Төрийн ажил бол гэр бүлээс тусгаар.
Хүн ажил амьдрал хоёроо хольхгүй байхыг хичээдэг, ялангуяа олон зуун жилийн түүхтэй 3 сая гаруй хүн амтай улсын ажлыг гэр бүлийн ажил болгон хувиргасан нь ичгүүртэй явдал юм.
өнөөдөр бид энэ талаар ярилцаж байгаа ч ирээдүйд бичигдэх Монголын НЭН ШИНЭ ТҮҮХэнд энэ явдал сургамж болон үлдэх юм.
Бид өмнөх сонгуулиараа Ерөнхийлөгчийг сонгохдоо эхнэрийг нь сонгоогүй юм шүү !
Монгол улсын иргэн төрийн ажилд орохын тулд тусгай шалгалт өгдөг, гэтэл Ерөнхийлөгчийн эхнэр нэрийн дор улсын нууц бодлогт хамааралтай Тагнуулын төв газар луу дээд албан тушаалд хүслээрээ томлигдож байгаа явдал, Монголын өнөөгийн ерөнхийлөгч улсыг удирдах ажил хувийн ашиг сонирхолтой хольж байгаагийн илрэл билээ.
Ажил бол ажил ! Дүрэм бол дүрэм. Эрх бол эрх.
Эх Орны Хишгийг Хүртээн !
Төрийг өөрийн гартаа барьх хамгийн бохир арга бол, ард иргэдийг боловсролгүй бөгөөд ядүү байлгах. Боловсролгүй ард түмэнд юу хэлнэ, тэд итгэн. Ядүү ард түмэнд юу л өгнө алгаа дэлгэн. Социальзмийн үэд хувийн өмч гэж байхгүй, улсын өмч бол нийтийн өмч гэж зааж байсан, хувьсгал болсноос хойш хүмүүс өмчтэй болох арга зам хайж эхэлсэн, хамгийн зальтай сэрэглэн хүмүүс нь юуны түрүүнд улсын өмчийг авч амьжсан.
Төрийн ажил гэдэг бол ард түмэний нийгмийн хамгаалал, улсын эдийн засгийг хөгжүүлэх юм.
- Намайг сонгох юм бол улсын сангаас мөнгө гаргаж өгнө шүү ! гэж амлаж байгаа нь маш том эндүүрэл юм.
Хэнийг ч сонгосон амьдрал өөрчлөлдөггүй байгаа юм чинь, ядахнаа юм гар дээр өгье гэснийг нь сонгож, томчуудын хүртээд байгаа зүйлээс багийг ч болов хүртье ! гэсэн гэнэн бодол нийгэмд тогтсон байгаа тул түүнийг өөрийн сонгуульдаа ашиглаж байгаа нь ямар бохир ажил хийж байнаа аа ! гэсэн дүгнэлтэнд хүрч болох юм.
2004 оны сонгууль хүртэл нэр дэвшигчид сонгогчдод гарын бэлэг мөнгө өгдөг байсан. Энэ зардал нь тухайн хүний карманаас эсвэл ивээн тэтгэгч байгуулгуудаас гарж байсан. Албан тушаалдаа суусны дараа нөгөө өрөө төлөх гэж элдэв лобби, лицэнзүүд олгож эхэлсэн.
Харин 2004 оны сонгуулийн сурталчилгаанаас анзаарагдсан шинэ хэлбэрийн хахууль нь
- Намайг сонгох юм бол ийм мөнгө, тийм зориултаар улсын сангаас та нарт өгнө өө! гэж байнаа.
Арай гэж сургууль, цэцэрлэг, эмлэг зэрэг нийгмийн байгуулгуудаа хүлэн дээр нь тогтоох гэж ядаж байгаа улсын төсвийг бусадтай хувааж авна гэдэг бол хамгийн тэнэг амлалтуудын нэг.
Түүхэнд ингэж л бичигдэх болно.
Ерөнхийлөгчийн эрх мэдлийн хүрээнд улсын сан хөмрөгөөс хүртээх эрх мэдэл байхгүй.
