Amai The Mongol | Around The World Mission

2010 оны 2 сарын 19 өдөр. Оросын холбооны улс Ростов На Дону хот

Өглөө найз Алексын гэрээс эрт 9 цагийн үед гарч галт тэрэгний буудалд дээр ирлээ.

Зарлах хоолойгоор – Та бүхэн аюулгүй байдлын үүднээс, өмнө болж байсан террорист үйл ажиллагааны хохиролыг битгий мартаарай. Эзэнгүй эсвэл шижигтэй цүнх боодол хаа нэгэн газар харвал автуусны буудлын захиргаанд мэдэгдээрэй! Ямарваа нэгэн хүн шижигтэй санагдвал бас хүчний байгууллагад мэдэгдээрэй!

Гэсэн зарлалууд жоохон байж байгаад зарлаж байлаа. Ростов на Дону хот нь Оросын холбооны улсын өмнө зүгийн нийслэл гэж байсан бөгөөд хил залгаа Кавказын орон нутгуудтай хилэлдэг тул ийнхүү байдлыг ойлгож болохоор байлаа.

Гэхдээ нөхцөл байдал тайван байгаа нь мэдэгдэж байлаа.

Цагдаа цэргүүд хаа сайгүй иргэдийн бичиг баримт, цүнхийг шалгасаар. Ажилаа хийж байна гэхээс илүү мөнгө салгах ажил хийж байгаа гэдгийг сайн мэдэж байсан тул тоохгүй байлаа..

Элиста орох автууснаас 15 минут хоцорсон тул, ойрын суурин орж бага багаар дөххөөр шийдлээ. 16.30ийн автуусаар явах юм бол шөнийн 2 цаг буухаас гадна автуусны буудал дээр дахиад олон цаг суух хүсэл байсангүй.

Билетний касан дээр очих үед үйлчлэгч гэж гинжтэй нохойтой төстэй хүмүүс байлаа.

Социализмын үед үйлчилгээ арай гайгүй байсан гэж хэлж болно, харин өнөөдрийн Орос улсын иргэдэд үйлчилдэг байгууллагын соёл гэж дэлхийд хаанч олдхооргүй өвөрмөц гэдгийг хэлж болно.

Хэрхэн хүрж болох тухай асуух гэтэл өөдөөс загнаж гарлаа, цагийн хуваарь асуухад мөнгө төлнө. – Би энд билет зарах л үүрэгтэй! Гэж хийх юмгүй суугаа үйлчлэгч өөдөөс загнана. Тэртээ тэргүй зав байгаа бол компьютер дээрээсээ хараад аль нэг боломжтой хувилбараар билетээ зарахаа боддоггүй тийм л үйлчилгээ бизнесс хийдэг…

Салск гэдэг уулзварын хотруу автуусны билет авлаа.180аад км 210 рубль (7 ногоон)

Автуусанд суугаад хотоос гарлаа. Социализм унаад капитализм ядуурал Орос улсад ирсэнээс хойш хүмүүсийн хүн чанар соёл гэдэг зүйл Монголтой адил шалдаа буусан байгаа нь алхам бүрт мэдэгдэж байлаа. Бие биентэйгээ харьцаж байгаа, үйлчилгээний байгууллагуудын ажилчид үйлчлэгчтэйгээ харьцаж байгаа тухай автуусанд сууж байхдаа бодож байлаа.

Замдаа нэгэн суурин дээр түр зогсож зарим хүмүүс тамхилахаар гарлаа. Автуус ирэхийг хүлээж байсан мэт хоёр цагдаа үүдэн дээр маш хурдан ирээд хүмүүсийн бичиг баримт шалгаж гарлаа. Би хажууд нь очоод юу ярьж буйг сонсох үед- За яахуу? Бидэнтэй цуг явхуу? Тохиролцох уу? Гэж нэгэн залуугийн пасспортыг гартаа барьсан цагдаа асууж байлаа.

13 жилийн өмнө Москва хотын вокзал дээр галт тэрэг хүлээж байгаад, суудлаа эзэлхээр явах үед хоёр цагдаа над дээр ирээд бичиг баримт шалгаж- уучлаарай таны бичиг баримт асуудалтай байна, бидэнтэй явнуу! Гэж хэлж байсан санагдлаа. Хэдэн цаг гаруй тэнд зогсож байхад ирээгүй хэрнээ яг галт тэргэндээ суухаар алхаж байхад ийнхүү шалгалт гэж хүнийг сандаргаж мөнгө салгадаг арга тэдэнд байдгийг намайг байдлаас аварсан найзууд маань хэлж байсан юм. Тэд саатуулж байгаа нэрээр өрөөндөө аваачиж, улмаар за за асуудалгүй байна гэж пасспорт буцаах үед галт тэрэг хөдөлсөн байх тул, давхар бэрхшээлээс айсан хүмүүс гарын мөнгөөр асуудлаас салдаг техниктейг би мэдэж авсан юм.

Хүчний байгууллагыг иргэний хяналтаас алдсан явдал Монголд байгаа, бид л нүдээ аниад өнгөрч байгаа болохоос. Замын цагдаагаас эхсүүлээд эрүүгийн цагдаа хүртэл тохиролцдог шүүдээ, энэ байдал аажмаар Оросын цагдаатай адил болох бол эволюцийн хууль болвуу.

