариад ирэхэд гэнэт сайн найз гэдгээ санасан хүмүүс одоо ичмээр юм.
- Чи танихгүй байгаа юм уу?
Гэж залгах үед
- Холын Африкт хоолны мөнгөгүй ядарч зүдэрч ганцаардаж байхад мартсан найзаа санаад ч яах билээ!
Гэж хариулж сурч байна.
Миний хувьд юуны түрүүнд ажлаа эхлүүлэх хэрэгтэй байна. Туслалцаа дэмжлэг хэрэгтэй байгаа тул саналуудаа бичээрэй.
Ажлын байр хайж эхэллээ.
Интернэт сүлжээ болон техник төхөөрөмжөөр туслах хүн байвал сайн байна.
G-Mobile намайг хилээр орж ирэх үед өөрийн хамгийн сайн утсаа жилийн эрхтэй хангалттай нэгжтэйгээр бэлгэллээ. Харилцаа холбооны эхний асуудлаа шийдлээ. Одоо дараа дараалал бий болох бусад асуудлуудаа шийдэж эхлэж байна.
Өмнө ажиллаж байсан бүх зүйлээ тараасан тул ажил амьдралаа шинээр эхлэх хэрэгтэй болж байна.
Их ажил гүйцэтгэх 4 жил хагас туршлага судлаж тунгаасан Нүсэр Том төлөвлөгөөнүүд байгаа тул санхүүгээр туслах, хамтран ажиллах бүх саналуудыг авч үзнэ гэдгээ хэлмээр байна.
Миний хийх зүйл бол тансаг машин авч ядарсан хүнд гайхуулах бус Нийгмийн оюун санааг дээшлүүлэх, үндэснийхээ соёлыг сурталчилах гээд оюунлаг ажил тул таны дэмжлэг туслалцаа маш чухал байна шүү!
Ажлын туршлагатай болох сонирхолтой, эерэг сэтгэдэг сайн дураараа нийгмийн хөгжилийн төлөө ажил хийх сонирхолтой залуусыг цуглуулж, олсон мэдсэн зүйлүүдээ хуваалцахаас гадна хамтдаа эх орныхоо төлөө нэгэн том ажлыг хиймээр байна.
Намайг дэмжигч залуус та бүхэн хийж эхлэх ажлын үр дүнг нь харж суух бус, эхнээс нь оролцож өөрийн бүтээлийн мөрөө түүхэндээ үлдээхийг уриалж байна.
Би түүхэнд үлдэх зүйл хиймээр байна. Юу байвал дээр вэ? гэж нэгэн оюутан залуу надаас асууж байсан. Тэгвэл энэн таны боломж шүү! Хийсэн оролцсон ажлынхаа сайн үр дүнг харж суух ямар сайхад байдаг гэж санана? Бас клуб 21-ийн бүрэлдэхүүнд сайн ажилласан мэдлэг боловсролтой хамгийн гол нь ухамсартай залуугын ажлын байр бэлэн болохоос гадна, бусад байгууллагуудад ажиллах хүсэлт дээр өөрийн БАТАЛГААНЫ бичгийг дагуулж өгөх болно.
Хүн бүр манай багт ажиллаж чадахгүй бөгөөд amai_around@yahoo.com гэсэн хаягаар өөрийнхөө тухай маш тодорхой анкетийг явуулна уу? Хэрвээ тэнцэх юм бол 3 сар бидний хийх ажилд оролцож улмаар амжилттай байх юм магадгүй цаашдын өөрийн амьдралын чухал замаа нээнэ шүү.
Дизайнер, 10 хуруу бичээч, англи хэлний мэдлэг сайн, компьютер дээх ажиллах чадвартай, сэтгэн бодох авьяастай, урлагийн мэдрэмжтэй, вэб болон интернэтээр чөлөөтэй харилцдаг, ажил хийхдээ үр дүнгийг нь голчилдог. Юманд хандахдаа өөриймсөг, гэр бүлийн ухамсар гэсэн сургуулийг сайн төгссөн гэх мэт олон чанаруудаас аль болох олныг өөртөө агуулсан тийм залуус байвал бүх мэдээллээ бичээрэй. Ээж аавын ажлын байр бас чухал шүү!
Эцсийн дүнд
- Хэрвээ чи, та надтай хамт хөл нийлүүлэн Монголынхоо төлөө зүтгэх хувь заяатай бол дээрх шалгуураас үл хамааран уулзах болно шүү!
Монголын бизнес байгууллагуудад байгаа блог уншигчдад санал болгох нь, мөдхөн хөтөлбөрүүд ажиллах эхлэх бөгөөд тэдгээрт өөрийн хувь нэмрээ оруулахыг хүсвэл одооноос уулзана уу!
Соёлын тэсрэлт хиймээр байгаа бөгөөд түүнд итгэдэг хүмүүс л багт хамтран ажиллана шүү!