Их хурал засгийн газарт энэ тал дээр шахалт үзүүлэх эрх ч байхгүй, төрийн 3 өндөрлөг тус бүрдээ биэ дааж хийх ажилууд бадаг бөгөөд өөрийнхөө эрхийн хүрээнд л ажилаа хийх амлалт өгөх ёстой байсан юмсан. Эсвэл ядүүгийн ядүү байгаа иргэдийг мөнгөөр хуурч дахин албан тушаалдаа үлдэхийг хичээж байна уу ?
7 сарын нэгэн
Аялынхаа явцад маш олон дайнтай газруудаар явж үзлээ. Тэдгээрийн дотроос хамгийн аймшигтай нь Иргэний дайнууд байсан юм. Ах дүү гэр бүлүүд, найз нөхөд, нэг улсын иргэд биэ биэнээ дайсан гэж үзэн хороож байсан явдал хамгийн эмзэглүүштэй санагдсан.
өнгөрсөн оны 7 сарын нэгний өдөр хүртэл Монгол улс энх тайван газар гэж итгэж байлаа.
90 оны ардчилсан хувьсгалын үэд олон зуун мянган хүний өөрчлөлтийг хүсэж байхдаа хүчирхийлэл, төр иргэний хоорондох хурцадмал байдалд хүргээгүй юм. Хоёр талууд хоорондоо Монгол хэлээрээ хэлэлцэж чадаж байсан юм.
Тухайн үэийн хүмүүсийн боловсрол, хүмүүжил нөлөөлсөн, бас иргэдийнхээ эсрэг хүч хэрэглэж болохгүй гэсэн бодлого баримталж байсан төр засгийн тэргүүнүүдийг хүндлэх хэрэгтэй.
Төрийн хүчний хоёр байгуулага болох цэрэг цагдаа нар хоорондоо байлдаж онцгой байдлыг зарласан байсан Гүйнэа улсад ирсэн анхны өдрөө буун дуу сонсож байхдаа эх оронд маань иргэний дайн эхэлснийг анх олж мэдээд итгээгүй юм.
90 оноос хойших Их Хулгайн гайгаас болж боловсролын систэмийн бодлого алдагдаж, залуусын боловсрол муудаж эд хөрөнгийн шунал биэ болсон юм.
Боловсролтой байхын гол давуу тал нь мэдээллүүдээ өөрийн биээр олж уншаад тэдгээрийн дундаас дүгнэлт шинжилгээ биэ даан хийх чадвартай болох явдал юм.
90 оноос хойших хүүхдүүдэд мэдээллийн маш том орон зай нээгдсэн боловч, нийгмийн оюуны ядуурлаас болон эдийн засгийн байдлаас болж түүнийг ашиглах ухаан үгүй болсон юм.
7 сарын нэгний явдлыг бусад улсын үйл явдлаас харж, урьдчилан сэргийлэх боломж байсан ч, аль аль талдаа ажил хийгээгүй тул. Энх тайван цагийн Монголд 5 хүний амь нас үрэгдсэн юм.
Онцгой байдал зарласан олон улс орнуудаар аялж байхдаа тухайн улсын нийгмийн байдлыг давхар дүгнэх боломж нээгдэж байсан юм. Төр болон хүчний байгуулгийн дарамтанд орсон улсуудад цэрэг зэвсгийг ард иргэдийнхээ өмнөөс чиглүүлж, нийгэмд төрөөс айх айдсыг бага багаар бүрэлдүүлж, улмаар дарангуйлагчийн нэр нь тодорч байсан юм. Монголд болсон уг явдал бид ямар зүгрүү явж байгааг харуулж байгаа юм.
Монгол улс бол зэвсгэлсэн гэмт хэрэгтнүүдтэй, амь насанд маш аюултай тийм улс биш, тиймээс онцгой байдлын нэрээр хотруу хуягт бүрэн зэвсгэлсэн цэргүүд оруулах шаардлага байхгүй. Тухайн үэийн зургуудыг харж байхад автомат буундаа магазиныг хийсэн байсан. НҮБ-ийн цэргүүд дайнтай газар байхдаа хүртэл буугаа онцгой тохиолдол хүртэл сумлахыг хоргилсон байдаг. Өнөөг хүртэл хүмүүс жагсахаас айдаг болсон байгаа.
