“Монгол Бадарчин” төслийн хамгийн сүүлийн цэг болох Канад улсын Монтреалиас, Торонто, Киченер, Ниагра фолл, АНУ-ын Буффало, Нью Йорк, Солонгосын Сеулээр дамжин Улаанбаатар хотдоо буугаад, Нисэхээс Төв талбай хүртэл алхаж, Эзэн Хааны хөшөөндөө мөргөөд, 9 жил амьдарсан, шунал, хувийн гэсэн зүйлсээс татгалзсан, мэдлэг, амьдралын ухааныг эрэлхийлж алс хязгаар нутгийг туулсан Бадарчны замаа дуусгавар болгож, Жирийн амьдралаа өнөөдрөөс эхэллээ. Хол замд ядарч, бас бус асуудлуудаа шийдтлээ нэг хэсэг гэртээ байх болно… Утасгүй байгаа тул fb холбогдоорой. Өдөр бүр маш олон захиа, ерөөл ирж байгаа бөгөөд тус бүрд нь хариулах боломжгүй байгаа бөгөөд, хүлээн авч уншиж байгааг хэлмээр байна. www.amai.mn сайтандаа энэ цаг үеийн хүн төрөлхтний 86 улс орны байгалийн гоо үзэсгэлэн, хот суурин, хүмүүсийн аж амьдралыг фото зургаар хойч үедээ үлдээлээ…