Салск хотод ирээд, цаашаа хэрхэн явах тухай хүмүүсээс асуух гэтэл нөгөөл муухай ааш.

Цайгаа нэгэн каффед орж уугаад тэ гээд оройны 20 цагийн Элст ордог автуус хүлээхүү, эсвэл Севастопол хотоор дамжиж газар дөххүү?

Буудал дээр зогсож байсан хоёр хүнээс хэрхэн хүрж болох тухай асууж байтал хажууд ЭЛИСТА орох автуус ирээд зогслоо. Москвагаас Салск дамжаад Элиста ордог автуус хэдэн минутын дараа ирнэ гэж билетийн кассны хүн надад хэлж болохоор байсандаа, гэтэл дахиад 7 цагийн дараа ирэх автуус хүлээ! Өөр унаа байхгүй гэж худлаа хэлж байдаг.

Орос улсад хүмүүсд итгэх хэцүү болсон, юмыг олон дахин асууж лавлах хэрэгтэйг дахин дахин ойлголоо.

Автуусан дээр очоод 300 рублээр Элиста хүрэхээр боллоо

Цөөхөн хүнтэй автуусны цонхны хажууд сууж, хүмүүсийн амьдрал хэрхэн байгааг харлаа.

Москва болон том том хотуудаас маш өөр. Монголтой төстэй нэг хэсэг нь хэт баян харин нөгөө хэсэг нь өдөр тутмынхаа хоолны төлөө аргаа барж байгаа харагдлаа.

Автуусанд К9 кино үзэж цагийг барж байлаа.

Нэгэн уулзвар дээр цагдаа автуусыг зогсоож бичиг баримт шалгалаа. – За болилдоо1 бид уугээр долоо хоногт 2 удаа унгурдуг нийтийн уйлчилгээний автуус шуудээ! Дандаа шалгадагаа болимоор юмаа1 гэж автуусны 2 жолооч амандаа буфтнаж гарлаа.

Хэсэг явж байгаад хилийн цэг гэхээр бага, замын шалган гэхээр том санагдхаар замын цагдаагийн шалган нэвтруулэх газар зогслоо. Бух машинуудыг шалгаж байсан бугууд- Энэ ю вэ? Гэхэд – манайд юм болгоныг хуний эсрэг хийдэг юм1 гэж жолооч надад хариууллаа.

Халимаг улсруу орж буй н энэ юмсанж.

Орсын холбооны улсыг сайн ойлгодог хун манайд ховор. Хойноос л ирсэн бол Орос гэдэг шуудээ.

Тэтгвэл манай хойд хөрш дотроо өөрийн ерөнхийлөгчтэй бүгд найрамдах улс (республик) Край, Област, гээд олон төрлийн засаг захиргааны нэгжүүдтэй бөгөөд тус бүрдээ өвөрмөц засаг захиргааны бүтэцтэй юм.

Халимаг улс 400 жилийн өмнө Оросын их Гүрэнд сайн дураар нэгдэж орсон өөрийн парламент ерөнхийлөгчтэй бүгд найрамдах улс. Гэхдээ Оросын холбооны улсын ерөнхийлөгчид захирагддаг.

Тус шалган нэвтрүүлэхийг өнгөрөх үед өөр Оростой! Гэсэн гарчигтай 400 жилийн ойд зориулсан самбар харагдлаа. Хажууд нь Монгол бичигээр бичсэн хөшөө бас байлаа. Тэд үүнийг тод бичиг эсвэл Халимаг бичиг гэж бас нэрлэдэг тухай бас мэдэж авлаа.

Тэгээд уурга шиг зүйл барьсан нохойтой малчин залуугийн хөшөө байлаа.

Ийнхүү нүүдэлчдийн хамгийн баруун нутгийн Халимаг улсын газар нутагт гишгэлээ.

Автуусыг зогсоож байгаад тус хөшөөний зургийг авлаа.

Хэн нэг нь Монгол бичигээр бичсэн байгаа зүйлийг уншиж өгж туслана байх.

Яагаад ч юм сэтгэлд маш сайхан санагдаж эхэллээ.

Эхний суурин дээр хэсэг залуус суусан бөгөөд, зүс царайгаараа яг л Монгол залуус. Гэв гэнэт – би хаана явна вэ? Гэсэн асуулт бий боллоо. 4 жил 3 сар 15 өдөр байнга хүний нутагт гадаад хүн шиг харагдаж, сондгойрч байсан бол энэ удаа олны дунд төөрч болох юм байна гэсэн санаа төрлөө.

Автуусаар явсаар ЭЛИСТА хотруу орж ирлээ.

300 гаруй мянган хүн амтай, 76 000 км кв газар нутагтай Оросын холбооны улсын республик халимаг улсад 3 ны 2 нь Орос, үлдсэн нь Халимагууд эзэлдэг юм.

ОЙрд гаралтай халимагуудын талаар судалгаагаа дараагийн удаа бичихээр шийдлээ.

Нийслэлийн төвд автуус зогсож, Элиста буудлын өмнө барьсан Монгол гэрийн хажууд зургаа даруулаад Couchsurfing.com оос танилцсан Юля гэдэг найзын гэрлүү явлаа…

Үргэлжлэл бий…

Share on Facebook