Хүний амь нас гэдэг бол юунаас ч үнэтэй зүйл. Түүнийг таслах эсэхийг зөвхөн хуулиар олгогдсон эрх бүхий хүмүүс шийддэг. Хүний амь насны эсрэг нийгмийн эсрэг хийсэн зүйлийг нь шүүхээр буруутай гэж нотолсон тохиолдолд л шийтгэх тогтоолыг уншиж гүйцэтгэдэг.
Улс, хувь хүний өмч хохирч, нийгмийн замбраагүй байдал хүчээ авч, Монгол үндэстний үнэт зүйл болох Морин хуурын болон дүрслэх урлагийн зүйлүүд устаж эхлснийг харахад байдал ямар аюултай үр дүнрүү чигэлснийг ойлгож болох юм.
Зогсоогоогүй бол нийт улс орон даяар хүндрэх болзошгүй байж. Тухайн үэд онцгой байдал зарлаж, эмх замбраагүй байдлыг зогсоох шийдвэр гаргасныг буруушаахгүй ч иргэдрүүгээ галт зэвсэг хэрэглэж иргэний дайны анхны дохиог өгсөн явдлын хариуцлагийг алдаа гаргасан буруутанд өгөх ёстой.
Олон нийтийн мэдээллийн хэрэгслийг хааж, ард түмнийг нэг талыг баримталсан мэдээллээр боомилж байсан явдлыг харж байхнаа нийгмийг дарангуйлах, захирах алхам хийгдэж эхэлснийг анзаарсан юм. Ардчилсан нийгэмд мэдээлэлийн хэрэгслэл халдашгүй байх ёстой.
Зэвсэггүй иргэдийнхээ өөдөөс галт зэвсэг хэрэглэж амыг нь хороох тушаал өгсөн хүнийг өнөөдөр хүртэл тогтоож чадаагүй байгаа нь манай хууль зүйн институт хэрхэн улс төржиж, албан тушаалын дарамтанд байгааг харж болох юм.
Онцгой байдлыг зарлаж, цэрэг хөдөлгөх эрхийг зөвхөн Ерөнхийлөгчид үндсэн хуулиар олгогдсон байдаг бөгөөд, 5 хүний амь нас хохирсон явдлын талаар эмэгнэл тайлбарыг өнөөг хүртэл Ерөнхийлөгч мань өгөхгүй байгаа нь зэвсэг хэрэглэсэн явдлыг зөвтгөж байгаагийн илэрхийлэл болов уу.
Сонгуулийн хариунд бухимдсан ард иргэдтэйгээ уулзаж, асуудлыг шийдвэрлхээсээ илүү цэрэг зэвсэг ашиглаж хэлмэгдүүлэлтээс хойш анх удаа иргэдийнхээ эсрэг буун ашигласан хүн ЭВИЙГ БЭХЖҮҮЛНЭ ! гэж уриалж байгаа явдлыг анзаараарай.
Иргэний дайн гэж томоор нэрлэсний шалтгаан нь Монголчууд, ахан дүүс хоорондоо хуваагдаж, биэ биэнээ үзэл бодлоор алж хядъя гэж уриалж байгаа явдал юм. Тэдгээр 5 залуу буруутай ч бай буруугүй ч бай хүний амь нас хохирч, айл гэр бүлүүд хүүхэд, ач, хайртай хүмүүсээ алдсан тийм эмэгнэлтэй үэд – Алж байвал тааран ! гэж коммэнт бичсэн олон мянган хүний бодлоос ойлгож болох юм. Бид нэг үндэстэн, нэг хэлээрээ биэ биэнээ ойлгож хүндэлж болно.
Дүгнэлт
Монголд амьдарч байхдаа өдөр тутмын хэвлэл мэдээлэл, хүмүүсийн яриан дундаас хэн нь хэн бэ ? гэсэн дүгнэлт хийдэг байлаа. Үнэн худал биэ биэнээ гүжирдсэн магтсан мэдээллийн төөрөгдөл дундаас яг юу болж байгааг харах үнэхээр хэцүү байсан.
өнөөдөр холын замд гарсан цагаасаа олон улсын амьдрал, улс төрийн байдлыг харж, судлаж харьцуулж дүгнэлт хийж сурч байхдаа Монголд яг юу болоод байна аа ? гэсэн асуултыг улам бүр сонирхож, байдлыг хөндлөнгөөс харахыг хичээж эхэлсэн юм.
Миний энэхүү дүгнэлтийг зөвшөөрч эсэргүйцэж болно.
Надтай санал нийлж болно үгүйсгэж ч болно, гэхдээ 90-ээд оны ардчилсан хувьсгал бидэнд маш том боломж олгосон нь сонгуульд өөрийн итгэж буй хүнээ сонгох эрх юм.
2009 оны 5 дугаар сарын 24 ний өдөр болох сонгуульд Төрийн ажлыг гэр бүлийн, бүлэг хүний ашиг сонирхлын ажил болгосон, Монгол хүний үнэт зүйл болох байгаль дэлхийгээ хамгаалах бодлогийг худалдсан, Ард түмнийг манайх дайсан болгон хуваасан, дөнгөж амьдрал үзэх насандаа байсан Монгол иргэдийнхээ амь насыг өөрийн хүч эрх мэдлээ үзүүлэх ажлын золиосонд гаргасан тийм хүнд өгөх нь зөв үү ?
өнөөдөр Эх оронд мань биэ болоод байгаа нийгмийн үзэн ядалт, хуваагдал битгий үргэлжлээсэй гэсэндээ би өнөөгийн ерөнхийлөгчийн төлөө санлаа битгий өгөөч гэж хүсмээр байна.
хэзээ нэгэн цагт гэртээ харьхад хүмүүсийн амьдрал сайжирсан бус улам бүр дорой битгий болсон байгаасай гэж өдөр бүр залбирч байгаа явдалд дүгнэлт хийхийг хичээгээрэй !
өндөр сүрлэг байшингууд баригдаж, тансаг машин тэхник хэрэглэж эхэлсэн нь амьдрал сайжирсны илрэл биш юм шүү ! хүн амын 80-аад хувь нь нэн ядуу амьдарч, өдөр тутмынхаа хоолны мөнгөний төлөө сонгох эрхээ худалдаж эхэлсэн нь амьдрал ямар хэцүү байгааг илэрхийлж байгаа юм. Хүн ядуу байж болно гэхдээ сэтгэлтэй байх хэрэгтэй.
Би аль ч намын гишүүн биш, миний хувьд улс орны амьдрал сайжирч байвал миний амьдрал сайжирна гэсэн бодолтой байдаг тул өөрийнхөө энэхүү тэмдэглээрээ бодлоо илэрхийлж ардчилсан нийгмийнхээ эрх үүргээ биэлүүлж байгаа юм.
2009 оны 5 сарын 24 ний өдөр болох Монгол улсын ард түмний эв нэгдлийн илэрхийлэл, төрийн тэргүүн болох хүнийг сонгох ажилд та бүхнийг идэвхтэй оролцохыг хүсэж байна.
Ялангуяа залуучууд ирээдүйн амьдрал, дараагийн 4 жилийн тогтвортой дэвшилттэй нийгмийг бүрдүүлэх ажилд заавал оролцох ёстой шүү !
Сонгуульд 50-иас дээш хувийн сонголтыг авсан хүнийг бус нийт ард түмний 50-аас дээш санал авсан хүнийг тэргүүнээрээ залж, сонгуулийн маргаашнаас хүндлэн дээдэлмээр байна.
Миний тэмдэглэл ардчилсан намыг дэмж гэж хэлж байгаа юм биш, заавал сонгуульд оролцоод хоёр сонгогч таалагдахгүй бол алиныг ч сөнгөхгүйгээр шийдвэр гаргаж болно. Гагцхүү таны идэвхтэй оролцсон байдал дүн гаргахад хэрэгтэй болно.
Үнэхээр манай Ерөнхийлөгч Монголын хүн амын 54 хувийн дэмжлэг авдаг эсэх нь харагдах болно
Сонгууль шудраг болоосой !
Амай.
Дэлхийг тойрох аялын 60 дахь улс Монтенегро.
2009 оны 5 сарын 18 ны өдөр.